യാസ്​മിൻ അഥവാ അതിസാഹസികതയുടെ ആഹ്ലാദം

റിയാദ്​: ആകാശത്തോട്​ തൊട്ടുരുമ്മാൻ ശ്രമിക്കുന്ന  കൂറ്റൻപാറമലകളെ കീഴടക്കി വ്യത്യസ്​തമായ നേട്ടത്തിൽ സന്തോഷം കണ്ടെത്തുകയാണ്​  യാസ്​മിൻ ഖഹ്​താനി എന്ന സൗദി വനിത. സൗദി അറേബ്യയിലെ ആദ്യ ‘റോക്​ ക്ലൈമ്പർ’ പരിശീലകയാണീ യുവതി. ജിദ്ദയിലാണ്​ താമസം.അമേരിക്കയിൽ നിന്ന്​ കഴിഞ്ഞ വർഷമാണിവർക്ക്​  റോക്​ ക്ലൈമ്പർ സർട്ടിഫിക്കറ്റ്​ ലഭിച്ചത്​. വ്യത്യസ്​തയുള്ള കായികയിനത്തിൽ മികവുതെളിയിക്കണമെന്നായിരുന്നു യാസ്​മി​​​െൻറ ആഗ്രഹം. പല ഇനങ്ങളിലും കണ്ണുവെച്ചു. അഞ്ചു വർഷം മുമ്പാണ്​ റോക്​ ക്ലൈമ്പർ ആയ സുഹൃത്ത്​ പാറകയറൽ അഭ്യാസത്തിന്​ പ്രേരിപ്പിച്ചത്​. തുടക്കത്തിൽ ഒട്ട​ും ആത്​മവിശ്വാസമില്ലായിരുന്നു.  ശരീരത്തിനും മനസ്സസിനും നല്ല ശക്​തിവേണം. അതി സുക്ഷ്​മതയും ക്ഷമയും ധൈര്യവും വേണം. ഇതൊന്നുമില്ലാത്ത തനിക്കെങ്ങനെ ഇൗ അഭ്യാസം വഴങ്ങുമെന്നായിരുന്നു യാസ്​മി​​​െൻറ ചിന്ത. പക്ഷെ വ്യത്യസ്​തതയോടുള്ള ഇഷ്​ടം ഇൗ അപൂർവ കായികയിനം തെരഞ്ഞെടുക്കാൻ അവളെ പ്രേരിപ്പിച്ചു.  ഇത്​ തനിക്ക്​ കഴിയുമെന്ന്​ ആദ്യം മനസ്സിനെ സ്വയം വിശ്വസിപ്പിച്ചു. അങ്ങനെ യാസ്​മിൻ കുറ്റൻ പാറ​മലകളുടെ പ്രണയിനിയായി. അൽപം പോലും മൃദുവല്ലാതെ, കുത്തനെ മേൽപോട്ട്​ പടർന്നു നിൽക്കുന്ന പാറകളുടെ മർമങ്ങളിൽ പിടിച്ച്​ ഉയരങ്ങളിലേക്ക്​ കയറുക.സന്നാഹങ്ങൾ എത്ര ഉണ്ടായാലും അതിസാഹസികമാണീ യജ്​ഞം. ഏറ്റവും മുകളിലെത്തിക്കഴിഞ്ഞാൽ പിന്നെ നമുക്കുമുന്നിൽ ഒന്നുമില്ല. മലമടക്കുകൾ അതിജയിച്ച്​ അത്യുന്നതങ്ങളിൽ നിൽക്കു​േമ്പാഴുള്ള സമാധാനം. അത്​ അനുഭവിക്കുന്നതി​​​െൻറ ആഹ്ലാദം യാസ്​മിൻ ഒരിക്കൽ സാമൂഹിക മാധ്യമത്തിലൂടെ പങ്കുവെച്ചു.

ഇറ്റലി  അമേരിക്ക തുടങ്ങി ലോകത്തി​​​െൻറ നാനാഭാഗങ്ങളിലും  യാസ്​മിൻ മനോഹരമായ പാറമടകളിലൂടെ സഞ്ചാരം നടത്തിയിട്ടുണ്ട്​. താൻസാനിയയിലെ അതിസുന്ദരമായ പർവതശ​ൃംഖത്തിൻറ ഉച്ചിയിലെത്തി  അജ്ജയ്യത  തെളിയിച്ചുള്ള യാസ്​മി​​​െൻറ  ഫോ​േട്ടാ ആരാധകർക്കിടയിൽ വൈറലായിരുന്നു. ഇറ്റലിയിൽ നിന്നാണ്​ കുടുതൽ അനുഭവങ്ങളും പരിശീലനവും ലഭിച്ചത്​. 5800 മീറ്റർ ഉയത്തിലുള്ള മൗണ്ട്​ കിലിമൻജാരോ കീഴടക്കിയത്​ അവളെ സ്വപനലോകത്തെത്തിച്ചു. തുടർച്ചയായി 12 മണിക്കൂർ വരെ സമയമെടുത്താണ്​ പലപ്പോഴും വൻമലകൾ കീഴടക്കാനാവുക.  അള്ളിപ്പിടിച്ച്​ ക്ഷമയോടെ വേണം ലക്ഷ്യത്തിലെത്താൻ.

സ്​ത്രീകൾ അത്രയൊന്നും എത്തിപ്പെടാത്ത ഇൗ മേഖലയിൽ സൗദി വനിത ഇടം നേടിയത്​ എല്ലാവരെയും അൽഭുതപ്പെടുത്തി. എന്നാൽ വീട്ടിൽ നിന്നും സുഹൃത്തുക്കളിൽ നിന്നുമുള്ള അകമഴിഞ്ഞ പിന്തുണ ഇൗ മേഖലയിൽ ഉയരങ്ങൾ കീഴടക്കാൻ സഹായിച്ചു. കാൻസർ രോഗിയായ പിതാവ്​ അവളുടെ നൊമ്പരമാണ്​. താൻ പാറകളെ അതിജയിക്കു​​േമ്പാലെ പിതാവ്​ കാൻസറിനെ അതിജയിക്കുകയാണെന്ന്​  അവൾ ആശ്വസിച്ചു. 

രണ്ട്​ ആൺകുട്ടികളാണ്​ യാസ്​മിന്​. അവരെ രണ്ട്​ പേരെയും റോക്​ ക്ലൈമ്പിങ്​ പരിശീലിപ്പിക്കുന്നു. സൗദി അറേബ്യയിൽ നിരവധി വനിതകളാണ്​ ഇന്ന്​ ഇൗ അപൂർവ അഭ്യാസത്തിൽ പരിശീലനം നേടുന്നത്​. സ്വയം ബഹുമാനവും സ്വാതന്ത്ര്യവും ധൈര്യവും മാനസികാരോഗ്യവും  ആത്​മവിശ്വാസവും പ്രതിസന്ധികളെ കീഴടക്കാനുള്ള കഴിവും ഇൗ അഭ്യാസം തരുമെന്ന്​ യാസ്​മിൻ പറയുന്നു.  ​സൗദി അറേബ്യയുടെ പുതിയ മാറ്റത്തിൽ ഏറെ ആഹ്ലാദഭരിതയാണ്​ യാസ്​മിൻ. വനിതകൾ കഴിവുതെളിയിച്ച്​ മുന്നോട്ടുവരുന്ന പ്രവണത ഏറിയിട്ടുണ്ട്​്​. അവരെ അംഗീകരിക്കാൻ രാജ്യവും തയാറാവുന്നു. 2020 ലെ ​ടോകിയോ ഒളിമ്പിക്​സിൽ റോക്​ ക്ലൈമ്പിങ്​ ഇനത്തിൽ വിജയം കൊയ്​ത്​ സൗദിയുടെ ഹരിതപതാക അവിടെ ഉയർത്തണമെന്നാണ്​  സ്വപ്​നം. അതിന്​ സ്​പോർട്​സ്​ അഥോറിറ്റിയുടെ പിന്തുണ ലഭിക്കുമെന്ന്​ യാസ്​മിൻ പ്രതീക്ഷിക്കുന്നു.  സൗദി അറേബ്യയിലെ അൽബാഹ, അബ്​ഹ, അൽ ഉല എന്നിവിടങ്ങളിലെല്ലാം പ്രകൃതിസൗന്ദര്യം തുടിച്ചു നിൽക്കുന്ന പർവതങ്ങളുണ്ട്​. അതിൽ പരിശീലനം നേടാൻ സൗദി വനിതകളെ  പേരിപ്പിക്കുകയാണ്​  ഇൗ അതിസാഹസിക.