വനിത ഡ്രൈവിങ്​: പരിശീലകരെ സജ്ജരാക്കാൻ രാജ്യാന്തര സ്​ഥാപനം വരുന്നു

ജിദ്ദ: സൗദി അറേബ്യയിൽ വനിതകൾക്ക്​ ഡ്രൈവിങ്ങിന്​ അനുമതി നൽകിയതി​​െൻറ പശ്​ചാത്തലത്തിൽ പരിശീലകരെ സജ്ജരാക്കാൻ രാജ്യാന്തര സ്​ഥാപനവുമായി കരാറായി. സൗദി നാഷനൽ കമ്മിറ്റി ഒാഫ്​ ഡ്രൈവിങ്​ സ്​കൂൾസ്​ ആണ്​ വിദേശ പരിശീലകരെ കൊണ്ടുവരുന്നത്​. ദുബൈയിൽ വെച്ച്​ കമ്പനി അധികൃതരുമായി ചർച്ച നടത്തി. 

സൗദി ​ഗതാഗത നിയമങ്ങളുടെയും അന്താരാഷ്​ട്ര ഡ്രൈവിങ്​ മര്യാദകള​ുടെയും അടിസ്​ഥാനത്തിൽ വനിതകൾക്കായി ഇവർ പ്രത്യേക പാഠ്യപദ്ധതി തയാറാക്കും. ഡ്രൈവിങ്​ പരിശീലകർക്കായി ഒരുസെമസ്​റ്റർ നീളുന്ന കോഴ്​സാണ്​ ഒരുക്കുന്നത്​. കമ്മിറ്റി ഇതിനകം തന്നെ രാജ്യത്ത്​ നാലു ​വനിത ഡ്രൈവിങ്​ സ്​കൂളുകൾ ആരംഭിച്ചിട്ടുണ്ട്​. 2018 പകുതിയോടെയാണ്​ വനിതകളുടെ ഡ്രൈവിങ്​ ആരംഭിക്കുന്നത്​.