യമൻ പ്രധാനമന്ത്രിയു​ം സംഘവും റിയാദിൽ നിന്ന്​ ഏഡനിലെത്തി

ജിദ്ദ: യമൻ പ്രധാനമന്ത്രി അഹമദ്​ ഉബൈദ്​ ബിൻ ദാഗിറും മന്ത്രിസംഘവും താൽകാലിക തലസ്​ഥാനമായ ഏഡനിലെത്തി. റിയാദിൽ കഴിയുകയായിരുന്ന ഇവർ വ്യാഴം വൈകിട്ടാണ്​ വിമാനത്തിൽ ഏഡനിലേക്ക്​ പുറപ്പെട്ടത്​. ഏഡൻ വിമാനത്താവളത്തിൽ സൈനിക നേതൃത്വം ഇവരെ സ്വീകരിച്ചു. ​യമ​​​െൻറ മഹത്തായ വിജയത്തി​​​െൻറ വർഷമാണിതെന്ന്​ അഹമദ്​ ഉബൈദ്​ പ്രതികരിച്ചു. അനീതി അവസാനിക്കപ്പെടുന്ന വർഷമാണിത്​. ദേശീയ പ്രശ്​നങ്ങൾക്ക്​ ന്യായമായ പരിഹാരത്തിലേക്ക്​ അടുക്കുകയാണ്​. രാജ്യത്തെ ഇറാൻ പദ്ധതി തകർക്കാനുള്ള നീക്കങ്ങൾ യമനി സർക്കാരും അറബ്​ സഖ്യസേനയും പൂർവാധികം ശക്​തമായി തുടരുമെന്നും അദ്ദേഹം കൂട്ടിച്ചേർത്തു.