യമൻ സഹായം: റിയാദിൽ നിന്ന്​ ഹൂദൈദയിലേക്ക്​ ട്രക്കുകൾ പുറപ്പെട്ടു

റിയാദ്​: കിങ്​ സൽമാൻ സ​െൻറർ ഫോർ ഹ്യുമാനിറ്റേറിയൻ റിലീഫി​​െൻറ നേതൃത്വത്തിൽ ഭക്ഷ്യ വസ്​തുക്കളും മരുന്നും വീട്ടാവശ്യത്തിനുള്ള സാധനങ്ങളും അടക്കം 924 ടൺ സാധനങ്ങൾ യമനിലെ ഹുദൈദയിലേക്ക്​ കൊണ്ടുപോയി. റിയാദിൽ നിന്ന്​ 12 ട്രക്കാണ്​ റിയാദിൽ നിന്ന്​ പുറപ്പെട്ടത്​. 15 ട്രക്കുകൾ ജീസാനിൽ നിന്നും 12 എണ്ണം ശറൂറയിൽ നിന്നും പുറപ്പെട്ടതായി റോയൽ അഡ്​വൈസർ ഡോ. അബ്​ദുല്ല അൽ റാബിഹ്​ റിയാദിൽ പറഞ്ഞു. റിയാദിൽ സഹായങ്ങൾ അയക്കുന്നതി​​െൻറ ഉദ്​ഘാടനം അദ്ദേഹം നിർവഹിച്ചു. യമനിൽ കിങ്​ സൽമാൻ റിലീഫ്​ സ​െൻറർ ഇതിനകം 262 സഹായ പദ്ധതികൾ നടപ്പിലാക്കിയിട്ടുണ്ടെന്ന്​ അദ്ദേഹം പറഞ്ഞു. 

സഖ്യസേനയുടെ സഹായത്തോടെ ഹൂതികളുടെ പിടിയിൽ നിന്ന്​ ഹൂദൈദ നഗരവും സഅദ പ്രവിശ്യയും മോചിപ്പിച്ചു വരികയാണ്​. ലോകത്തി​​െൻറ  നാനാഭാഗങ്ങളിൽ നിന്നും യമനിലേക്ക്​ സഹായങ്ങൾ എത്തുന്നുണ്ട്​. കുടുതൽ സഹായങ്ങൾ യമനിലെത്തിക്കാൻ  ലോകത്തെ മനുഷ്യാവകാശ സംഘടനകൾ 
സന്നദ്ധരാവണമെന്ന്​  ഡോ. അബ്​ദുല്ല അൽ റാബിഹ്​  പറഞ്ഞു. കഴിഞ്ഞ ദിവസം 18 ട്രക്കുകളിലായി 228142 കിലോ ഭക്ഷ്യകിറ്റുകളും 1,33,320 കിലോ ഇൗത്തപ്പഴവും സൗദിയിൽ നിന്ന്​ ഹുദൈദയിലെത്തിച്ചിരുന്നു. കടൽ,വോ്യാമമാർഗങ്ങൾ വഴി സഹായമെത്തിക്കുന്നതിനെ കുറിച്ചും സ​െൻറർ ആലോചിക്കുന്നുണ്ട്​. ആവശ്യക്കാർക്ക്​ സഹായങ്ങൾ ഏറ്റവും വേഗത്തിലെത്തിക്കുകയാണ്​ ലക്ഷ്യം. അൽ വദീഅ അതിർത്തി ചെക്​പോസ്​റ്റ്​ വഴിയാണ്​ കഴിഞ്ഞ ദിവസം ട്രക്കുകൾ ലക്ഷ്യസ്​ഥാനത്തെത്തിയത്​. അതിനിടെ യമനിൽ ഹൂതികൾക്കെതിരായ യമൻ സൈന്യത്തി​​െൻറ പോരാട്ടം വിജയത്തോടടുക്കുയാണ്​.