‘കാറീ’മി​െൻറ വനിത ഡ്രൈവർമാരുടെ നിര തയാർ

ജിദ്ദ: ഒാൺലൈൻ ടാക്​സി ആപ്്​ ആയ കാറീമി​​​െൻറ വനിത ഡ്രൈവർമാരുടെ നിരയും ഇന്നലെ നിരത്തിലിറങ്ങി. ആദ്യഘട്ടമെന്ന നിലയിൽ റിയാദ്​, ജിദ്ദ, ദമ്മാം നഗരങ്ങളിലാണ്​ ഇവരുടെ സേവനം ആരംഭിച്ചത്​. മറ്റുനഗരങ്ങളിലേക്ക്​ ഉടൻ വ്യാപിപ്പിക്കും. കാറീമി​​​െൻറ പരിശീലന പരിപാടിയിൽ 2,000 ലേറെ വനിതകൾ പേര്​ രജിസ്​റ്റർ ചെയ്​തിരുന്നു.  വനിത ഡ്രൈവിങ്ങിന്​ അനുമതി നൽകുമെന്ന 2017 സെപ്​റ്റംബറിലെ പ്രഖ്യാപനത്തിന്​ പിന്നാലെ തന്നെ തങ്ങളും ഒരുക്കം തുടങ്ങിയിരുന്നതായി കാറീം സൗദി ജനറൽ മാനേജർ പറഞ്ഞു. പ്രാഥമിക പരിശീലനത്തിനായി വനിതകൾക്ക്​ വാതിലുകൾ തുറന്നിട്ടു. ഞങ്ങളെപ്പോലും അത്​ഭുതപ്പെടുത്തുന്നതായിരുന്നു വനിതകളുടെ പ്രതികരണം. 

കാറീമി​​​െൻറ ആദ്യ വനിത ഡ്രൈവർമാർക്ക്​ എല്ലാ ആശംസകളും നേരുന്നതായി സി.ഇ.ഒ മുദസ്സിർ ശൈഖ്​ പ്രസ്​താവിച്ചു. രാജ്യത്തും മേഖലയിലും വനിതകളുടെ തൊഴിലവസരം വർധിപ്പിക്കുന്നതിൽ തങ്ങൾ പ്രതിജ്​ഞാബദ്ധരാണ്​. രണ്ടുവർഷത്തിനുള്ളിൽ കുറഞ്ഞത്​ 20,000 വനിതകൾ കാറീമിന്​ കീഴിൽ പ്രവർത്തിക്കാനെത്തുമെന്നാണ്​ പ്രതീക്ഷയെന്നും അദ്ദേഹം കൂട്ടിച്ചേർത്തു. നിലവിൽ സൗദി അറേബ്യയിൽ കാറീമി​​​െൻറ 70 ശതമാനം യാത്രക്കാരും വനിതകളാണ്​. ഇനാം ഗാസി അൽഅസ്​വദ്​ ആണ്​ കാറീമി​​​െൻറ ആദ്യ വനിത ഡ്രൈവർ.