വഴിയോര കാഴ്​ചയിൽ നിറയുന്ന ഗോതമ്പ് മലകൾ

യാമ്പു: യാമ്പു - മദീന പഴയ ഹൈവേയിലൂടെ യാത്ര ചെയ്യുന്നവരുടെ വഴിയോര കാഴ്​ചകളിൽ നിറയുന്ന ആകർഷണമാണ്​ ഗോതമ്പ്​ മല കൾ. മണൽ കുന്നുകളെ പോലെ തോന്നിക്കുന്ന വൻ ഗോതമ്പ് കൂമ്പാരങ്ങൾ​. കൊയ്​ത്തുകഴിഞ്ഞ്​ കൊണ്ടുവന്ന്​ കൂട്ടിയിട്ടിര ിക്കുന്നതുപോലെ ഗോതമ്പി​​െൻറ ആ ശേഖരങ്ങൾ കണ്ണെത്താദൂരത്തോളം നീളു​േമ്പാൾ വിദൂര കാഴ്‌ചയിൽ മണൽ കുന്നുകളെന്നേ തോന്നിക്കൂ. കന്നുകാലികൾക്കും പറവകൾക്കും മറ്റും തിന്നാൻ കൊടുക്കുന്ന ഒരു തരം ഗോതമ്പ് സംസ്​കരിച്ച്​ പായ്​ക്കറ ്റിലാക്കി വിപണിയിലെത്തിക്കുന്ന അഞ്ചു വൻകിട കമ്പനികളുടെ ഫാക്​ടറികളിൽ നിന്നുള്ള കാഴ്​ചയാണത്​.

യാമ്പു നഗരത്തിൽ നിന്ന് 50 കിലോമീറ്റർ അകലെയുള്ള മദീന റോഡിലെ ചെക്ക് പോയിൻറ്​ കഴിഞ്ഞ് അഞ്ച് കിലോ മീറ്റർ പിന്നിടുമ്പോൾ തന്നെ റോഡി​​െൻറ ഇരുവശവും വലിയ മലകൾ പോലെ ഗോതമ്പ് കൂട്ടിയിട്ടിരിക്കുന്നത് കാണാം. യൂറോപ്പിലെയും ഏഷ്യയിലെയും വിവിധ രാജ്യങ്ങളിൽ നിന്നാണ്​ ഗോതമ്പ്​ കപ്പൽ വഴി യാമ്പു തുറമുഖത്തെത്തുന്നത്​. അവിടെ നിന്ന്​ നൂറുകണക്കിന് ടാങ്കർ ലോറികളിലാണ് പ്രതിദിനമെന്നോണം ഫാക്​ടറികളിൽ അതെത്തുന്നത്​. വളർത്തു മൃഗങ്ങൾക്കും പക്ഷികൾക്കും വേണ്ടി പൊതുവിതരണ സംവിധാനം വഴിയാണ് സർക്കാർ ഗോതമ്പ് വിദേശത്തുനിന്ന്​ ഇറക്കുന്നത്. 50 കിലോയുടെ പായ്​ക്കറ്റുകളിലാക്കി രാജ്യത്തി​​െൻറ വിവിധ ഭാഗങ്ങളിലേക്ക് ഇവിടെ നിന്ന്​ വിതരണം ചെയ്യുന്നു.

ആധുനിക യന്ത്രസാമഗ്രികളുടെ സഹായത്തോടെ നൂറുകണക്കിന് തൊഴിലാളികളാണ്​ ഇൗ ഫാക്​ടറികളിൽ ഗോതമ്പ്​ പായ്​ക്കറ്റുകളിലാക്കുന്നത്. ഗോതമ്പ് ചെറിയ കഷ്ണങ്ങളാക്കിയും പൊടിച്ചും സംസ്കരിക്കാനുള്ള ആധുനിക സാങ്കേതിക സംവിധാനങ്ങളാണ്​ ഉപയോഗിക്കുന്നതെന്ന് പാകിസ്ഥാനി ഫാക്​ടറി തൊഴിലാളി നവാബ് മുഹമ്മദ് ‘ഗൾഫ് മാധ്യമ’ത്തോട് പറഞ്ഞു. ഒരു ഫാക്​ടറിയിൽ നിന്ന്​ മാത്രം ദിവസം അമ്പതിനായിരത്തിലേറെ പായ്​ക്കറ്റുകളാണ്​ വിതരണത്തിന്​ തയാറാവുന്നത്​. തൊഴിലാളികളുടെ താമസസൗകര്യവും ഇൗ ഫാക്​ടറിവളപ്പുകളിൽ തന്നെയാണ്​.

ഒട്ടകം, ആട്, വളർത്തുപക്ഷികൾ തുടങ്ങിയവക്കുള്ള തീറ്റയായ ഇൗ ഗോതമ്പിന്​ ചൂടുകാലത്ത്​ ആവശ്യം കൂടും. അത്തരം സീസണിൽ ഉദ്​പാദനം കൂട്ടുമെന്നും ഗോതമ്പിനോടൊപ്പം ചോളവും കൂടി കലർത്തിയാണ്​ പായ്​ക്ക്​ ചെയ്യുന്നതെന്നും യമനി തൊഴിലാളി അഹ്‌മദ്‌ ഇബ്രാഹീം പറഞ്ഞു. കമ്പനികളിലെ സെക്യൂരിറ്റി ജീവനക്കാരുടെ അനുവാദം വാങ്ങി ഗോതമ്പ് മലകളുടെ അടുത്തുപോകാനും ഫാക്​ടറിയിലെ യ​ന്ത്രസംവിധാനം കാണാനും​ സന്ദർശകർക്ക്​ അവസരമുണ്ട്​.
യാമ്പു തുറമുഖത്തു നിന്ന് നൂറുകണക്കിന് ടാങ്കർ ലോറികൾ ഗോതമ്പുമായി അണമുറിയാതെ പ്രവഹിക്കുന്നതും നല്ല കാഴ്​ച​ വിരുന്നാണ്​​. ചരിത്രപ്രസിദ്ധമായ ബദ്​ർ രണാങ്കണത്തോട്​ ചേർന്നുള്ള ബദ്​ർ പട്ടണത്തിലേക്ക്​ ഈ ഫാക്​ടറി മേഖലയിൽ നിന്ന് 40 കിലോമീറ്റർ മാത്രമാണ് ദൂരം.