സന്ദർശക വിസ ഫീസിളവ്​: അവ്യക്​തത നീങ്ങി

റിയാദ്​: ഇന്ത്യ ഉൾപെടെ ​20 രാജ്യങ്ങൾക്ക്​ സന്ദർശക വിസ ഫീസിൽ ഇളവ്​ വരുത്തിയത്​ സംബന്ധിച്ച അവ്യക്​തത നീങ്ങി. രാജ്യങ്ങളുടെ പട്ടിക വിദേശകാര്യ മന്ത്രാലയം പ്രസിദ്ധീകരിച്ചു. മെയ്​ രണ്ടാം തിയതി മുതൽ ഇന്ത്യയിൽ നിന്ന്​ മൂന്ന്​ മാസത്തെ സന്ദർശക വിസയിൽ സൗദിയിലേക്ക്​ വരുന്നവർക്ക്​ 305 റിയാലാണ്​ ഫീസ് ഇൗടാക്കിയിരുന്നത്​​.  അതേ സമയം ഫീസിളവ്​ പ്രാബല്യത്തിൽ വന്നെങ്കിലും ഇതു സംബന്ധിച്ച്​ ഒൗദ്യോഗിക അറിയിപ്പുകളൊന്നു​ം നേരത്തെ ഉണ്ടായിരുന്നില്ല. ഫീസിളവ്​ സംബന്ധിച്ച വാർത്ത തെറ്റാണെന്ന പ്രചാരണവും നടന്നു. 

ഇതിനിടയിലാണ്​ മന്ത്രാലയത്തി​​​െൻറ വെബ്​ സൈറ്റിൽ ഫീസിളവുള്ള രാജ്യങ്ങളുടെ പത്രിക പ്രസിദ്ധീകരിച്ചത്​. പട്ടികയിൽപെട്ട 15 രാജ്യങ്ങൾക്ക്​  250 റിയാലാണ്​ ഫീസ്​.  ഇന്ത്യയിൽ നിന്ന്​ ആറ്​ മാസത്തെ മൾട്ടിപ്പിൾ റീ എൻട്രി  വിസക്ക്​ 455 റിയാലാണ്​ ഫീസ്​. ഒരു വർഷത്തേക്ക്​ 810ഉം രണ്ട്​ വർഷത്തേക്ക്​ 1100 റിയാലും മതി. ഇളവ്​ പ്രാബല്യത്തിലായതോടെ അവധിക്ക്​ നാട്ടിലേക്ക്​ പോകാൻ തയാറെടുത്ത പ്രവാസികൾ കുടുംബങ്ങളെ സൗദിയിലേക്ക്​ കൊണ്ട്​ വരാനുള്ള ഒരുക്കത്തിലാണ്​.

പ്രതിസന്ധികളുടെ വാർത്തകൾ മാത്രം ചർച്ച ചെയ്യപ്പെടുന്നതിനിടെ വിസിറ്റിങ്​ വിസ ഫീസിളവ്​ പ്രതീക്ഷക്ക്​ വക നൽകുന്നതായി പ്രവാസികൾ പറഞ്ഞു. വ്യാപാരിസമൂഹവും റിയൽ എസ്​റ്റേറ്റ്​ വിപണിയും സർക്കാറി​​​െൻറ പുതിയ തീരുമാനത്തിൽ ആശ്വാസത്തിലാണ്​. ഇന്തേനേഷ്യ, ബ്രസീൽ, ആസ്​ത്രേലിയ, ഹോംകോങ്​, ബൾഗേറിയ, ക്രൊയേഷ്യ, അയർലൻറ്​ തുടങ്ങിയവയാണ്​ ​ ഫീസിളവുള്ള മറ്റ്​ രാജ്യങ്ങൾ.