ചിന്തയും സംവാദങ്ങളുമുയര്‍ത്തി അറിവിന്‍െറ ഉച്ചകോടിക്ക്  കൊടിയിറങ്ങി

ദുബൈ: അക്ഷരവും അറിവും ആയുധമാക്കി വരും രാജ്യത്തെയും അറബ് സമൂഹത്തെയും ലോകഭൂപടത്തില്‍ ഒന്നാം സ്ഥാനക്കാരാക്കാനുള്ള ചിന്തകളും സംവാദങ്ങളുമുയര്‍ന്ന രണ്ടാമത് നോളജ് സമ്മിറ്റ് ദുബൈയില്‍ സമാപിച്ചു. മുഹമ്മദ് ബിന്‍ റാശിദ് ആല്‍ മക്തൂം ഫൗണ്ടേഷ (എം.ബി.ആര്‍.എഫ്)ന്‍െറ ആഭിമുഖ്യത്തില്‍ അറിവ്-വര്‍ത്തമാനത്തിനും ഭാവിക്കും എന്ന പ്രമേയത്തില്‍ നടന്ന സമ്മിറ്റിന്‍െറ മൂന്നാം നാളില്‍ അറബ് അറിവ് സൂചിക പ്രകാശനം ചെയ്തു. 22 അറബ് രാജ്യങ്ങളിലെ വിദ്യാഭ്യാസം, സമ്പദ്വ്യവസ്ഥ, ഗവേഷണം, വികസനം, നൂതനാശയം തുടങ്ങിയ മേഖലകളിലെ മുന്നേറ്റഗതി സംബന്ധിച്ച് ചിത്രം നല്‍കുന്നതാണ് സൂചിക. ഈ രാജ്യങ്ങള്‍ നേരിടുന്ന വിവിധ വെല്ലുവിളികളെ മറികടക്കാന്‍ ഈ വിവരശേഖരം സഹായിക്കുമെന്ന് വിദഗ്ധര്‍ പ്രത്യാശ പ്രകടിപ്പിച്ചു. 
സമ്മിറ്റിന്‍െറ രണ്ടാം ദിനം പുറത്തിറക്കിയ വായനാ സൂചികയിലെന്ന പോലെ അറിവു സൂചികയിലും യു.എ.ഇ ശ്രദ്ധേയമായ നേട്ടമാണ് കൈവരിച്ചിരിക്കുന്നത്.