വനിത ​െഡ്രെവിങ്​: പാർക്കിങ്​ ചർച്ച സജീവം

റിയാദ്​: ജൂൺ 24 മുതൽ വനിതകളും വാഹനവുമായി റോഡിലിറങ്ങാനിരിക്കെ പാർക്കിങ്​ സൗകര്യം എത്രത്തോളം പര്യാപ്​തമാവുമെന്ന ചർച്ചകൾ സജീവം. കല്യാണ ഹാളുകൾ, ബ്യൂട്ടിപാർലറുകൾ, സ്​പോർട്​സ്​ ക്ലബുകൾ, വനിത കോളജുകൾ എന്നിവക്ക്​ മുന്നിൽ പാർക്കിങ്​ പ്രതിസന്ധി രൂക്ഷമാവുമെന്ന്​  പ്രതീക്ഷിക്കുന്നവരുണ്ട്​. പാർക്കിങ്​ സൗകര്യം വിപുലീകരിക്കുന്നതിന്​ അധികൃതർ മുന്നൊരുക്കം നടത്തിയിട്ടുണ്ട്​. എന്നാലും വലിയ തോതിലുള്ള സൗകര്യമൊരുക്കൽ വേണ്ടി വരുമെന്നാണ്​ വിദഗ്​ധർ അഭിപ്രായപ്പെടുന്നത്​. 
വനിതകൾ സജീവമായി വാഹനമോടിക്കാൻ തുടങ്ങിയാൽ പ്രതിസന്ധി രൂക്ഷമാവുമെന്ന്​ സൗദി സൊസൈറ്റി ഫോർ ട്രാഫിക്​ സേഫ്​റ്റി ഡയറക്​ടർ അബ്​ദുൽ ഹമീദ്​ അൽ മൊആ​െജൽ അഭിപ്രായപ്പെട്ടു. 31 വനിത കോളജുകളാണ്​ രാജ്യത്തുള്ളത്​. ഇതിൽ 7,92,832  വിദ്യാർഥികൾ പഠിക്കുന്നു എന്നാണ്​ കണക്ക്​. വിദ്യാർഥികൾ സ്വന്തം നിലയിൽ കാറോടിച്ച്​ കോളജുകളിൽ വരാൻ തുടങ്ങിയാൽ പ്രതിസന്ധി രൂക്ഷമായിരിക്കും. 2.5മീറ്റർ സ്​ഥലം ഒരു കാർ പാർക്കിങിനായി സജ്ജമാക്കണമെന്നാണ്​ മുനിസിപ്പൽ നിയമം.  
നിലവിൽ പകുതിയോളം വിദ്യാർഥികളും വനിത ജീവനക്കാരും സ്വന്തമായി കാറോടിച്ച്​ കോളജുകളിലും തൊഴിൽ സ്​ഥലത്തും വന്നാൽ  മൂന്ന്​ ലക്ഷം വാഹനങ്ങൾക്ക്​ പാർക്കിങ്​ സൗകര്യം ക​െണ്ടത്തേണ്ടി വരുമെന്ന്​ അദ്ദേഹം പറഞ്ഞു. ആദ്യഘട്ടത്തിൽ 25 വയസിൽ താഴെയുള്ള വനിതകൾക്ക്​ തൽക്കാലം ഡ്രൈവിങ്​ അനുവദിക്കാതിരുന്നാൽ പാർക്കിങ്​ പ്രശ്​നത്തിന്​ പരിഹാരമാവുമെന്ന്​ അദ്ദേഹം പറയുന്നു. 
മൾട്ടി സ്​റ്റോറി​ പാർക്കിങ്​ ഏരിയകളുടെ നിർമാണം, പെയ്​ഡ്​ പാർക്കിങ്​ സംവിധാനമൊരുക്കൽ എന്നീ മേഖലയിൽ നിക്ഷേപകരെ പ്രോൽസാഹിപ്പിക്കുന്നതും പ്രശ്​നത്തിന്​ പരിഹാരമാവും. വിദ്യാഭ്യാസ മന്ത്രാലയത്തി​​​െൻറ  2016^ലെ കണക്കു പ്രകാരം വടക്കൻ മേഖലയിൽ 13,593, അൽ ജൗഫ് 15,761, ഹാഇൽ 23,402, തബൂക്കിൽ 23,195, ഖസീം 45,170, കിഴക്കൻ പ്രവിശ്യയിൽ 132,832, മദീനയിൽ 45,309 , റിയാദിൽ 1,92,873, മക്ക പ്രവിശ്യയിൽ 1,90,590, നജ്​റാനിൽ  10,485,  ജീസാനിൽ 34,672, അൽബാഹയിൽ 13,391, അസീറിൽ 51,559 വിദ്യാർഥിനികൾ ഉണ്ടെന്നാണ്​ കണക്ക്​.