യുവകലാസാഹിതി ‘അന്നൊരിക്കൽ വായനശാലയിൽ’ സൗഹൃദ സദസ്സ് നാളെ റിയാദിൽ

റിയാദ്: പ്രമുഖ സാംസ്കാരിക സംഘടനയായ യുവകലാസാഹിതി റിയാദ്​ ഘടകത്തി​െൻറ ആഭിമുഖ്യത്തിൽ ഈ വർഷത്തെ വായനവാരത്തോടനുബന്ധിച്ച് ‘അന്നൊരിക്കൽ വായനശാലയിൽ’ എന്ന പേരിൽ സൗഹൃദ സദസ്സ് സംഘടിപ്പിക്കുന്നു. വ്യാഴാഴ്ച വൈകിട്ട് ഏഴ്​ മുതൽ ബത്ഹയിലെ ഡി പാലസ് (റമാദ്) ഹാളിലാണ് പരിപാടി നടക്കുക.

നാട്ടിലെ വായനശാലാ അനുഭവങ്ങളും ഓർമകളും പുതുക്കുന്നതിനായി ഒരുക്കുന്ന ഈ കൂട്ടായ്മയിൽ റിയാദിലെ പ്രമുഖ എഴുത്തുകാരും വായനാപ്രേമികളും പങ്കെടുക്കും. പുസ്തകങ്ങളെയും വായനയെയും സ്നേഹിക്കുന്നവർ ഒത്തുചേരുന്ന ഈ വേദിയിൽ പ്രവാസലോകത്തെ സാംസ്കാരിക പ്രവർത്തകർ തങ്ങളുടെ വായനാനുഭവങ്ങൾ പങ്കുവെക്കുമെന്ന് ഭാരവാഹികൾ അറിയിച്ചു.