സ്​ത്രീ ജോലിക്കാരെ നിയമിക്കുന്നവർ കർശന വ്യവസ്ഥകൾ പാലിക്കണം

ജിദ്ദ: സ്​ത്രീകളെ ജോലിക്ക്​ വെക്കുന്ന സ്​ഥാപനങ്ങൾ നിശ്ചിത വ്യവസ്​ഥകൾ കർശനമായും പാലിക്കണമെന്ന്​ തൊഴിൽ മന്ത്രാലയം വ്യക്​തമാക്കി. വീഴ്​ച വര​ുത്തുന്ന സ്​ഥാപനങ്ങൾക്കെതിരെ കർശന നടപടിയുണ്ടാകും. അതിൽ യാതൊരു അലംഭാവവുമുണ്ടാകില്ല. ഒാഫീസുകളിൽ സ്​ത്രീകൾക്കായി പ്രത്യേകം സൗകര്യങ്ങൾ​ ഉണ്ടാകണം. സഹപ്രവർത്തകാരയി പുരുഷമാരുണ്ടെങ്കിൽ സ്​ത്രീ ജോലിക്കാരുടെ എണ്ണം രണ്ടിൽ കുറയരുത്​. സുരക്ഷിത ബോധത്തോടെ ജോലി ​ചെയ്യാനുള്ള അന്തരീക്ഷം ഒരുക്കണം. വ്യവസായ മേഖലയിലാണെങ്കിൽ സ്​ത്രീകൾക്കായുള്ള ​ഷിഫ്​റ്റുകളിൽ മാത്രമേ അവരെ ജോലിക്ക്​ നിയോഗിക്കാൻ പാടുള്ളൂ. സെക്യുരിറ്റി ഉദ്യോഗസ്​ഥരോ അനുയോജ്യമായ ഡിജിറ്റൽ​ സുരക്ഷ സംവിധാനങ്ങളോ ഒരുക്കിയിരിക്കണമെന്നും തൊഴിൽ മന്ത്രാലയം വ്യക്​തമാക്കി.