ഹാജിമാർക്ക്​ നൽകിയത്​ 25 ദശലക്ഷം ലിറ്റർ സംസം

ജിദ്ദ: ഹജ്ജ്​ തീർഥാടകർക്ക്​ വിതരണം ചെയ്​തത്​ 25 ദശലക്ഷം ലിറ്റർ സംസം. ഹജ്ജ്​ സീസൺ തുടങ്ങിയതു മുതൽ ആഗസ്​റ്റ്​ 31 വരെയുള്ള കണക്കാണിത്​. 24.8 ദശലക്ഷം ലിറ്റർ സംസം മക്കയിലെ ഹാജിമാരുടെ താമസ കേന്ദ്രങ്ങളിൽ എത്തിച്ചതായി യുനൈറ്റഡ്​ സംസം ഒാഫീസ്​ ഭരണ സമിതി അധ്യക്ഷൻ അബ്​ദുൽ ഹാദി അബ്​ദുൽ ജലീൽ പറഞ്ഞു. തീർഥാടകരെ സ്വീകരിക്കുന്ന സ്​ഥലങ്ങളിലും സംസം വിതരണം ചെയ്​തിട്ടുണ്ട്​. ഹജ്ജ്​ സീസൺ കഴിയുന്നതുവരെ സംസം വിതരണം തുടരുമെന്നും അദ്ദേഹം പറഞ്ഞു.