ദുബൈ വേനല്‍ വിസ്മയം: ഒമ്പതുവയസ്സുകാരിക്ക് കാര്‍ സമ്മാനം

ദുബൈ: വ്യാപാര- വിനോദ മേളയായ ദുബൈ വേനല്‍ വിസ്മയത്തോടനുബന്ധിച്ച നറുക്കെടുപ്പില്‍ യു.എ.ഇ സ്വദേശിയായ സലാമ അലി മുഹമ്മദ് എന്ന ഒമ്പത് വയസ്സുകാരിക്ക് ഇന്‍ഫിനിറ്റി ക്യു 50 ആഡംബര കാര്‍ സമ്മാനം. വിവിധ മാളുകളില്‍ നിന്ന് ഷോപ്പിങ് നടത്തിയവരില്‍ നിന്ന്  നറുക്കിട്ടെടുത്താണ് സമ്മാനത്തിന് അര്‍ഹരായവരെ കണ്ടത്തെിയത്. ലബനാന്‍ സ്വദേശിയായ ജോര്‍ജ് അശ്കറാണ് മറ്റൊരു വിജയി. എല്ലാ ആഴ്ചയും രണ്ട് വിജയികളെയാണ് നറുക്കെടുപ്പിലൂടെ തെരഞ്ഞെടുക്കുന്നത്. ആഗസ്റ്റ് ആറ്, 13, 20 തിയതികളിലാണ് അടുത്ത നറുക്കെടുപ്പുകള്‍. 43 ദിവസം നീളുന്ന ഷോപ്പിങ് മാമാങ്കം ആഗസ്റ്റ് 20നാണ് സമാപിക്കുന്നത്. ദുബൈയിലെ പ്രധാന ഷോപ്പിങ് മാളുകളെല്ലാം വേനല്‍ വിസ്മയത്തില്‍ പങ്കെടുക്കുന്നുണ്ട്.