ജൂൺ 24 ന്​ വനിതകൾ ഡ്രൈവിങ്​ സീറ്റിൽ

ജിദ്ദ: സൗദി അറേബ്യയിൽ ചരിത്രം തിരുത്തി ജൂൺ 24 ന്​ വനിതകളുടെ ഡ്രൈവിങ്​ ആരംഭിക്കും.  ട്രാഫിക്​ ജനറൽ ഡിപ്പാർട്ട്​മ​​െൻറ്​ ഡയറക്​ടർ ജനറൽ മുഹമ്മദ്​ അൽബസ്സാമിയാണ്​ ലോകം ആകാംക്ഷയോടെ കാത്തിരിക്കുന്ന തിയതിയുടെ പ്രഖ്യാപനം നടത്തിയത്​. വനിതകളുടെ ഡ്രൈവിങ്ങിനുള്ള എല്ലാ ഒരുക്കങ്ങളും പൂർത്തിയായി കഴിഞ്ഞതായും അദ്ദേഹം കൂട്ടിച്ചേർത്തു. 

2017 സെപ്​റ്റംബറിലാണ്​ വനിതകൾക്ക്​ വാഹനമോടിക്കുന്നതിനുള്ള ദശകങ്ങൾ പഴക്കമുള്ള വിലക്ക്​ എടുത്തുകളഞ്ഞ്​ രാജകൽപന വന്നത്​. ഇൗ വർഷം പകുതിയോടെ വനിതകളുടെ ഡ്രൈവിങ്​ ആരംഭിക്കുമെന്ന്​ അറിയിച്ചിരുന്നെങ്കിലും കൃത്യമായ തിയതി നേരെത്ത പ്രഖ്യാപിച്ചിരുന്നില്ല. ഇതിനിടയിൽ ഡ്രൈവിങ്​ സ്​കൂളുകൾ ആരംഭിക്കുകയും മറ്റുഒരുക്കങ്ങൾ തകൃതിയായി നടന്നുവരികയുമായിരുന്നു. അഞ്ചുനഗരങ്ങളിലാണ്​ പ്രാഥമികമായി സ്​കൂളുകൾ തുടങ്ങിയത്​. വിദേശത്ത്​ നിന്ന്​ ​ൈലസൻസ്​ നേടിയ സൗദി വനിതകൾ ഉൾപ്പെടെ ഇവിടെ പരിശീലകരായി ഉണ്ട്​.