അബൂദബി വിമാനത്താവളത്തില്‍ 13 കിലോ  കൊക്കെയ്നുമായി സ്ത്രീ അറസ്റ്റില്‍ 

അബൂദബി: വന്‍ മയക്കുമരുന്ന് കടത്ത് ശ്രമം അബൂദബി പൊലീസ് തകര്‍ത്തു. അബൂദബി വിമാനത്താവളത്തില്‍ 13 കിലോ കൊക്കെയ്നുമായി ആഫ്രിക്കന്‍ സ്വദേശിനിയായ 26കാരിയാണ് പിടിയിലായത്. ലാറ്റിനമേരിക്കന്‍ രാജ്യത്ത് നിന്ന് ഏഷ്യന്‍ രാജ്യത്തേക്ക് അബൂദബി വഴി പോകുന്നതിനിടെയാണ് ഇവര്‍ പിടിയിലായത്. ബാഗിന്‍െറ രഹസ്യ അറകളിലും ഭാരോദ്വഹന ഉപകരണങ്ങള്‍ക്കുള്ളിലും ആയി മയക്കുമരുന്ന് ഒളിപ്പിച്ചുകടത്താനായിരുന്നു ശ്രമം. 
വിമാനത്താവളത്തില്‍ വെച്ച് സംശയാസ്പദ നിലയില്‍ കണ്ട ഇവരെ കൂടുതല്‍ പരിശോധിച്ചപ്പോഴാണ് വന്‍തോതില്‍ മയക്കുമരുന്ന് കണ്ടത്തെിയത്. അസ്വസ്ഥത പ്രകടിപ്പിച്ചതിനെ തുടര്‍ന്നാണ് ആഫ്രിക്കന്‍ യുവതിയെയും ലഗേജും പരിശോധിച്ചതെന്ന് അബൂദബി പൊലീസ് കുറ്റാന്വേഷണ വിഭാഗം ഡയറക്ടര്‍ കേണല്‍ റാശിദ് മുഹമ്മദ് ബുര്‍ശീദ് പറഞ്ഞു.  വസ്ത്രങ്ങളുടെ ബട്ടണിലും ബാഗിന്‍െറ രഹസ്യ അറകളിലും ഭാരോദ്വഹനത്തിന് ഉപയോഗിക്കുന്ന ഡമ്പലിന്‍െറ ഉള്ളിലുമായാണ് ഇത്രയും മയക്കുമരുന്ന് കണ്ടെടുത്തത്.  
വസ്ത്രത്തിന്‍െറ ബട്ടണുകള്‍ മയക്കുമരുന്ന് ഗുളികകള്‍ ആയിരുന്നു. 35000 ഡോളറിന് വേണ്ടിയാണ് മയക്കുമരുന്ന് കടത്തിയതെന്ന് 26കാരി കുറ്റസമ്മതം നടത്തി. നേരത്തേയും പണത്തിന് വേണ്ടി മയക്കുമരുന്ന് കള്ളക്കടത്ത് നടത്തിയിട്ടുണ്ടെന്നും ഇവര്‍ സമ്മതിച്ചു. കൂടുതല്‍ അന്വേഷണത്തിനായി പ്രതിയെ മറ്റ് വിഭാഗങ്ങള്‍ക്ക് കൈമാറി.  
ലാറ്റിനമേരിക്കന്‍ രാജ്യത്ത് നിന്ന് ഏഷ്യന്‍ രാജ്യത്തെ വിമാനത്താവളത്തിലേക്ക് അബൂദബി വിമാനത്താവളം വഴി ട്രാന്‍സിറ്റ് യാത്ര നടത്തുന്നവരെ പൊലീസ് നിരീക്ഷിക്കുന്നുണ്ട്. 
ഈ റൂട്ടില്‍ യാത്ര ചെയ്തവരില്‍ നിന്ന് നേരത്തേയും മയക്കുമരുന്ന് പിടിച്ചെടുത്തിരുന്നു.