യു.എ.ഇയിൽ 11 മരണം; 546 പുതിയ രോഗബാധിതർ

ദുബൈ: യു.എ.ഇയിൽ ബുധനാഴ്​ച 546 കൊറോണ വൈറസ്​ കേസുകൾ റിപ്പോർട്ട്​ ചെയ്​തു. അതേസമയം 206 പേർ സുഖം പ്രാപിക്കുകയും ചെയ്​തതായി ആരോഗ്യ രോഗപ്രതിരോധ മന്ത്രാലയം അറിയിച്ചു. 11 പേർ കൂടി മരിച്ചതോടെ രാജ്യത്തെ കോവിഡ്​ മരണങ്ങളുടെ എണ്ണം 157 ആയി ഉയർന്നു. 

സാമൂഹിക അകലം പാലിക്കുകയും കൂടിച്ചേരലുകൾ ഒഴിവാക്കുകയും വേണമെന്ന കർശന നിർദേശം ലംഘിച്ചതാണ്​ കഴിഞ്ഞ ദിവസം കേസുകൾ വർധിക്കാൻ ഇടയാക്കിയത്​. രണ്ട്​ കുടുംബങ്ങൾ ഇത്തരത്തിൽ ഒത്തുചേർന്നത്​ രണ്ട്​ മാസം പ്രായമുള്ള കുഞ്ഞ്​ ഉൾപ്പെടെ 30 പേർക്ക്​ രോഗബാധയുണ്ടാവാൻ കാരണമായി. 

രാജ്യത്തെ കോവിഡ് കേസുകളുടെ എണ്ണം ഇപ്പോൾ 15,738 ആണ്​. 3359 പേർ സുഖം പ്രാപിക്കുകയും ചെയ്​തു.