യുദ്ധോപകരണങ്ങൾ സൗജന്യമല്ല; എല്ലാം പണം മുടക്കി വാങ്ങുന്നവ ^ അമീർ മുഹമ്മദ്​

റിയാദ്​: രാജ്യസുരക്ഷക്കായി പ്രത്യേകിച്ച്​ ഒന്നും ചെലവാക്കുന്നില്ലെന്നും എന്നാൽ, അമേരിക്കയിൽ നിന്ന്​ വാങ്ങുന്ന സൈനിക ഉപകരണങ്ങൾക്ക്​ കൃത്യമായി പണം നൽകുന്നുണ്ടെന്നും സൗദി കിരീടാവകാശി അമീർ മുഹമ്മദ്​ ബിൻ സൽമാൻ. ഇൗ ഉപകരണങ്ങളൊന്നും സൗജന്യമല്ല. സൗദി^യു.എസ്​ ബന്ധ​ത്തി​​​െൻറ തുടക്കം മുതൽ തന്നെ എല്ലാം നമ്മൾ പണം നൽകിതന്നെയാണ്​ വാങ്ങു​ന്നത്​. ^ ​ൈസനിക സഹായത്തിന്​ സൗദി അറേബ്യ പണം മുടക്കണമെന്ന യു.എസ്​ പ്രസിഡൻറി​​​െൻറ കഴിഞ്ഞ ദിവസത്തെ പ്രസ്​താവനയോട്​ പ്രതികരിക്കുകയായിരുന്നു കിരീടാവകാശി. റിയാദിലെ വസതിയിൽ ബുധനാഴ്​ച വൈകി ബ്ലൂംബർഗി​​​െൻറ ആറു മുതിർന്ന മാധ്യമപ്രവർത്തകരാണ്​ അദ്ദേഹത്തി​​​െൻറ പ്രതികരണം തേടിയത്​.അമേരിക്കക്ക്​ മു​േമ്പ സൗദി അറേബ്യ നിലവിലുണ്ട്​. അമേരിക്ക സ്​ഥാപിതമാകുന്നതിനും 30 വർഷം മു​മ്പ്​ 1744 മുതൽ സൗദി ഉണ്ട്​. അതിനെ ആരെങ്കിലും തെറ്റിദ്ധിച്ചാൽ ഖേദകരമാണ്​. പ്രസിഡൻറ്​ ഒബാമയുടെ എട്ടുവർഷങ്ങളിൽ ഞങ്ങളുടെ അജണ്ടകൾക്കെതിരെ അദ്ദേഹം പ്രവർത്തിച്ചു. എന്നിട്ടും ഞങ്ങളുടെ താൽപര്യങ്ങൾ സംരക്ഷിക്കാൻ ഞങ്ങൾക്കായി. ഒബാമയുടെ ഭരണകൂടം പരാജയപ്പെട്ടു, ഇൗജിപ്​ത്​ തന്നെ ഉദാഹരണം.

ഏതു സുഹൃത്തും നല്ല കാര്യങ്ങളും മോശം കാര്യങ്ങളും പറയുമെന്നത്​ നിങ്ങൾ അംഗീകരിക്കേണ്ടതുണ്ട്​. നൂറുശതമാനം സുഹൃത്തുക്കളും നിങ്ങളെ കുറിച്ച്​ നല്ലതുപറയണമെന്നില്ല. നിങ്ങളുടെ കുടുംബത്തിൽ പോലും അങ്ങനെയുണ്ടാകില്ല. അവിടെയും ചില തെറ്റിദ്ധാരണകളൊക്കെ ഉണ്ടാകും. ^ അമീർ മുഹമ്മദ്​ കൂട്ടിച്ചേർത്തു. കാനഡയുമായുള്ള വിഷയം തീർത്തും വ്യത്യസ്​തമാണ്​. സൗദി അറേബ്യയുടെ ആഭ്യന്തര കാര്യങ്ങളിൽ അവർ ഉത്തരവുകൾ നൽകുകയായിരുന്നു. അവർ സൗദിയെ കുറിച്ച്​ ഒരു അഭിപ്രായം പറയുകയായിരുന്നില്ല. പകരം ആജ്​ഞാപിക്കുകയായിരുന്നു. ട്രംപ്​ പക്ഷേ, ഒരു വിഷയത്തെ കുറിച്ച്​ അമേരിക്കക്കുള്ളിൽ ത​​​​െൻറ ആൾക്കാരോട്​ സംസാരിക്കുകയായിരുന്നു. അതിനുള്ള മറുപടി നിങ്ങൾക്ക്​ ഇപ്പോൾ എന്നിൽ നിന്ന്​ ലഭിച്ചിരിക്കുന്നു.
അമേരിക്കയുമായുള്ള സൗദിയുടെ ബന്ധം എന്നത്തേയും പോലെ സുദൃഢമാണ്​. ട്രംപിനൊപ്പം പ്രവർത്തിക്കാൻ ഏറെ ഇഷ്​ടമാണ്​.

മധ്യപൂർവേഷ്യയിൽ ഞങ്ങളൊന്നിച്ച്​ പലതും നേടിയിരുന്നു. പ്രത്യേകിച്ച്​ തീവ്രവാദം, ഭീകരചിന്താഗതി, ദാഇശ്​ എന്നിവർക്കെതിരെ. ഭീകരവാദത്തെ തുരത്താൻ 50 ലേറെ രാജ്യങ്ങളുമായി സഹകരിച്ചാണ്​ ഞങ്ങൾ പ്രവർത്തിക്കുന്നത്​. ഭീകരവാദത്തെയും ഇറാ​​​െൻറ സ്വാധീനത്തെയും ഫലപ്രദമായി പിന്നോട്ടടിക്കാൻ കഴിഞ്ഞിരിക്കുന്നു. സൗദിക്കും യു.എസിനും പരസ്​പരം വൻ നിക്ഷേപമാണുള്ളത്​. വ്യാപാരത്തിലും വലിയ പു​േരാഗതി കൈവരിക്കാനായി. ചുരുക്കത്തിൽ ഇതൊക്കെ മഹത്തായ കാര്യങ്ങളാണ്​. ^ കിരീടാവകാശി സൂചിപ്പിച്ചു.