തിരുവനന്തപുരത്ത് യു.എ.ഇ കോണ്‍സുലേറ്റ്: മുഖ്യമന്ത്രിയുമായി ചര്‍ച്ച നടത്തി

അബൂദബി: തിരുവനന്തപുരത്ത് യു.എ.ഇ കോണ്‍സുലേറ്റ് തുടങ്ങുന്നതുമായി ബന്ധപ്പെട്ട് കേരള മുഖ്യമന്ത്രി ഉമ്മന്‍ചാണ്ടിയുമായി ന്യൂഡല്‍ഹി യു.എ.ഇ എംബസിയിലെ ആക്ടിങ് ചാര്‍ജ് ഡി അഫയേഴ്സ് സഈദ് മുഹമ്മദ് അല്‍ മുഹൈരി ചര്‍ച്ച നടത്തി. 

ഡി.പി. വേള്‍ഡ് ഇന്ത്യ മാനേജിങ് ഡയറക്ടറും സീനിയര്‍ വൈസ് പ്രസിഡന്‍റുമായ അനില്‍ സിങും സന്നിഹിതനായിരുന്നു. 

യു.എ.ഇയിലെ ഇന്ത്യന്‍ പ്രവാസികളില്‍ പകുതിയും കേരളത്തില്‍ നിന്നാണെന്നതിനാല്‍ സംസ്ഥാനവുമായുള്ള ബന്ധത്തിന് വലിയ പ്രാധാന്യമാണ് നല്‍കുന്നതെന്ന് മുഹൈരി പറഞ്ഞു. 

ഡി.പി. വേള്‍ഡ് സംസ്ഥാന നേരിടുന്ന പ്രശ്നങ്ങളും ചര്‍ച്ചയില്‍ വിഷയമായി. പ്രശ്നങ്ങള്‍ പരിഹരിക്കാന്‍ ശ്രമിക്കാമെന്ന് മുഖ്യമന്ത്രി ഉറപ്പുനല്‍കി. കൂടുതല്‍ യു.എ.ഇ കമ്പനികള്‍ കേരളത്തില്‍ നിക്ഷേപം നടത്താന്‍ തയാറാകണമെന്ന് മുഖ്യമന്ത്രി ആവശ്യപ്പെട്ടു.