ശീ​ത​കാ​ല വി​നോ​ദ​സ​ഞ്ചാ​രം: യാംബുവിലെ ചരിത്ര പ്രദേശങ്ങൾ സന്ദർശിക്കാൻ മലയാളി കുടുംബങ്ങളും

യാം​ബു: സൗ​ദി​യി​ലെ ത​ദ്ദേ​ശീ​യ സ്‌​കൂ​ളു​ക​ൾ​ക്ക് അ​ർ​ധ​വാ​ർ​ഷി​ക അ​വ​ധി​യും രാ​ജ്യ​ത്തെ ഇ​ന്ത്യ​ൻ സ്‌​കൂ​ളു​ക​ളി​ൽ പ​ല​തി​ലും ശൈ​ത്യ​കാ​ല അ​വ​ധി​യും ആ​യ​തി​നാ​ൽ വി​നോ​ദ​സ​ഞ്ചാ​ര​ കേ​ന്ദ്ര​ങ്ങ​ളി​ലും ച​രി​ത്ര പ്ര​ദേ​ശ​ങ്ങ​ളി​ലും സ​ന്ദ​ർ​ശ​ക​രു​ടെ എ​ണ്ണം കൂ​ടി. യം​ബു​വി​ലെ ച​രി​ത്ര പ്ര​ദേ​ശ​ങ്ങ​ളും വി​നോ​ദ​കേ​ന്ദ്ര​ങ്ങ​ളും കാ​ണാ​നും വി​ശ്ര​മ​വേ​ള​ക​ൾ ആ​ന​ന്ദ​ക​ര​മാ​ക്കാ​നും നി​ര​വ​ധി പേ​രാ​ണ് ദി​വ​സ​വും ഇ​വി​ടെ​യെ​ത്തു​ന്ന​ത്. റി​യാ​ദ്, ജി​ദ്ദ, മ​ദീ​ന, ത​ബൂ​ഖ്, ഉം​ല​ജ്, മ​ക്ക, ഖ​സീം തു​ട​ങ്ങി​യ പ്ര​ദേ​ശ​ങ്ങ​ളി​ൽ​നി​ന്നെ​ല്ലാം മ​ല​യാ​ളി​ക​ളു​ൾ​പ്പെ​ടെ ധാ​രാ​ളം കു​ടും​ബ​ങ്ങ​ൾ യാം​ബു​വി​ലെ​ത്തു​ന്നു​ണ്ട്. യാം​ബു​വി​ലെ 11 കി​ലോ​മീ​റ്റ​ർ നീ​ള​മു​ള്ള ബീ​ച്ചി​ലെ വാ​ട്ട​ർ ഫ്ര​ൻ​റ്​ പാ​ർ​ക്ക്, 2982 ച​തു​ര​ശ്ര മീ​റ്റ​റി​ലേ​റെ വി​സ്‌​തീ​ർ​ണ​മു​ള്ള യാം​ബു ത​ടാ​കം, 21,276 ച​തു​ര​ശ്ര മീ​റ്റ​ർ വി​സ്തൃ​തി​യി​ൽ വി​ശാ​ല​മാ​യ പു​ൽ​മേ​ടു​ക​ളു​ള്ള ഉ​ദ്യാ​നം, 2,32,800 ച​തു​ര​ശ്ര മീ​റ്റ​ർ വി​സ്തൃ​തി​യു​ള്ള മ​നു​ഷ്യ നി​ർ​മി​ത ഉ​ല്ലാ​സ കേ​ന്ദ്ര​മാ​യ നൗ​റ​സ് ദ്വീ​പ്, സം​ര​ക്ഷി​ത ച​രി​ത്ര ശേ​ഷി​പ്പു​ക​ളു​ള്ള ഹെ​റി​റ്റേ​ജ് സി​റ്റി, ഷ​റം ബീ​ച്ചി​ലെ​യും യാം​ബു ബീ​ച്ചി​ലെ​യും ബോ​ട്ടി​ങ്, ക​ട​ലി​ൽ സു​ര​ക്ഷി​ത​മാ​യി നീ​ന്താ​ൻ പ​റ്റി​യ ഇ​ട​ങ്ങ​ൾ എ​ന്നി​വ​യാ​ണ് സ​ന്ദ​ർ​ശ​ക​രെ ആ​ക​ർ​ഷി​കു​ന്ന കേ​ന്ദ്ര​ങ്ങ​ൾ. കോ​വി​ഡ് പ്രോ​ട്ടോ​കോ​ളു​ക​ൾ പാ​ലി​ച്ചാ​ണ്​ ഇ​വി​ട​ങ്ങ​ളി​ലെ​ല്ലാം പ്ര​വേ​ശ​നാ​നു​മ​തി. കാ​ലം മാ​യ്ക്കാ​ത്ത പൗ​രാ​ണി​ക ശേ​ഷി​പ്പു​ക​ളും സാം​സ്കാ​രി​ക മു​ദ്ര​ക​ളും ത​ന്മ​യ​ത്ത​ത്തോ​ടെ സം​ര​ക്ഷി​ക്ക​പ്പെ​ടു​ന്ന യാം​ബു പൈ​തൃ​ക ന​ഗ​രി​യി​ൽ സ​ന്ദ​ർ​ശ​ക​ർ മു​മ്പു​ണ്ടാ​യി​രു​ന്ന​തി​നെ​ക്കാ​ൾ കൂ​ടി​യി​ട്ടു​ണ്ട്. സ​ന്ദ​ർ​ശ​ക​രെ വ​ര​വേ​ൽ​ക്കാ​ൻ ടൂ​റി​സം അ​തോ​റി​റ്റി കൂ​ടു​ത​ൽ സൗ​ക​ര്യ​ങ്ങ​ൾ ഏ​ർ​പ്പെ​ടു​ത്തി​യി​ട്ടു​ണ്ട്.

കു​ടും​ബ​ത്തി​ന് ഒ​ന്നി​ച്ചി​രി​ക്കാ​ൻ വി​ശാ​ല​മാ​യ പു​ൽ​മേ​ടു​ക​ളും ഇ​രി​പ്പി​ട​ങ്ങ​ളും ഭ​ക്ഷ​ണ​ശാ​ല​ക​ളും കൂ​ടു​ത​ലാ​യി ഇ​പ്പോ​ൾ ഇ​വി​ടെ ഒ​രു​ക്കി​യി​ട്ടു​ണ്ട്. ആ​യി​രം വ​ർ​ഷ​ത്തി​ന​പ്പു​റ​ത്തെ അ​റ​ബി​ക​ളു​ടെ ജീ​വി​ത​രീ​തി​ക​ളും സാം​സ്കാ​രി​ക സാ​മൂ​ഹി​ക ചു​റ്റു​പാ​ടു​ക​ളും എ​ങ്ങ​നെ​യാ​യി​രു​ന്നു എ​ന്ന്​ വി​ളം​ബ​രം ചെ​യ്യു​ന്ന​താ​ണ്​ ച​രി​ത്ര​ശേ​ഷി​പ്പു​ക​ൾ. പാ​തി ത​ക​ർ​ന്ന മൂ​ന്നു നി​ല കെ​ട്ടി​ട​ങ്ങ​ളും പ​ഴ​യ​കാ​ല ച​ന്ത​ക​ളും കോ​ട​തി​യു​ടെ​യും മ​റ്റു കാ​ര്യാ​ല​യ​ങ്ങ​ളു​ടെ​യും കാ​ഴ്ച​ക​ളും സ​ന്ദ​ർ​ശ​ക​ർ​ക്ക്‌ അ​റി​വി​െൻറ​യും വി​സ്മ​യ​ത്തി​െൻറ​യും വാ​താ​യ​ന​ങ്ങ​ൾ തു​റ​ക്കു​ന്ന​താ​ണ്.

പ​ഴ​മ​യു​ടെ പ്രൗ​ഢി നി​ല​നി​ർ​ത്തി പു​നഃ​ക്ര​മീ​ക​രി​ച്ച സ​നൂ​സി മ​സ്ജി​ദ്, ലോ​റ​ൻ​സ് ഓ​ഫ് അ​റേ​ബ്യ എ​ന്ന പേ​രി​ൽ അ​റി​യ​പ്പെ​ടു​ന്ന വി​ശ്രു​ത ബ്രി​ട്ടീ​ഷ് സൈ​നി​ക​ൻ തോ​മ​സ് എ​ഡ്വേ​ർ​ഡ് ലോ​റ​ൻ​സി​െൻറ കൊ​ട്ടാ​രം എ​ന്നി​വ​യാ​ണ് പൈ​തൃ​ക ന​ഗ​രി​യി​ലെ മ​റ്റ് ആ​ക​ർ​ഷ​ക​ങ്ങ​ൾ. പൗ​രാ​ണി​ക ന​ഗ​ര​ങ്ങ​ളി​ലെ​ത്തു​ന്ന മ​ല​യാ​ളി സ​ന്ദ​ർ​ശ​ക​രി​ലെ ചി​ല​ർ ച​രി​ത്രം അ​റി​യു​ന്ന പ്ര​ദേ​ശ​ത്തെ മ​ല​യാ​ളി സാ​മൂ​ഹി​ക സ​ന്ന​ദ്ധ പ്ര​വ​ർ​ത്ത​ക​രു​ടെ സ​ഹാ​യം മു​ൻ​കൂ​ട്ടി ബു​ക്ക് ചെ​യ്ത് ട്രി​പ്പു​ക​ൾ ആ​ക​ർ​ഷ​ക​മാ​ക്കാ​നും ശ്ര​ദ്ധി​ക്കു​ന്നു​ണ്ട്. യാം​ബു​വി​ൽ എ​പ്പോ​ഴും മി​ത​മാ​യ കാ​ലാ​വ​സ്ഥ ആ​യ​തി​നാ​ൽ ഏ​തു കാ​ല​ത്തും വി​നോ​ദ​സ​ഞ്ചാ​ര​ത്തി​നും ഉ​ല്ലാ​സ​ത്തി​നും നി​ര​വ​ധി​പേ​ർ ദി​വ​സ​വും ഇ​വി​ടെ എ​ത്തു​ന്നു.