കുട്ടിയുടെ മാതാപിതാക്കള്‍ ഇന്ത്യക്കാര്‍; അന്വേഷണം തുടരുന്നു

ഷാര്‍ജ: ഖോര്‍ഫക്കാന്‍ ബീച്ചില്‍ ഉപേക്ഷിച്ച നിലയില്‍ കണ്ടത്തെിയ കുട്ടിയുടെ രക്ഷിതാക്കള്‍ ഇന്ത്യക്കാരാണെന്ന് തിരിച്ചറിഞ്ഞു. ഇവരെ പിടികൂടാന്‍ പൊലീസ് അന്വേഷണം ഊര്‍ജിതമാക്കി. അതേസമയം ഇവരുടെ മൊബൈല്‍ ഫോണ്‍ സ്വിച്ച് ഓഫാണെന്നത് അന്വേഷണത്തെ ബാധിക്കുന്നുണ്ട്.
കഴിഞ്ഞ വെള്ളിയാഴ്ചയാണ് ബീച്ചില്‍ അലഞ്ഞുതിരിയുന്ന കുട്ടിയെ പൊലീസ് കണ്ടത്തെിയത്. പത്രമാധ്യമങ്ങളുടെയും സാമൂഹിക മാധ്യമങ്ങളുടെയും സഹായത്തോടെ കുട്ടിയുടെ രക്ഷിതാക്കളെ പൊലീസ് തിരിച്ചറിഞ്ഞു. കുട്ടി ഇപ്പോള്‍ പൊലീസിന്‍െറ സംരക്ഷണ കേന്ദ്രത്തിലാണുള്ളത്. കുട്ടിയുടെ ആരോഗ്യനില തൃപ്തികരമാണെന്ന് അധികൃതര്‍ അറിയിച്ചു.