എ​ത്ര​യും പ്രി​യ​പ്പെ​ട്ടൊ​രാ​ൾ

റ​ഫീ​ഖ് പ​ന്നി​യ​ങ്ക​ര​യു​ടെ ‘പ്രി​യ​പ്പെ​ട്ടൊ​രാ​ൾ’ എ​ന്ന നോ​വ​ൽ ഈ​യി​ടെ വാ​യി​ച്ച പു​സ്ത​ക​ങ്ങ​ളി​ൽ ഒ​ന്നാ​ണ്. പേ​രു​പോ​ലെ​ത്ത​ന്നെ ജീ​വി​ത​ത്തി​ലെ ഏ​റ്റ​വും പ്രി​യ​പ്പെ​ട്ട ഒ​രാ​ളെ​ക്കു​റി​ച്ചു​ള്ള ഹൃ​ദ​യ​സ്പ​ർ​ശി​യാ​യ എ​ഴു​ത്ത്. ഒ​രു അ​ച്ഛ​നും മ​ക​നും ത​മ്മി​ലു​ള്ള ആ​ത്മ​ബ​ന്ധ​ത്തി​​ന്റെ​യും കാ​പ​ട്യ​മി​ല്ലാ​ത്ത സ്‌​നേ​ഹ​ത്തി​​ന്റെ​യും ആ​ർ​ദ്ര​ത​യു​ള്ള ക​ഥ പ​റ​ച്ചി​ലാ​ണ് നോ​വ​ലി​​ന്റെ കാ​ത​ൽ. ജെ​ന്നി​ഫ​ർ കോ​ട്ടേ​ജി​ലേ​ക്കു​ള്ള വാ​തി​ൽ തു​റ​ന്നാ​ണ് വാ​യ​ന​ക്കാ​ർ നോ​വ​ലി​ലേ​ക്ക് ക​ട​ക്കു​ന്ന​ത്.

പ്രി​യ​ത​മ​യു​ടെ പേ​ര് ത​ന്റെ മാ​ളി​ക​ക്ക്​ ന​ൽ​കി, അ​ത് സ്‌​നേ​ഹ​ത്തി​ന്റെ​യും ക​ട​പ്പാ​ടി​ന്റെ​യു​മാ​ണെ​ന്ന്​ പ​റ​ഞ്ഞു​വെ​ച്ച് അ​ന്തോ​ണി എ​ന്ന ക​ഥാ​പാ​ത്ര​ത്തെ, തി​ക​ഞ്ഞ ഗൃ​ഹ​സ്ഥ​നെ വ​ര​ച്ചു​കാ​ട്ടു​ന്നു. ത​​ന്റെ ഭാ​ര്യ​യു​ടെ വി​യോ​ഗ​ത്തി​ലെ വേ​ദ​ന​യി​ലും മ​ക്ക​ളാ​യ കു​ഞ്ഞു​ത്രേ​സ്യ​യെ​യും ലൂ​ക്കോ​സി​നെ​യും ചേ​ർ​ത്തു​പി​ടി​ക്കാ​ൻ മ​റ​ക്കാ​തി​രു​ന്ന അ​ന്തോ​ണി​യു​ടെ സ്‌​നേ​ഹ​ത്തി​​ന്റെ ക​ഥ​യാ​ണി​ത്. മ​ക​ൻ ലൂ​ക്കോ​സി​​ന്റെ​യും.

വാ​യ​ന​യു​ടെ ആ​ദ്യ​ഭാ​ഗ​ത്തി​ൽ ത​ന്നെ സേ​വ്യ​ർ മാ​പ്ല​യു​ടെ ക​ട​ന്നു​വ​ര​വു​ണ്ട്. അ​ദ്ദേ​ഹ​ത്തെ​ക്കു​റി​ച്ചു​ള്ള വ​ർ​ണ​ന​ക​ളും ആ ​ദേ​ശ​ത്ത് അ​ദ്ദേ​ഹ​ത്തി​നു​ണ്ടാ​യി​രു​ന്ന സ്ഥാ​ന​വും ബ​ഹു​മാ​ന​വു​മൊ​ക്കെ പ്ര​ക​ട​മാ​യി വ​ര​ച്ചി​ടു​ന്നു. ഇ​ത് സേ​വ്യ​ർ മാ​പ്ല​യു​ടെ ക​ഥ​യാ​ണെ​ന്ന് വാ​യ​ന​ക്കാ​ർ അ​റി​യാ​തെ ചി​ന്തി​ച്ചു​പോ​കും. പി​ന്നീ​ട​ങ്ങോ​ട്ട്, സേ​വ്യ​ർ മാ​പ്ല മാ​ത്ര​മ​ല്ല നോ​വ​ലി​ലേ​ക്ക് ക​ട​ന്നു​വ​രു​ന്ന ഓ​രോ ചെ​റി​യ വ​ലി​യ ക​ഥാ​പാ​ത്ര​വും അ​വ​രെ​ക്കു​റി​ച്ചു​ള്ള വി​വ​ര​ണ​ങ്ങ​ളും ന​മു​ക്ക് പ​രി​ച​യ​മു​ള്ള, എ​ന്നോ എ​വി​ടെ​യോ വെ​ച്ച് ക​ണ്ടു​മു​ട്ടി​യ​വ​രെ​പ്പോ​ലെ തോ​ന്നി​പ്പോ​കും വി​ധ​ത്തി​ലാ​ണ്. അ​ത്ര​ക്ക്​ വാ​യ​ന​ക്കാ​രെ പി​ടി​ച്ചി​രു​ത്താ​ൻ നോ​വ​ലി​നാ​വു​ന്നു​ണ്ട്.

നോ​വ​ലി​​ന്റെ മൂ​ന്നാം അ​ധ്യാ​യ​ത്തി​ൽ നോ​വ​ലി​സ്​​റ്റ്​ നാ​ലാം ചു​വ​രും ത​ക​ർ​ത്ത്​ വാ​യ​ന​ക്കാ​രി​ലേ​ക്ക് ഇ​റ​ങ്ങു​ക​യാ​ണ്. ക​ഥാ​പാ​ത്ര​ങ്ങ​ളെ പ​രി​ച​യ​പ്പെ​ട​ലി​നി​ട​യി​ൽ ക​ഥ​യി​ലേ​ക്ക് തി​രി​ച്ചി​റ​ങ്ങാ​ൻ അ​ത്ത​ര​മൊ​രു സ​ന്ദ​ർ​ഭം ആ​വ​ശ്യ​മാ​യി​രു​ന്നു. പി​ന്നീ​ട​ങ്ങോ​ട്ട്, കൃ​ത്യ​മാ​യി ഒ​രു ആ​ശു​പ​ത്രി​യു​ടെ പ​ശ്ചാ​ത്ത​ല​ത്തി​ലേ​ക്ക് നോ​വ​ൽ നി​വ​രു​ന്നു. ലൂ​ക്കോ​സ് സ്വ​ന്തം അ​പ്പ​നെ രോ​ഗ​ശ​യ്യ​യി​ൽ പ​രി​ച​രി​ക്കു​മ്പോ​ൾ നേ​രി​ടു​ന്ന മ​നഃ​പ്ര​യാ​സ​വും കൂ​ട്ടി​രി​ക്കു​മ്പോ​ൾ അ​നു​ഭ​വി​ക്കു​ന്ന മ​നു​ഷ്യ​സ​ഹ​ജ​മാ​യ വ്യ​ഥ​യും തൊ​ട്ട​ടു​ത്ത് മാ​റി​മാ​റി വ​രു​ന്ന രോ​ഗി​ക​ളും കൂ​ട്ടി​രി​പ്പു​കാ​രും അ​വ​രു​ടെ ജീ​വി​ത​വും ആ​കു​ല​ത​ക​ളും ലൂ​ക്കോ​സി​​ന്റെ ചി​ന്ത​ക​ളും ഒ​ക്കെ നി​റ​ഞ്ഞ് ഒ​രു സാ​ധാ​ര​ണ​ക്കാ​ര​ൻ എ​ന്നെ​ങ്കി​ലു​മൊ​ക്കെ അ​നു​ഭ​വി​ച്ച, ഒ​രു പ​ക്ഷെ അ​നു​ഭ​വി​ക്കാ​നി​രി​ക്കു​ന്ന അ​വ​സ്ഥ​യി​ലേ​ക്ക് വാ​യ​ന​ക്കാ​ര​നെ കൂ​ട്ടി​ക്കൊ​ണ്ടു പോ​കു​ന്നു.

അ​ധ്യാ​യം പ​ത്തും പ​തി​നൊ​ന്നു​മൊ​ക്കെ (നോ​വ​ലി​ന്റെ അ​വ​സാ​ന​ഭാ​ഗം) ആ​കു​മ്പോ​ഴേ​ക്കും സ​ത്യ​ത്തി​ൽ ഒ​രു വീ​ർ​പ്പു​മു​ട്ട​ലി​ലേ​ക്കാ​ണ് വാ​യ​ന ചെ​ന്നെ​ത്തു​ന്ന​ത്. ഓ​രോ വാ​ക്കി​ലും വ​രി​യി​ലും ക​ഥാ​പാ​ത്ര​ങ്ങ​ളു​ടെ ഹൃ​ദ​യ​ഭാ​രം പ​ക​ർ​ത്താ​ൻ നോ​ലി​സ്​​റ്റി​നാ​യി എ​ന്നു​ത​ന്നെ പ​റ​യാം. വാ​യ​ന​ക്കാ​ര​ന്റെ മ​ന​സ്സി​ൽ നേ​ർ​ത്ത ഒ​രു നി​ശ്വാ​സം ന​ൽ​കി​യാ​ണ് നോ​വ​ലി​​ന്റെ പ​ര്യ​വ​സാ​ന​വും.

സ​ത്യ​ത്തി​ൽ നോ​വ​ലി​ൽ ഏ​റ്റ​വും കൂ​ടു​ത​ൽ ചി​ന്തി​പ്പി​ച്ച ഭാ​ഗം ഇ​താ​ണെ​ന്ന് പ​റ​യു​ന്ന​താ​വും ശ​രി. ‘ഭി​ന്ന​ചി​ന്ത​ക​ളി​ല്ലാ​തെ, ഭി​ന്നി​പ്പി​ക്കാ​ൻ ത​ക്കം പാ​ർ​ത്ത് ന​ട​ക്കു​ന്ന ക​ഴു​ക​ക്ക​ണ്ണു​ക​ൾ ഇ​ല്ലാ​തെ ഒ​രു ദേ​ശം. രോ​ഗ​വും വേ​ദ​ന​യു​മാ​ണി​വി​ടു​ത്തെ മ​തം. ഇ​പ്പോ​ഴ​വ​രു​ടെ ക​ൺ​ക​ണ്ട ദൈ​വ​ങ്ങ​ൾ സ്‌​റ്റെ​ത​സ്‌​കോ​പ്പ് ക​ഴു​ത്തി​ല​ണി​ഞ്ഞ വെ​ള്ള​ക്കു​പ്പാ​യ​ക്കാ​രാ​ണ്...

ഒ​രാ​ശു​പ​ത്രി​യു​ടെ പ​ശ്ചാ​ത്ത​ല​വും അ​വി​ടെ​യെ​ത്തി​പ്പെ​ടു​ന്ന മ​നു​ഷ്യ​ർ അ​നു​ഭ​വി​ക്കു​ന്ന നൊ​മ്പ​ര​വും അ​തി​ന​പ്പു​റ​ത്തേ​ക്ക്, ജീ​വി​ത​ത്തി​ൽ ഒ​രി​ക്ക​ലെ​ങ്കി​ലും രോ​ഗി​യോ​ടൊ​പ്പം കൂ​ട്ടി​രു​ന്ന​വ​ർ അ​നു​ഭ​വി​ച്ച പൊ​ള്ളു​ന്ന തീ​ക്ക​ന​ലി​​ന്റെ ചൂ​ടോ​ർ​മി​ച്ചെ​ടു​ക്കാ​ൻ സാ​ധി​ക്കു​ന്ന വ​രി​ക​ളാ​ണ​വ. ശ​രി​യ​ല്ലേ? വി​ശ്വാ​സി​ക​ളും ദൈ​വ​വും പ​ര​സ്പ​ര പൂ​ര​ക​ങ്ങ​ളാ​യി വ​ർ​ത്തി​ക്കു​ന്നി​ട​ത്ത് ദൈ​വം ക​രു​ണ ചൊ​രി​യു​ന്ന​തെ​ങ്കി​ൽ ആ​രാ​ധ​നാ​ല​യ​ങ്ങ​ളെ​ക്കാ​ൾ മേ​ൽ​ക്കോ​യ്മ ആ​ശു​പ​ത്രി​ക​ൾ​ക്കാ​യി​രി​ക്കും. ദൈ​വം ഏ​റ്റ​വും കൂ​ടു​ത​ൽ അ​ത്ഭു​ത​ങ്ങ​ൾ കാ​ണി​ക്കു​ന്ന​തും അ​വി​ട​ങ്ങ​ളി​ലാ​യി​രി​ക്ക​ണം.

‘പ്രി​യ​പ്പെ​ട്ടൊ​രാ​ൾ’ തീ​ർ​ച്ച​യാ​യും വാ​യ​ന​ക്കാ​രെ ചെ​റു​താ​യെ​ങ്കി​ലും ഉ​ള്ളൊ​ന്ന് സ്പ​ർ​ശി​ക്കും. വാ​യ​ന തു​ട​ങ്ങു​ന്ന​വ​ർ​ക്കും വാ​യ​ന മു​ട​ങ്ങി​യ​വ​ർ​ക്കും തി​രി​ച്ചൊ​ന്ന് വാ​യ​ന​യി​ലേ​ക്ക് ഇ​റ​ങ്ങാ​ൻ​വേ​ണ്ടി തെ​ര​ഞ്ഞെ​ടു​ക്കാ​വു​ന്ന ഭേ​ദ​പ്പെ​ട്ട നോ​വ​ലി​ലൊ​ന്നാ​ണ് ഇ​തെ​ന്ന് ഉ​റ​പ്പി​ച്ചു​പ​റ​യാം. മൂ​ന്നാം പ​തി​പ്പി​ലെ​ത്തി നി​ൽ​ക്കു​ന്ന നോ​വ​ലി​ന്റെ പ്ര​സാ​ധ​ക​ർ കോ​ഴി​ക്കോ​ട് ഹ​രി​തം ബു​ക്‌​സാ​ണ്.