നോട്ടിടപാടിൽ ശ്രദ്ധിക്കണം; വ്യാജൻ കയറിയാൽ കുടുങ്ങും

റിയാദ്​: പണം കൈകാര്യം ചെയ്യുന്നവർ തങ്ങളുടെ കൈയിലെത്തുന്ന കറൻസികൾ വ്യാജമാണോ എന്ന്​ പരിശോധിച്ചില്ലെങ്കിൽ ശക്​തമായ നിയമ നടപടികളിൽ കുടുങ്ങും. നോട്ടുകളുടെ ഫോ​േട്ടാസ്​റ്റാറ്റുകളടക്കം വിപണിയിൽ എത്തുന്നതായി പരാതി ഉയർന്നിട്ടുണ്ട്​. നിരപരാധികൾ ഇതുപയോഗിച്ച്​ ഇടപാട്​ നടത്തു​േമ്പാഴാണ്​ കെണിയിൽ വീഴുക. ഇത്തരം നോട്ടുകൾ കൈയിൽ കുടുങ്ങിയാൽ സങ്കീർണമായ നിയമ നടപടികൾ നേരിടേണ്ടി വരും.
കഴിഞ്ഞ ദിവസം റിയാദിൽ വ്യാജ കറൻസി നിർമിക്കുന്ന അഞ്ചംഗ സംഘത്തെ പൊലീസ്​ അറസ്​റ്റ്​ ചെയ്തിട്ടുണ്ട്​. കിഴക്കൻ റിയാദിലെ ഒരു ഇസ്​തിറാഹ കേ​ന്ദ്രീകരിച്ച്​ വ്യാജ കറൻസി നിർമാണം നടത്തി വരികയായിരുന്ന സംഘമാണ്​ പൊലീസി​​െൻറ പിടിയിലായത്​. വ്യാജനോട്ട്​ നിർമാക്കാനുപയോഗിച്ച കമ്പ്യൂട്ടറും പ്രിൻററുകളും സ്​കാനറുകളും മറ്റ്​ ഇലക്​ട്രോണിക്​ ഉപകരണങ്ങളും ഇവരിൽ നിന്ന്​ കണ്ടെടുത്തു. ഇത്തരം സംഘങ്ങൾ നോട്ടുകൾ വിപണിയിലെത്തിച്ചിട്ടുണ്ടെന്ന്​ സംശയമുണ്ട്​​.

സൗദി നാണയം വ്യാജമായി സ്വദേശത്തോ വിദേശത്തോ വെച്ച് നിര്‍മിക്കുകയോ അതിനുള്ള ഉപകരണങ്ങള്‍ കൈവശം വെക്കുകയോ വ്യാജ നാണയങ്ങളോ കറന്‍സിയോ വിപണിയില്‍ ഇറക്കുകയോ ചെയ്യുന്നവര്‍ക്ക് കടുത്ത ശിക്ഷ ലഭിക്കുമെന്ന് പബ്ലിക് പ്രോസിക്യൂഷന്‍ മുന്നറിയിപ്പ് നല്‍കിയിട്ടുണ്ട്​. അഞ്ച് മുതല്‍ 25 വര്‍ഷം വരെ തടവും 30,000 മുതല്‍ അഞ്ച് ലക്ഷം റിയാല്‍ വരെ പിഴയും ചുമത്താവുന്നതാവുന്നതാണ് ഇത്തരം കുറ്റങ്ങളെന്നും പബ്ലിക് പ്രോസിക്യൂഷന്‍ വ്യക്​തമാക്കിയിട്ടുണ്ട്​. പുതുതായി ഇറക്കിയ അഞ്ഞൂറ്​ റിയാലി​​െൻറ നോട്ട്​ ഒറിജിനലാണോ എന്ന്​ പരിശോധിക്കാൻ സൗദി മോണിട്ടറിങ്​ ഏജൻസി എ​ട്ട്​ അടയാളങ്ങൾ ചുണ്ടിക്കാട്ടുന്നുണ്ട്​. ത്രി ഡൈമൻഷനൽ സെക്യൂരിറ്റി സ്​ട്രൈപ്, സ്​പെഷ്യൽ ലിങ്ക്​ ലെയർ, ബ്രൈറ്റ്​ സിൽവർ സ്​ട്രൈപ്​, ടാക്​റ്റൈൽ പ്രിൻറിങ്​, ഇറിഡിസൻറ്​ സ്​ട്രൈപ്​, ഫ്ലുറസൻറ്​ ഷെയ്​പ്​ എന്നിങ്ങനെ എട്ട്​ അടയാളങ്ങളാണ്​ സാമ നൽകുന്നത്​. ഇതിൽ സാധാരണക്കാർക്ക്​ എളുപ്പം മനസിലാക്കാവുന്ന മുദ്രകൾ ഉണ്ട്​. ഇതി​​െൻറ വിശദീകരണം ബാങ്കുകളിൽ പ്രദർശിപ്പിച്ചിട്ടുണ്ട്​.

യഥാർഥ നോട്ടിൽ പ്രകടമായി കാണുന്ന വീതിയുള്ള സെക്യൂരിറ്റി സ്​ട്രൈപിൽ രാജ്യത്തി​​െൻറ ചിഹ്​നവും (രണ്ട്​ വാളും ഇൗത്തപ്പനമരവും) ത്രിമാന രൂപത്തിൽ ഉണ്ടാവും.സ്​പെഷ്യൽ ലിങ്ക്​ ലെയർ എന്ന്​ പറയുന്നത്​ നോട്ടിൽ അലങ്കാരപ്പണികളോടെയുള്ള ത്രിമാന ചിത്രമാണ്​. സൂക്ഷ്​മമായി നോക്കിയാൽ ഇതിനുള്ളിൽ 500 എന്ന്​ രേഖപ്പെടുത്തിയിട്ടുണ്ടാവും. നോട്ടി​​െൻറ നടുവിൽ കാണുന്ന ബ്രൈറ്റ്​ സിൽവർ സ്​ട്രൈപിലും രാജ്യത്തി​​െൻറ ചിഹ്​നമുണ്ടാവും. നോട്ട്​ ചരിച്ചുപിടിച്ചു നോക്കിയാൽ ഇതു കാണും. ഇതിനുള്ളിൽ തന്നെ മറ്റൊരു കോണിൽ നോക്കിയാൽ 500 എന്ന്​ രേഖപ്പെടുത്തിയിട്ടുണ്ടാവും. പ്രാഥമികമായി നോട്ട്​ പരിശോധിക്കാനുള്ള വഴികൾ ഇതാണ്​.