ശൈ​ഖ്​ സാ​യി​ദ്​ സ്മ​ര​ണ​യി​ൽ 2,000 കോ​ടി​യു​ടെ ജീ​വ​കാ​രു​ണ്യ പ​ദ്ധ​തി

ദു​ബൈ: രാ​ഷ്ട്ര​പി​താ​വ്​ ശൈ​ഖ്​ സാ​യി​ദ്​ ബി​ൻ സു​ൽ​ത്താ​ൻ ആ​ൽ ന​ഹ്​​യാ​ന്‍റെ മാ​നു​ഷി​ക കാ​ഴ്ച​പ്പാ​ടി​ന്​ ആ​ദ​ര​വാ​യി 2,000കോ​ടി​യു​ടെ ജീ​വ​കാ​രു​ണ്യ പ​ദ്ധ​തി പ്ര​ഖ്യാ​പി​ച്ച്​ യു.​എ.​ഇ. ലോ​ക​ത്താ​ക​മാ​നം ന​ട​പ്പാ​ക്കു​ന്ന പ​ദ്ധ​തി​ ശൈ​ഖ്​ സാ​യി​ദി​ന്‍റെ 20ാം അ​നു​സ്മ​ര​ണ ദി​ന​മാ​യ ശ​നി​യാ​ഴ്ച​യാ​ണ്​ യു.​എ.​ഇ ​പ്ര​സി​ഡ​ൻ​റ്​ ശൈ​ഖ്​ മു​ഹ​മ്മ​ദ്​ ബി​ൻ സാ​യി​ദ്​ ആ​ൽ ന​ഹ്​​യാ​ൻ പ്ര​ഖ്യാ​പി​ച്ച​ത്. ‘സാ​യി​ദ്​ ഹു​മാ​നി​റ്റേ​റി​യ​ൻ ലെ​ഗ​സി ഇ​നീ​ഷ്യേ​റ്റി​വ്​’ എ​ന്നു​പേ​രി​ട്ട പ​ദ്ധ​തി ഏ​റ്റ​വും ദു​ർ​ബ​ല​രാ​യ സ​മൂ​ഹ​ങ്ങ​ളു​ടെ ഉ​ന്ന​മ​ന​മാ​ണ്​ ല​ക്ഷ്യ​മി​ടു​ന്ന​ത്.

ശൈ​ഖ്​ സാ​യി​ദി​ന്‍റെ അ​നു​സ്മ​ര​ണ ദി​ന​മാ​യ റ​മ​ദാ​ൻ 19ന്​ ​സാ​യി​ദ് ജീ​വ​കാ​രു​ണ്യ ദി​ന​മാ​യി എ​ല്ലാ​വ​ർ​ഷ​വും ആ​ച​രി​ച്ചു​വ​രു​ന്നു. ഈ ​വ​ർ​ഷ​വും രാ​ജ്യ​ത്താ​ക​മാ​നം വി​വി​ധ പ​രി​പാ​ടി​ക​ളോ​ടെ ദി​നാ​ച​ര​ണം ന​ട​ന്നി​രു​ന്നു. ഈ ​പ​ശ​ചാ​ത്ത​ല​ത്തി​ലാ​ണ്​ അ​ന്താ​രാ​ഷ്ട്ര ത​ല​ത്തി​ലെ വി​പു​ല​മാ​യ പ​ദ്ധ​തി​യു​ടെ പ്ര​ഖ്യാ​പ​നം ന​ട​ന്നി​രി​ക്കു​ന്ന​ത്. യു.​എ.​ഇ സ്ഥാ​പ​ക പി​താ​വി​ന്‍റെ പാ​ര​മ്പ​ര്യം ഉ​യ​ർ​ത്തി​പ്പി​ടി​ക്കു​ന്ന​ത്​ തു​ട​രു​ക​യാ​ണെ​ന്നും, ശൈ​ഖ്​ സാ​യി​ദി​ന്‍റെ ക​രു​ത​ലി​ന്‍റെ​യും അ​നു​ക​മ്പ​യു​ടെ​യും മൂ​ല്യ​ങ്ങ​ളെ പ്ര​തി​ഫ​ലി​പ്പി​ക്കു​ന്ന​താ​ണ്​ പ​ദ്ധ​തി​യെ​ന്നും ​ശൈ​ഖ്​ മു​ഹ​മ്മ​ദ്​ ‘എ​ക്സ്​’ അ​ക്കൗ​ണ്ടി​ൽ കു​റി​ച്ചു.

ശൈ​ഖ്​ സാ​യി​ദ്​ ദി​ന​ത്തി​ൽ ഭ​ര​ണാ​ധി​കാ​രി​ക​ളും പ്ര​മു​ഖ​രും അ​ദ്ദേ​ഹ​ത്തി​ന്‍റെ ജീ​വ​കാ​രു​ണ്യ പ്ര​വ​ർ​ത്ത​ന​ങ്ങ​ളെ അ​നു​സ്മ​രി​ച്ച്​ സ​മൂ​ഹ മാ​ധ്യ​മ​ങ്ങ​ളി​ൽ കു​റി​ച്ചു. രാ​ഷ്​​ട്ര​പി​താ​വി​ന്‍റെ ന​ന്മ ന​മ്മു​ടെ കൂ​ടെ​യു​ണ്ടെ​ന്നും ഓ​രോ കാ​രു​ണ്യ​പ്ര​വ​ർ​ത്ത​ന​ത്തി​ലും അ​ദ്ദേ​ഹ​ത്തി​ന്‍റെ സാ​ന്നി​ധ്യ​മു​ണ്ടെ​ന്നും യു.​എ.​ഇ വൈ​സ്​ പ്ര​സി​ഡ​ൻ​റും ​പ്ര​ധാ​ന​മ​ന്ത്രി​യും ദു​ബൈ ഭ​ര​ണാ​ധി​കാ​രി​യു​മാ​യ ശൈ​ഖ്​ മു​ഹ​മ്മ​ദ്​ ബി​ൻ റാ​ശി​ദ്​ ആ​ൽ മ​ക്​​തൂം എ​ക്സി​ൽ കു​റി​ച്ചു. പു​തു​താ​യി പ്ര​ഖ്യാ​പി​ച്ച ‘സാ​യി​ദ്​ ഹു​മാ​നി​റ്റേ​റി​യ​ൻ ലെ​ഗ​സി ഇ​നീ​ഷ്യേ​റ്റി​വ്​’ രാ​ഷ്ട്ര​പി​താ​വി​ന്‍റെ മൂ​ല്യ​ങ്ങ​ളു​ടെ തു​ട​ർ​ച്ച​യും ഏ​കീ​ക​ര​ണ​വു​മാ​ണെ​ന്ന്​ യു.​എ.​ഇ വൈ​സ്​ പ്ര​സി​ഡ​ൻ​റും ​ഉ​പ​പ്ര​ധാ​ന​മ​ന്ത്രി​യും പ്ര​സി​ഡ​ൻ​ഷ്യ​ൽ കോ​ർ​ട്ട്​ ചെ​യ​ർ​മാ​നു​മാ​യ ശൈ​ഖ്​ മ​ൻ​സൂ​ർ ബി​ൻ സാ​യി​ദ്​ ആ​ൽ ന​ഹ്​​യാ​ൻ പ​റ​ഞ്ഞു.

ജീ​വ​കാ​രു​ണ്യ പ്ര​വ​ർ​ത്ത​ന​ങ്ങ​ൾ​ക്കാ​യി ശൈ​ഖ്​ സാ​യി​ദി​ന്‍റെ നേ​തൃ​ത്വ​ത്തി​ൽ 1971ൽ ​ത​ന്നെ അ​ബൂ​ദ​ബി വി​ക​സ​ന ഫ​ണ്ട് സ്ഥാ​പി​ത​മാ​യി​രു​ന്നു. പി​ന്നീ​ട്​ 1992ൽ ​സാ​യി​ദ് ബി​ൻ സു​ൽ​ത്താ​ൻ ആ​ൽ ന​ഹ്​​യാ​ൻ ചാ​രി​റ്റ​ബി​ൾ ആ​ൻ​ഡ് ഹ്യു​മാ​നി​റ്റേ​റി​യ​ൻ ഫൗ​ണ്ടേ​ഷ​ൻ സ്ഥാ​പി​ത​മാ​യി. അ​ദ്ദേ​ഹം രാ​ജ്യ​ത്തി​ന്‍റെ പ്ര​സി​ഡ​ന്‍റാ​യി​രു​ന്ന 33 വ​ർ​ഷ​ത്തി​നി​ടെ നൂ​റി​ല​ധി​കം രാ​ജ്യ​ങ്ങ​ളി​ൽ യു.​എ.​ഇ സ​ഹാ​യ​മെ​ത്തി​ച്ചി​ട്ടു​ണ്ട്. ഇ​പ്പോ​ഴും ലോ​ക​ത്താ​ക​മാ​നം വി​വി​ധ രാ​ജ്യ​ങ്ങ​ളി​ൽ യു.​എ.​ഇ​യു​ടെ സ​ഹാ​യ​പ​ദ്ധ​തി​ക​ൾ ന​ട​പ്പാ​ക്കി​വ​രു​ന്നു.