വിദേശിബാലനെ ചവിട്ടിവീഴ്​ത്തി ​പല്ല്​ കൊഴിച്ച യുവാവി​ന്​ 1,26,000 റിയാൽ പിഴ

റിയാദ്​: ലോകകപ്പ്​ ഫുട്​ബാളിലെ ബ്രസീലി​​െൻറ തോൽവിയിൽ പ്രകോപിതനായി ബാലനെ ചവിട്ടി തള്ളിയിട്ട്​ പല്ല്​ കൊ ഴിച്ച യുവാവിന്​ സൗദി കോടതി വൻ തുക പിഴയും ജയിൽശിക്ഷയും ചാട്ടയടിയും വിധിച്ചു. 20 വയസ്സുള്ള യുവാവിന്​ ദമ്മാം ക്രിമിനൽ കോടതിയാണ്​ ഒരു മാസം തടവും 50 ചാട്ടയടിയും 1,26,000 റിയാൽ സാമ്പത്തിക പിഴയും ചുമത്തിയതെന്ന്​ ഉക്കാദ്​ ദിനപത്രം റിപ്പോർട്ട്​ ചെയ്​തു​. ഒമ്പത്​ വയസ്സുകാരനായ വിദേശി ബാല​​െൻറ പല്ലുകളാണ്​ അക്രമത്തിൽ കൊഴിഞ്ഞത്​. മുൻവശത്തെ പല്ലുകൾ പൊട്ടിയടർന്നുപോയതിനുള്ള​ നഷ്​ടപരിഹാരമായാണ് സാമ്പത്തിക പിഴ ചുമത്തിയത്​.

ഇൗ തുക പ്രതി ഇരയായ ബാലന്​ നൽകണം.​ 2018 ലോകകപ്പ്​ ഫുട്​ബാളിൽ ത​​െൻറ ഇഷ്​ട ടീമായ ബ്രസീൽ ബെൽജിയത്തോട്​ തോറ്റതിൽ പ്രകോപിതനായിട്ടായിരുന്നു യുവാവി​​െൻറ പരാക്രമം. ബ്രസീലി​​െൻറ തീവ്ര ആരാധകനായ യുവാവ്​ ടീമി​​െൻറ തോൽവിയിൽ ആകെ തകർന്നുപോയി. ഇൗ സമയം സ്ഥലത്തുണ്ടായിരുന്ന വിദേശി ബാലൻ കളിയാക്കിയപ്പോൾ സ്വയം നിയന്ത്രിക്കാനായില്ല. ബാല​​െൻറ പിൻവശത്ത്​ കാലുകൊണ്ട്​ തൊഴിച്ചു. തെറിച്ചുവീണ ബാല​​െൻറ മുഖം ഇരുമ്പുവേലിയിൽ ഇടിച്ചാണ്​ മുൻവശത്തെ പല്ലുകൾ പൊട്ടിയടർന്നുപോയതും ചുണ്ടിനും മോണക്കും ഗുരുതരമായി പരിക്കേറ്റതും. ദമ്മാമിലെ അൽഫൈഹ ഡിസ്​ട്രിക്​ടിൽ കഴിഞ്ഞവർഷം ജൂലൈ ആറിനായിരുന്നു സംഭവമെന്ന്​ ഇരയായ ബാല​​െൻറ പിതാവ്​ മുഹമ്മദ്​ അബ്​ദുറഹ്​മാൻ അൽഹിലോ പറഞ്ഞു.
വിധിക്കെതിരെ അപ്പീൽ നൽകാൻ പ്രതിക്ക്​ ഒരു മാസത്തെ സമയം അനുവദിച്ചിട്ടുണ്ട്​.