മണൽ ശിൽപങ്ങൾ കാണാൻ സന്ദർശക പ്രവാഹം

അൽഅഹ്​സ: ‘മദീനത്തുൽ റിമാൽ’ ( മണൽ പട്ടണം) മേള കാണാൻ സന്ദർശക പ്രവാഹം. നൂഫാൻ എന്ന സ്​ഥലത്ത്​ ഒരുക്കിയ മേള കാണാൻ ആദ്യദിവസം തന്നെ 9000 പേർ  എത്തിയതായാണ്​ കണക്ക്​. 14 ദിവസം മേള നീണ്ടുനിൽക്കും. മേഖലയുടെ വിവിധ ഭാഗങ്ങളിൽ നിന്നും ഗ്രാമങ്ങളിൽ നിന്നും നിരവധി പേരാണ്​ മേളക്ക്​ എത്തിക്കൊണ്ടിരിക്കുന്നത്​. മേളയിലെ പ്രധാന കാഴ്​ച പേരിനെ അന്വർഥമാക്കുന്ന മണൽ കൊണ്ടുണ്ടാക്കിയ വിവിധ രൂപത്തിലുള്ള സ്​തൂപങ്ങളാണ്​. യൂറോപ്​, അറബ്​ രാജ്യങ്ങളിൽ നിന്നുള്ള കരകൗശല  വിദഗ്​ധരായ 12 ഒാളം കലാകാരൻമാരാണ്​​ ഇവ നിർമിച്ചിരിക്കുന്നത്​.

മണൽ കൊണ്ടുള്ള കോട്ടകളും മൃഗങ്ങളുടെ രൂപവുമെല്ലാം സ്​ഥലത്ത്​ ഒരുക്കിയിട്ടുണ്ട്​. ജനറൽ ​അതോറിറ്റി ഫോർ എൻറർടൈൻമ​െൻറി​​െൻറ സഹായത്തോടെ ‘ദുറർ നൂഫാൻ’ ടൂറിസം വികസന പദ്ധതിക്ക്​ കീഴിലാണ്​ മേള ഒരുക്കിയിരിക്കുന്നതെന്ന്​  സംഘാടക മേധാവി ബദ്​ർ ശിഹാബ്​ പറഞ്ഞു. വിവിധ വലിപ്പത്തിലും ആകൃതിയിലുമുള്ള 12 ഒാളം ശിൽപനങ്ങൾ്് ഒരുക്കിയിട്ടുണ്ട്​. ആറ്​ മീറ്റർ വരെ ഉയരമുള്ള സ്​തൂപങ്ങൾ ഇതിലുണ്ട്​.  വിവിധ  വിനോദ^കലാ മൽസര പരിപാടികളും കളികളും മേളയോടനുബന്ധിച്ച്​ ഒരുക്കിയിട്ടുണ്ടെന്നും അദ്ദേഹം പറഞ്ഞു.