സൗദി ലോകകപ്പ് ടീമിനെ പ്രഖ്യാപിച്ചു;   നവാഫ്​ അൽആബിദ്​  പുറത്ത്​

ജിദ്ദ: സൗദി ലോകകപ്പ്​ ടീമിൽ നിന്ന്​ വിംഗർ നവാഫ്​ അൽ ആബിദ്​ പുറത്തായി. നാഭീപേശിയിലുണ്ടായ പരിക്ക്​ പൂർണമായും ഭേദമാകാത്തതിനാലാണ്​ ഒരു വ്യാഴവട്ടത്തിന്​ ശേഷം സൗദി പ​െങ്കടുക്കുന്ന ലോകകപ്പ്​ നവാഫിന്​ നഷ്​ടമായത്​. നവാഫിനെ ഒഴിവാക്കിയുള്ള 23 അംഗ അന്തിമ ടീമിനെ കോച്ച്​ യുവാൻ അ​േൻറാണിയോ പിസ്സി ഇന്നലെ പ്രഖ്യാപിച്ചു.

സൗദി അറേബ്യയുടെ ഏറ്റവും ഭാവനാസമ്പന്നനായ കളിക്കാരിലൊരാളായി പരിഗണിക്കുന്ന നവാഫി​​​െൻറ അഭാവം ടീമിന്​ വലിയ നഷ്​ടമായാണ്​ കണക്കാക്കപ്പെടുന്നത്​. അൽഹിലാൽ ക്ലബി​​​െൻറ പ്ലേമേക്കറായ 28 കാരന്​ ഇൗ വർഷം തുടക്കത്തിലാണ്​ പരിക്കേറ്റത്​. ജനുവരി എട്ടിന്​ സൗദി പ്രോ ​ലീഗിൽ ഇത്തിഫാഖിനെതിരെ കളിക്കു​േമ്പാഴായിരുന്നു സംഭവം​. 14ാം മിനിട്ടിൽ പരിക്കേറ്റ്​ കളംവിട്ട നവാഫ്​ ജനുവരി 17 ന്​ ശസ്​ത്രക്രിയക്ക്​ വിധേയനായി. പ്രശ്​സത ഡോ. ഗൈൽസ്​ റെബൂളി​​​െൻറ മേൽനോട്ടത്തിലായിരുന്നു ശസ്​ത്രക്രിയ. തുടർന്ന്​ മാസങ്ങളോളം കളം വിട്ടുനിന്ന നവാഫിനെ ലോകകപ്പി​​​െൻറ പ്രാഥമിക സാധ്യതാ ടീമിൽ ഉൾപ്പെടുത്തിയിരുന്നു. പരീക്ഷണമെന്നോണം കഴിഞ്ഞ ദിവസം പെറുവിനെതിരെ നടന്ന സന്നാഹമത്സരത്തിൽ സബ്​സ്​റ്റിറ്റ്യൂട്ടായി ഇറക്കി 22 മിനിറ്റ്​ കളിപ്പിക്കുകയും ചെയ്​തു. 

അതിന്​ ശേഷമാണ്​ ടീമിൽ നിന്ന്​ ഒഴിവാക്കിക്കൊണ്ടുള്ള പ്രഖ്യാപനം വന്നത്​. ഗോൾകീപ്പർ അസ്സാഫ്​ അൽഖർനി, ഡിഫൻഡർമാരായ മുഹമ്മദ്​ ജഹ്​ഫലി, സഇൗദ്​ അൽ മുവല്ലദ്​, മിഡ്​ഫീൽഡർ മുഹമ്മദ്​ അൽ കുവൈക്​ബി എന്നിവരെയും ഒഴിവാക്കി. അന്തിമ ടീമിൽ സൗദി പ്രോ ലീഗ്​ ചാമ്പ്യൻമാരായ അൽഹിലാൽ ക്ലബിൽ നിന്നുള്ള 10 കളിക്കാരുണ്ട്​. അൽഅഹ്​ലി​യിൽ നിന്ന്​ ഏഴുപേരും. സൗദി അറേബ്യയുടെ ലോകകപ്പ്​ ടീം ഇങ്ങനെ:ഗോൾകീപ്പർമാർ: യാസിർ അൽ മുസൈലിം, അബ്​ദുല്ല അൽമയൂഫ്​, മുഹമ്മദ്​ അൽ ഉവൈസ്​.ഡിഫൻഡർമാർ: ഉസാമ ഹവസാവി, മുതാസ്​ ഹവസാവി, ഉമർ ഹവസാവി, യാസൽ അൽശഹ്​റാനി, മൻസൂർ അൽഹാർബി, മുഹമ്മദ്​ അൽബുറൈക്​, അലി അൽ ബുലൈഹി.
മിഡ്​ഫീൽഡർമാർ: അബ്​ദുല്ല ഉതൈഫ്​, തൈസീർ അൽജാസിം, ഹുസൈൻ അൽമുഖാഹ്​വി, സൽമാൻ അൽഫറാജ്​, സാലിം അൽദോസരി, ഫഹദ്​ അൽമുവല്ലദ്​, യഹ്​യ അൽശഹ്​രി, അബ്​ദുൽ മാലിക്​ അൽഖൈബരി, മുഹമ്മദ്​ കാനൂ, അബ്​ദുല്ല അഇ ഖൈബരി, ഹത്താൻ ബാഹിബ്രി.
സ്​ട്രൈക്കർമാർ: മുഹമ്മദ്​ അൽ സഹ്​ലാവി, മുഹന്ന​ അസ്സീരി.