ജുബൈല്‍ പൊതുമാര്‍ക്കറ്റില്‍ സൗജന്യ  വൈദ്യപരിശോധന

ഷാര്‍ജ: ഷാര്‍ജയിലെ പ്രധാന ചന്തയായ ജുബൈലില്‍ പെര്‍ഫെക്ട് മെഡിക്കല്‍ സെന്‍ററിന്‍െറ സഹകരണത്തോടെ അധികൃതര്‍ സൗജന്യ വൈദ്യപരിശോധന ഒരുക്കി. കടയുടമകള്‍, ഉപഭോക്താക്കള്‍, ജീവനക്കാര്‍ എന്നിവര്‍ക്കാണ് വൈദ്യപരിശോധന നടത്തിയത്. സമൂഹത്തിനിടയില്‍ ആരോഗ്യ ബോധവത്കണം നടത്തുകയാണ് ഇതുവഴി ലക്ഷ്യമിടുന്നതെന്ന് അധികൃതര്‍ പറഞ്ഞു. 300 പേരാണ് പരിശോധനക്കത്തെിയത്. ഷാര്‍ജ ഫിഷിങ് കോഓപ് അംഗങ്ങളും പങ്കെടുത്തു.