ലോകകപ്പി​െൻറ ഉദ്​ഘാടന മത്സരം കാണാൻ അമീർ മുഹമ്മദും

ജിദ്ദ: ലോകകപ്പ്​ ഫുട്​ബാളി​​​െൻറ ഉദ്​ഘാടന മത്സരത്തിൽ സൗദി അറേബ്യ റഷ്യയുമായി ഏറ്റുമുട്ടുന്നത്​ കാണാൻ കിരീടാവകാശി അമീർ മുഹമ്മദ്​ ബിൻ സൽമാനുമെത്തും. സൗദി ടീമിന്​ പിന്തുണയുമായി കിരീടാവകാശി എത്തുമെന്ന വാർത്തയെ രാജ്യത്തെ കായികപ്രേമികൾ ആവേശത്തോടെയാണ്​ സ്വീകരിച്ചത്​. ഇൗമാസം 14 ന്​ മോസ്​കോയിലെ ലുസ്​നികി സ്​റ്റേഡിയത്തിലാണ്​ ഉദ്​ഘാടന മത്സരം. ലോകകപ്പി​​​െൻറ ഉദ്​ഘാടന മത്സരത്തിൽ കളിക്കാൻ അവസരം ലഭിച്ച ആദ്യ അറബ്​ ടീമാണ്​ സൗദി അറേബ്യ. ഗ്രൂപ്പ്​ എ യിൽ സൗദിക്കും റഷ്യക്കും പുറമേ, ഇൗജിപ്​തും ഉറുഗ്വേയുമാണ്​ ഉള്ളത്​.