ഇസ്റാഅ് -മിഅ്റാജ് അവധി  മേയ് അഞ്ചിന്

അബൂദബി: ഇസ്റാഅ്- മിഅ്റാജിനോടനുബന്ധിച്ച് രാജ്യത്ത് പൊതു മേഖലക്ക് തുടര്‍ച്ചയായി മൂന്നും സ്വകാര്യ മേഖലക്ക് രണ്ടും ദിവസം അവധി ലഭിക്കും. ഇസ്റാഅ്- മിഅ്റാജ് അവധി മേയ് അഞ്ചിനാണെന്ന് അധികൃതര്‍ പ്രഖ്യാപിച്ചു. ഹിജ്റ കലണ്ടര്‍ പ്രകാരം മേയ് നാലിന് ബുധനാഴ്ചയാണ് ഇസ്റാഅ്- മിഅ്റാജ് എങ്കിലും ആഴ്ചയിലെ അവസാന പ്രവൃത്തി ദിവസമായ മേയ് അഞ്ച് വ്യാഴം അവധി നല്‍കുകയായിരുന്നു. മന്ത്രാലയങ്ങളും സര്‍ക്കാര്‍ വകുപ്പുകളും അടക്കം മേയ് അഞ്ചിന് അവധിയായിരിക്കും.
 സര്‍ക്കാര്‍ സ്ഥാപനങ്ങളില്‍ മേയ് അഞ്ചിനൊപ്പം വെള്ളി, ശനി വാരാന്ത്യ അവധികള്‍ കൂടിച്ചേര്‍ന്നാണ് മൂന്ന് ദിവസം ലഭിക്കുക. സ്വകാര്യ മേഖലക്കും മേയ് അഞ്ചിന് അവധി പ്രഖ്യാപിച്ചതിനെ തുടര്‍ന്ന്  വ്യാഴവും വെള്ളിയും അടക്കം രണ്ട് ദിവസം അവധി ലഭിക്കും.