യൂത്ത് ഇന്ത്യ സൂപർ കപ്പ്​ സീസൺ ത്രീ ഫുട്​ബാൾ നാളെ മുതൽ

റിയാദ്​: കിംസ് ഹെൽത്ത് ജരീർ മെഡിക്കൽ സെൻറർ വിന്നേഴ്സ് ട്രോഫിക്കും പ്രാൺ വിന്നേഴ്സ് പ്രൈസ് മണിക്കും വേണ്ടി യൂത്ത് ഇന്ത്യ റിയാദ്​ ഘടകം സംഘടിപ്പിക്കുന്ന സൂപർ കപ്പ് സീസൺ ത്രീ വെള്ളിയാഴ്ച ആരംഭിക്കും. റിയാദ് ഇന്ത്യൻ ഫുട്ബാൾ അസോസിയേഷനുമായി സഹകരിച്ചു നടത്തുന്ന ടൂർണമെൻറിൽ റിയാദിലെ പ്രമുഖരായ 16 ടീമുകൾ മത്സരിക്കും.

ഈ മാസം 17നാണ്​ ഫൈനൽ. സൗദി അറേബ്യയുടെ ചരിത്രത്തിലെ ഏറ്റവും വലിയ ട്രോഫി ഈ ടൂർണമെൻറി​െൻറ പ്രതേക ആകർഷണമാണെന്ന്​ സംഘാടകർ പറഞ്ഞു. വെള്ളിയാഴ്ച വൈകീട്ട്​ നാലിന്​ ഹറജ് റോഡിലെ ഇസ്കാൻ ഗ്രൗണ്ടിൽ യൂത്ത് ഇന്ത്യ സൂപർ കപ്പ് സീസൺ ത്രീയുടെ പന്ത് ഉരുളുമെന്ന് ടീം ഭാരവാഹികളായ കരീം പയ്യനാട്, നബീൽ പാഴൂർ എന്നിവർ അറിയിച്ചു.