യു.എ.ഇയിൽ ഇന്ത്യക്കാരനുൾപെടെ 14 പേർക്ക്​ കൂടി കോവിഡ്​

ദുബൈ: ഇന്ത്യക്കാരനുൾപെടെ 14 പേർക്ക്​ കൂടി കോവിഡ്​ 19 വൈറസ്​ ബാധിച്ചതായി യു.എ.ഇ ആരോഗ്യ, രോഗ പ്രതിരോധ മന്ത്രാലയം സ്​ഥിരീകരിച്ചു. ഇതോടെ യു.എ.ഇയിലെ കോവിഡ്​ ബാധിതരുടെ എണ്ണം 59 ആയി.

നാല്​ യു.എ.ഇ സ്വദേശികൾ, മൂന്ന്​ ഇറ്റലിക്കാർ, രണ്ട് ബംഗ്ലാദേശികൾ, രണ്ട്​ നേപ്പാളികൾ, ഒരു റഷ്യൻ സ്വദേശി, ഒരു സിറിയക്കാരൻ എന്നിവർക്കാണ്​ തിങ്കളാഴ്​ച കോവിഡ്​ സ്​ഥിരീകരിച്ചത്​. നിലവിൽ വൈറസ്​ ബാധിച്ചവരിൽ നിന്നാണ്​ ഇവരിലേക്ക്​ പടർന്നത്​.