യാമ്പു തുറമുഖത്ത് ഭീമൻ കപ്പൽ

യാമ്പു: യാമ്പു തുറമുഖത്ത്​ ഏറ്റവും വലിയ കപ്പലെത്തി. 82,498 ടൺ ഭാരം ധാന്യവും വഹിച്ച്​ 235 മീറ്റർ നീളവും 13.5 മീറ്റർ ഉയരവുമുള്ള കപ്പലാണ്​ തീരമണഞ്ഞത്​. അറേബ്യൻ ഷിപ്പിങ്​ ഏജൻസിക്ക്​ കീഴിലെ ജിൻ തായ്​ ഫെങ്​ കപ്പലാണിത്​​. മുമ്പ്​ 26.646 ടൺ വഹിച്ച കപ്പൽ പോർട്ടിലെത്തിയിരുന്നു. വിഷൻ 2030 ലക്ഷ്യമിട്ട്​ നടപ്പിലാക്കിയ തുറമുഖവികസന പ്രവർത്തനങ്ങളെ തുടർന്ന്​ വലിയ കപ്പലുകൾക്ക്​ നങ്കൂരമിടാൻ ഇവിടെ സൗകര്യമൊരുങ്ങിയിട്ടുണ്ട്​.