അൽ വർഖയിൽ പൗരന്മാർക്ക്​ 136 വില്ലകൾ നിർമിച്ചു

ദു​ബൈ: മു​ഹ​മ്മ​ദ്​ ബി​ൻ റാ​ശി​ദ്​ ഹൗ​സി​ങ്​ എ​സ്റ്റാ​ബ്ലി​ഷ്​​മെ​ന്‍റി​ന്​ കീ​ഴി​ൽ ന​ഗ​ര​ത്തി​ലെ അ​ൽ വ​ർ​ഖ -4 മേ​ഖ​ല​യി​ൽ 136 വി​ല്ല​ക​ളു​ടെ നി​ർ​മാ​ണം പൂ​ർ​ത്തി​യാ​യി. ആ​കെ 7,28,510 ച​തു​ര​ശ്ര അ​ടി പ്ര​ദേ​ശ​ത്താ​ണ്​ ഇ​ത്ര​യും വീ​ടു​ക​ൾ നി​ർ​മി​ച്ച​ത്. വി​ല്ല​ക​ൾ അ​വ​കാ​ശ​പ്പെ​ട്ട പൗ​ര​ന്മാ​ർ​ക്ക്​ ന​ൽ​കു​ന്ന​തി​നു​ള്ള ന​ട​പ​ടി​ക​ൾ അ​ധി​കൃ​ത​ർ ആ​രം​ഭി​ച്ച​താ​യും അ​റി​യി​ച്ചു.

യു.​എ.​ഇ വൈ​സ്​ പ്ര​സി​ഡ​ൻ​റും ​പ്ര​ധാ​ന​മ​ന്ത്രി​യും ദു​ബൈ ഭ​ര​ണാ​ധി​കാ​രി​യു​മാ​യ ശൈ​ഖ്​ മു​ഹ​മ്മ​ദ്​ ബി​ൻ റാ​ശി​ദ്​ ആ​ൽ മ​ക്​​തൂ​മി​ന്റെ നി​ർ​ദേ​ശ​പ്ര​കാ​രം പൗ​ര​ന്മാ​രു​ടെ ജീ​വി​ത​നി​ല​വാ​രം ഉ​യ​ർ​ത്തു​ന്ന​തി​നു​ള്ള ശ്ര​മ​ങ്ങ​ളു​ടെ ഭാ​ഗ​മാ​യാ​ണ്​ ആ​ധു​നി​ക പാ​ർ​പ്പി​ട യൂ​നി​റ്റു​ക​ൾ നി​ർ​മി​ച്ച​ത്. ദു​ബൈ 2040 അ​ർ​ബ​ൻ പ്ലാ​നി​ന്റെ അ​ടി​സ്ഥാ​ന​ത്തി​ൽ നി​ർ​മി​ച്ച പ​ദ്ധ​തി ഏ​റ്റ​വും ഉ​യ​ർ​ന്ന ന​ഗ​രാ​സൂ​ത്ര​ണ മാ​ന​ദ​ണ്ഡ​ങ്ങ​ൾ പാ​ലി​ച്ചാ​ണ്​ പൂ​ർ​ത്തി​യാ​ക്കി​യ​ത്.

ക​ഴി​ഞ്ഞ വ​ർ​ഷം തു​ട​ക്ക​ത്തി​ലാ​ണ് പ​ദ്ധ​തി​യു​ടെ പ്ര​വൃ​ത്തി ആ​രം​ഭി​ച്ച​ത്. ഓ​രോ വി​ല്ല​യും ബാ​ഹ്യ​മാ​യ രൂ​പ​ക​ൽ​പ​ന​യി​ൽ വ്യ​ത്യാ​സ​പ്പെ​ട്ടാ​ണു​ള്ള​ത്. അ​തോ​ടൊ​പ്പം എ​ല്ലാ​ത്തി​നും ര​ണ്ട് നി​ല​ക​ളു​മു​ണ്ട്. താ​ഴ​ത്തെ നി​ല​യി​ൽ ഒ​രു ഫാ​മി​ലി ഹാ​ൾ, അ​ടു​ക്ക​ള, വേ​ല​ക്കാ​രി​യു​ടെ മു​റി, അ​ല​ക്ക് മു​റി, അ​തി​ഥി മു​റി എ​ന്നി​വ ഉ​ൾ​പ്പെ​ടും. ഒ​ന്നാം നി​ല​യി​ൽ നാ​ല് കി​ട​പ്പു​മു​റി​ക​ളാ​ണു​ള്ള​ത്.