യാമ്പു ടൂറിസം മേളയിൽ പാരമ്പര്യത്തി​െൻറ  ഓർമകളുമായി  ‘ദീവാനിയ ബൈത്തു ജെദ്ദീ’

യാമ്പു: യാമ്പു ടൂറിസം ഡെവലപ്​മ​െൻറ്​ കൗൺസിലി​​െൻറ ആഭിമുഖ്യത്തിൽ  നടക്കുന്ന ടൂറിസം മേളയിൽ അറേബ്യൻ പൈതൃകം തുടിക്കുന്ന കാഴ്‌ചകൾ . പരമ്പരാഗത  കൈത്തറി, കരകൗശല വസ്തുക്കളും, മൺപാത്രങ്ങളും മറ്റും  പ്രദർശനത്തിനും വിൽപ്പനക്കും ഒരുക്കിയിട്ടുണ്ട്. ഗോത്ര വർഗ ബദവി ജീവിത രീതികളിൽ നിന്ന് നാഗരിക ജീവിതത്തിലേക്കുള്ള മാറ്റത്തി​​െൻറ നാൾവഴികൾ പുതുതലമുറക്ക് പരിചയപ്പെടുത്തുന്നതാണ്​​ കാഴ്​ചകൾ. ‘ദീവാനിയ ബൈത്തു ജെദ്ദീ’ എന്ന പേരിൽ  മുത്തച്​ഛ​​െൻറ വീടായി ചിത്രീകരിച്ച പവലിയ​​െൻറ മേൽക്കൂര ഈത്തപ്പനയുടെ ഓലയും മടലും ഉപയോഗിച്ചാണ്​​ ഉണ്ടാക്കിയിരിക്കുന്നത്​. പഴയ രീതിയിൽ ചുമരും ഇരിപ്പിടങ്ങളും ‘ഫാനൂസ്’ വെട്ടവുമൊക്കെയായി പുതിയ രീതിയിലാണ് ഈ സ്​റ്റാൾ. പഴമയുടെ സ്മൃതികൾ അയവിറക്കി വൈകുന്നേരങ്ങളിൽ അറബ്​ കുടുംബങ്ങൾ ഈ പവലിയനുകളിൽ  ഒത്തുകൂടുന്നു.

 പ്രാദേശിക ടൂറിസം വികസിപ്പിക്കുന്നതി​​െൻറ ഭാഗമായി ടൂറിസം മേഖലയിലേക്ക് സൗദി യുവതീയുവാക്കളെ ആകർഷിക്കാൻ വേണ്ടി വിവിധ പരിപാടികളാണ് ബന്ധപ്പെട്ടവർ മേളയോടനുബന്ധിച്ച് ഒരുക്കിയിരിക്കുന്നത്. നഗരിയിലെ സ്​റ്റേജിൽ പാരമ്പര്യത്തി​​െൻറ നൃത്തച്ചുവടുകളും കുട്ടികളുടെ വിവിധ കലാപരിപാടികളും അരങ്ങു തകർക്കുന്നു. ഇവ കാണാൻ  രാത്രികളിൽ സ്വദേശി  കുടുംബങ്ങളുടെ  തിരക്കാണിവിടെ. 

ചെങ്കടലി​​െൻറ തീരദേശമായ യാമ്പുവിലെ പഴയ അറബികൾ ഒട്ടുമുക്കാലും മത്സ്യബന്ധനമായിരുന്നു  തൊഴിലായി സ്വീകരിച്ചിരുന്നത്.  മത്സ്യബന്ധനത്തിനായി പണ്ട് ഉപയോഗിച്ചിരുന്ന വഞ്ചിയും വലകളും സാധനങ്ങളും കയർകൊണ്ടും  മറ്റും നിർമിച്ച  വസ്തുക്കളും മേള പരിചയപ്പെടുത്തുന്നു.   പാരമ്പര്യ ഭക്ഷണസ്​റ്റാളുകളുമുണ്ട്​​. കുട്ടികൾക്ക് ഉല്ലസിക്കാനുള്ള  സംവിധാനങ്ങളും  മിനി മൃഗശാലയും, സർക്കസുമൊക്കെ   ഒരുക്കിയിട്ടുണ്ട്. പലചരക്ക്  മുതൽ വസ്ത്രങ്ങൾ വരെ വാങ്ങാൻ ഒരുക്കിയ വിശാലമായ ഷോപ്പിങ്​ സ്​റ്റാളുകളിലും വൈകുന്നേരങ്ങളിൽ   തിരക്കാണ്. മേള നവമ്പർ 17 വരെ തുടരും.