കണ്ണൂര്‍ സിറ്റി ഫെസ്റ്റ് ജനുവരിയില്‍

ദുബൈ: കണ്ണൂര്‍സിറ്റി പ്രവാസി കൂട്ടായ്മയുടെ (കെ.സി.പി.കെ) ഒന്നാം വാര്‍ഷികത്തോടനുബന്ധിച്ച് ദുബൈയില്‍ സംഘടിപ്പിക്കുന്ന കണ്ണൂര്‍സിറ്റി ഫെസ്റ്റിന്‍െറ വിജയത്തിനു വേണ്ടി 51 അംഗ സ്വാഗതസംഘം രൂപവത്കരിച്ചു. സ്വാഗതസംഘം കണ്‍വെന്‍ഷന്‍ പ്രസിഡന്‍റ് ഇഖ്ബാലിന്‍െറ അധ്യക്ഷതയില്‍  അഡ്വ. ആശിഖ് തൈക്കണ്ടി ഉദ്ഘാടനം ചെയ്തു. ജനറല്‍ സെക്രട്ടറി ഇ.മുഹമ്മദ് റുഷ്ദി, നവാസ് മഞ്ഞന്‍റവിട ,ഫസല്‍ സിയാല്‍വീട്ടില്‍, റഈസ് മുസാഫി, അഷ്റഫ് ബിത്തിന്‍റവിട, ഫൈസല്‍ കുട്ട്യാപ്രത്ത്, ശഫീഖ് തായക്കണ്ടി, അജ്മല്‍ ചിറക്കല്‍കുളം എന്നിവര്‍ സംസാരിച്ചു.  
ഫസല്‍ സിയാല്‍വീട്ടില്‍ ചെയര്‍മാനും നൗഷാദ് തമ്പുരാന്‍കണ്ടി ജനറല്‍ കണ്‍വീനറും സി എച്ച് അഷ്റഫ് ട്രഷററുമായാണ് കമ്മിറ്റി രൂപവത്കരിച്ചത്.