ഗ്ളോബല്‍ വില്ളേജില്‍ കേരളോത്സവം

ദുബൈ: ആഗോള വിനോദ ഷോപ്പിങ് മേളയായ ഗ്ളോബല്‍ വില്ളേജില്‍ മലയാളികള്‍ക്കായി കേരളോത്സവവും. അടുത്ത വെള്ളിയാഴ്ച വൈകിട്ട് നടക്കുന്ന പരിപാടിയില്‍  നടന്‍ നിവിന്‍ പോളി, ഗായകരായ ഹരിചരണ്‍, ശ്വേതാ മോഹന്‍, നജീം അര്‍ഷദ്, നര്‍ത്തകരായ ഷംന കാസിം ,സജ്ന നജാം എന്നിവര്‍ പങ്കെടുക്കുന്ന ആഘോഷോത്സവത്തില്‍ കഥകളിയും പഞ്ചവാദ്യവും തിരുവാതിരകളിയും ഉണ്ടാകും. 
ശ്വേത മോഹനും ഹരിചരണും നജീം അര്‍ഷദും ഒരുക്കുന്ന ഗാനവിരുന്നിന് ബെന്നറ്റ് ദ ബാന്‍ഡ് മേളമൊരുക്കും. ഷംന കാസിമിന്‍െറ നേതൃത്വത്തില്‍ 12 അംഗ നൃത്തസംഘമാണ് വേദിയിലത്തെുക. മുഖ്യാതിഥിയായാണ് നിവിന്‍ പോളി വരുന്നത്. രാത്രി 9.30 മുതലുള്ള പരിപാടിക്ക് പ്രത്യേക ടിക്കറ്റില്ല. നാലു മുതല്‍ 12 വരെയാണ് ഗ്ളോബല്‍ വില്ളേജിന്‍െറ പ്രവര്‍ത്തന സമയം.  15 ദിര്‍ഹമാണ് പ്രവേശന ടിക്കറ്റ്.