വനിത ഡ്രൈവിങ്: നൂറ സര്‍വകലാശാലയില്‍ പരിശീലന വാഹനങ്ങള്‍ എത്തി

റിയാദ്: സൗദിയില്‍ വനിതകള്‍ക്ക് ഡ്രൈവിങ് അനുവദിച്ച സാഹചര്യത്തില്‍ പരിശീലനത്തിനുള്ള ഒരുക്കങ്ങള്‍ പൂര്‍ത്തിയായി വരുന്നു. ട്രാഫിക് വിഭാഗവുമായി കരാറിലെത്തിയ തലസ്ഥാനത്തെ നൂറ ബിന്‍ത് അബ്​ദുറഹ്​മാന്‍ സര്‍വകാലശാലയിലെ പരിശീലനത്തിനുളള വാഹനങ്ങളുടെ ആദ്യ നിര കഴിഞ്ഞ ദിവസം റിയാദിലെത്തി. ജൂണ്‍ അവസാനത്തോടെ വനിതകള്‍ക്ക് ഡ്രൈവിങ് ആരംഭിക്കാമെന്നാണ് സല്‍മാന്‍ രാജാവി​​​​െൻറ വിജ്ഞാപനത്തില്‍ വ്യക്തമാക്കയിരുന്നത്. അതിന്​ മുന്നോടിയായാണ് രാജ്യത്തെ സര്‍വകലാശാലകളും പ്രമുഖ സ്ഥാപനങ്ങളും പരിശീലനത്തിന് വേദിയൊരുക്കിയത്.