മേളം പ്രേമികള്‍ക്ക് ആവേശം പകര്‍ന്ന് ‘കാലപ്രമാണം’ 

അബൂദബി: കേരളത്തിന് പുറത്ത് ആദ്യമായി ഏറ്റവും കൂടുതല്‍ മേളം കലാകാരന്‍മാര്‍ ഒത്തുചേര്‍ന്ന് അവതരിപ്പിച്ച ‘കാലപ്രമാണം’ സമാപിച്ചു. 
യു.എ.ഇയിലെ മേളം പ്രേമികള്‍ക്ക് വേറിട്ട അനുഭവം പകര്‍ന്നു നല്‍കിയാണ് പെരുവനം കുട്ടന്‍മാരാരും സംഘവും രണ്ട് ദിവസമായി പാണ്ഡി മേളവും പഞ്ചാരി മേളവും അവതരിപ്പിച്ചത്. നാട്ടില്‍ നിന്നത്തെിയ 35 മേളക്കാര്‍ക്കൊപ്പം യു.എ.ഇയില്‍ നിന്നുമുള്ള 35 പേരും ഒത്തുചേര്‍ന്ന് 70 മേളക്കാരായ തൃശൂര്‍ പൂരത്തിലെ പ്രധാനമായ പാണ്ഡി മേളവും പഞ്ചാരി മേളവും അവതരിപ്പിച്ചത്. ഇന്ത്യന്‍ എംബസിയുടെ സഹായത്തോടെ അബൂദബി ശക്തി തിയറ്റേഴ്സും മണിരംഗ് അബൂദബിയും ചേര്‍ന്നാണ് പരിപാടി സംഘടിപ്പിച്ചത്.  തൃശൂര്‍ പൂരത്തിലെ ഇലഞ്ഞിത്തറ മേളവും ആറാട്ടുപുഴ പൂരത്തിലെ പഞ്ചാരി മേളവും യു.എ.ഇയിലെ പൂരപ്രേമികള്‍ക്ക് അനുഭവ ഭേദ്യമാക്കുന്ന രീതിയിലാണ് ആഘോഷം നടന്നത്.   
 ഉത്സവ നാളുകളില്‍ നാട്ടില്‍ പോകാന്‍ കഴിയാതിരുന്നവര്‍ക്ക് ആഘോഷാനുഭവമായി രണ്ട് ദിവസമായി നടന്ന കാലപ്രമാണം.