മരുഭൂവിജനതയിലെ വന്യജീവിതം കണ്ടൊരു കാമറയുടെ വിസ്​മയ യാത്ര

റിയാദ്​: മരുഭൂമിയിലെ ‘ശൂന്യസ്ഥലി’യിൽ വന്യജീവിതത്തി​​​െൻറ സജീവതയെ കണ്ണുകൊണ്ടുഴിഞ്ഞ്​​ ഒരു സഞ്ചാരം. പ്രകൃതിസ്​നേഹികളെ മോഹിപ്പിക്കുന്ന ആ യാത്ര നടത്തിയത്​ ഒരു സൗദി ഫോ​േട്ടാഗ്രാഫറാണ്​. ജീവിവർഗങ്ങൾക്ക്​ അതിജീവനം ദുഷ്​കരമായ ‘റൂബുൽ ഖാലി’യിൽ നിന്ന്​ പ്രകൃതി സ്​നേഹി കൂടിയായ മഹ്​ദി അൽസുലൈമിയുടെ കാമറ കവർന്ന​ത്​ അവിസ്​മരണീയ കാഴ്​ചകൾ.
മാനും മുയലും ഉൾപ്പെടെ വന്യമൃഗങ്ങൾ യഥേഷ്​ടം വിഹരിക്കുന്ന ദൃശ്യചാരുത മരുഭൂമിയെന്ന്​ കേൾക്കു​േമ്പാൾ തന്നെ വരണ്ടുപോകുന്ന നമ്മുടെ മനസുകളെ കുതിർത്തുണർത്താൻ പോന്നതാണ്​.​ ൈസ്വര വിഹാരം നടത്തുന്ന വന്യജീവിതത്തി​​​െൻറ സമൃദ്ധിയെയും സുഭിക്ഷതയേയും കാട്ടിത്തരുന്നതാണ്​ ​ഫോ​േട്ടാകളും വീഡിയോ ദൃശ്യങ്ങളും.
അറേബ്യൻ മരുഭൂമിയിലെ റൂബുൽ ഖാലിയുടെ സൗദി ഭൗമാതിർത്തിയിലുൾപ്പെടുന്ന തെക്കുപടിഞ്ഞാറൻ ഭാഗങ്ങളിൽ സുലൈമിയും സഹോദരനും​ കഴിഞ്ഞ ചൊവ്വാഴ്​ചയാണ്​ യാത്ര നടത്തിയത്​. ‘ഉറുഖ്​ ബനി മആരിദ്​’ എന്നറിയപ്പെടുന്നതാണ്​ ഇൗ പ്രദേശം. വംശനാശ ഭീഷണിയിലായ ജീവി വർഗങ്ങളെയാണ്​ അവിടെ കണ്ടത്​. സൗദി വൈൽഡ്​ ലൈഫ്​ അതോറിറ്റിയുടെ കരുതലിൻ തണിലിലാണ്​ ഇവയുടെ അതിജീവനം. നന്നെ പുലർച്ചെ അവിടെയെത്തിയ​ ഉടനെ മണലിൽ തെളിഞ്ഞുകണ്ട കാൽപ്പാടുകൾ നോക്കി മൃഗങ്ങളെ പിന്തുടരുകയായിരുന്നെന്ന്​ സുലൈമി പറഞ്ഞു. വിവിധയിനം മാനുകളെയും മുയലുകളെയും കണ്ടെത്തുന്നതുവരെ അത്​ തുടർന്നു. വിജനതയിൽ അവയെ കണ്ടതും തനിക്കുണ്ടായ ആഹ്ലാദം എങ്ങനെ വിവരിക്കണമെന്ന്​ അറിയില്ലെന്ന്​ അദ്ദേഹം മാധ്യമങ്ങളോട്​ പറഞ്ഞു.
നജ്​റാനിൽ നിന്നാണ്​ സുലൈമി അവിടെയെത്തിയത്​. സൂര്യോദയം വരച്ച മണൽക്കുന്നുകളുടെ കാഴ്​ചകൾ ഹൃദയഹാരിയായിരുന്നു. അതിലേക്ക്​ കണ്ണുനട്ട കാമറ മൃഗങ്ങൾ ഫ്രെയിമിൽ വന്നുകയറും വരെ പ്രകൃതിയുടെ പുലർകാല ദൃശ്യചാരുതയിൽ മുങ്ങിനിൽക്കുകയായിരുന്നു. മാനും മുയലുമൊക്കെ വന്ന്​ കാഴ്​ചയെ പിടിച്ചെടുത്തതോടെ പ്രകൃതിയെ വിട്ട്​ അവയ്​ക്ക്​ പിന്നാലെ പോയെന്ന്​ സുലൈമി പറയ​ു​േമ്പാൾ ആഹ്ലാദം വാക്കുകളിൽ തുളുമ്പുന്നു.
വൈൽഡ്​ അതോറിറ്റിയുടെ സംരക്ഷിത മേഖലയാണ്​ ഇത്​. ഇവിടെ പ്രവേശിക്കാൻ മുൻകൂട്ടി ചില നടപടിക്രമങ്ങൾ ആവശ്യമാണ്​. യാത്രോദ്ദേശ്യം അറിയിച്ച്​ അതോറിറ്റിക്ക്​ അപേക്ഷ നൽകണം. അപേക്ഷ സമർപ്പിച്ച്​ 10 ദിവസത്തിന്​ ശേഷമാണ്​ യാത്രാനുമതി ലഭിച്ചതെന്ന്​ സുലൈമി പറഞ്ഞു. അറേബ്യൻ ഒട്ടകപ്പക്ഷിയെ കാണാൻ ഭാഗ്യമില്ലാതെ പോയതിൽ ദുഃഖമുണ്ട്​ അദ്ദേഹത്തിന്​. സംരക്ഷിത മേഖലയിൽ ഒട്ടകപക്ഷികളുണ്ടെന്ന്​ ഒരു വർഷം മുമ്പ്​ കണ്ടെത്തിയിരുന്നു.
വംശനാശ ഭീഷണി നേരിടുന്നവ ഉൾപ്പെടെ വന്യമൃഗങ്ങൾ സുരക്ഷിതരായി വളരാനും പ്രകൃതി സന്തുലനത്തി​​​െൻറ നിലനിൽപിനും അതോറിറ്റി നടത്തുന്ന സംരക്ഷണ പ്രവർത്തനങ്ങൾ വലിയ​ സഹായമാണ്​ നൽകുന്നതെന്നും സുലൈമി കൂട്ടിച്ചേർത്തു. ഉറുഖ്​ ബനി മആരിദ്​ പ്രദേശം 11,980 ചതു​രശ്ര വിസ്​തൃതിയിലാണ്​ നിവർന്നുകിടക്കുന്നത്​.
1970ഒാടെ നാമാവശേഷമായി തീര്‍ന്ന അറേബ്യൻ കലമാനുകളെ അവസാനം കണ്ടത്​ ഇൗ മേഖലയിലായിരുന്നു. പിന്നെ നീണ്ട കാലത്തിന്​ ശേഷം വിവിധയിനം മാനുകളെ 1995ൽ ഇതേ മേഖലയിൽ വീണ്ടും കണ്ടെത്തി. കാട്ടുപൂച്ച, കുറുക്കൻ, മുയൽ, ഒട്ടകപക്ഷി തുടങ്ങി വിവിധയിനം വന്യമൃഗങ്ങളുടെ മരുഭൂ വർഗബന്ധുക്കളും 104 ഇനം പക്ഷികളും ഇവിടെയുണ്ട്​.