Top
Begin typing your search above and press return to search.
keyboard_arrow_down
Login
exit_to_app
exit_to_app
മഞ്​ജു മണിക്കുട്ടന്​ ‘നാരി ശക്തി പുരസ്‌കാരം’
cancel

ദമ്മാം: മഹിളകൾക്കുള്ള പരമോന്നത ഇന്ത്യൻ ദേശീയ ബഹുമതിയായ ‘നാരി ശക്തി പുരസ്‌കാരം’ സൗദിയിലെ പ്രമുഖ മലയാളി ജീവകാ രുണ്യ പ്രവർത്തക മഞ്​ജു മണിക്കുട്ടന്​. അന്താരാഷ്​ട്ര വനിതാദിനമായ മാർച്ച് എട്ടിന് കേന്ദ്ര വനിത ശിശുക്ഷേമ മന്ത് രാലയം സ്ത്രീ ശാക്തീകരണത്തിനായി വ്യത്യസ്ത മേഖലകളിൽ കഴിവ് തെളിയിച്ച ഇന്ത്യൻ വനിതകൾക്ക്​ നൽകുന്നതാണ്​ പുരസ്​കാരം.​ ഒരു ലക്ഷം രൂപയും പ്രശംസാപത്രവും ഉൾപ്പെടുന്ന പുരസ്​കാരം ഡല്‍ഹിയില്‍ മാര്‍ച്ച്‌ എട്ടിന് നടക്കുന്ന ചടങ്ങിൽ രാഷ്​ട്രപതി സമ്മാനിക്കും.

എറണാകുളം പെരുമ്പാവൂർ സ്വദേശിനി മഞ്ജു സൗദി കിഴക്കൻ പ്രവിശ്യയിലെ മലയാളി സംഘടനയായ നവയുഗത്തി​​െൻറ വൈസ്​ പ്രസിഡൻറാണ്​. ഇതേ സംഘടനയിലെ തന്നെ ജീവകാരുണ്യ പ്രവർത്തകനായ പദ്മനാഭൻ മണിക്കുട്ട​​െൻറ ഭര്യയാണ്​. എട്ടുവർഷം മുമ്പാണ്​ സൗദിയിലെത്തിയത്​. ദമ്മാമിൽ ബ്യൂട്ടീഷ്യനായി ജോലി ചെയ്​തുകൊണ്ടിരിക്കെ നവയുഗം കേന്ദ്ര കമ്മിറ്റി വൈസ് പ്രസിഡൻറും ജീവകാരുണ്യ പ്രവർത്തകയുമായ സഫിയ അജിത്തിനെ പരിചയപ്പെട്ടതാണ്​ സാമൂഹിക സേവനത്തിലെത്തിച്ചത്​​. ദമ്മാം വനിത അഭയകേന്ദ്രത്തിലെ അശരണരായ വനിതകളുടെ പ്രശ്നങ്ങളിൽ നിരന്തരമായി ഇടപെട്ടുകൊണ്ടിരുന്ന സഫിയയുടെ വലംകൈയായി മഞ്​ജു മാറി.

കാൻസർ ബാധിതയായ സഫിയ അജിത്തി​​െൻറ ആകസ്​മിക വിയോഗത്തോടെ മഞ്ജു അവരുടെ ചുമതലകൾ ഏറ്റെടുത്ത്​ കൂടുതൽ സജീവമായി. ബ്യൂട്ടിപാര്‍ലറിലെ ജോലിയും വീട്ടുജോലികളും കഴിഞ്ഞാല്‍ പൂർണമായും ജീവകാരുണ്യപ്രവര്‍ത്തനത്തിനായി മാറ്റിവെച്ചു. അഞ്ചു വർഷത്തിനിടയിൽ നൂറുകണക്കിന്​ സ്ത്രീകൾക്ക്​ അഭയകേന്ദ്രത്തിൽ നിന്നും സ്വദേശങ്ങളി​േലക്ക്​ മടങ്ങാൻ മഞ്ജു വഴിയൊരുക്കി. ഇന്ത്യൻ എംബസിയുടെ വളണ്ടിയർ കൂടിയായ മഞ്​ജുവിനെ വനിതകൾക്കും വീട്ടുജോലിക്കാരികൾക്കും വേണ്ടി അനുഷ്​ഠിച്ച സേവനങ്ങളാണ്​​ പുരസ്​കാരത്തിന്​ അർഹയാക്കിയത്​​. പുരസ്​കാര ലബ്​ധിയിൽ നവയുഗം കേന്ദ്രകമ്മിറ്റി മഞ്​ജുവിനെ അനുമോദിച്ചു. അഭിജിത്ത്, അഭിരാമി എന്നിവരാണ്​ മക്കൾ.

Show Full Article
TAGS:women empowerment nari shakti puraskar india news gulf news 
Next Story