നി​യ​മ​ലം​ഘ​നം നി​ര​വ​ധി ഇ​ന്ത്യ​ക്കാ​രും പി​ടി​യി​ലാ​വു​ന്നു

റി​യാ​ദ്​: തൊ​ഴി​ൽ, വി​സാ നി​യ​മ​ങ്ങ​ൾ ലം​ഘ​ന​ത്തി​ന്​ ഇ​ന്ത്യ​ക്കാ​ര​ട​ക്കം നി​ര​വ​ധി വി​ദേ​ശി​ക​ൾ സൗ​ദി​യി​ൽ ദി​നം​പ്ര​തി പി​ടി​യി​ലാ​കു​ന്നു. ക​ഴി​ഞ്ഞ ദി​വ​സ​ങ്ങ​ളി​ൽ രാ​ജ്യ​വ്യാ​പ​ക​മാ​യി ആ​ഭ്യ​ന്ത​ര, തൊ​ഴി​ൽ മ​ന്ത്രാ​ല​യ​ങ്ങ​ൾ ശ​ക്ത​മാ​ക്കി​യ റെ​യ്​​ഡി​ൽ കു​ടു​ങ്ങു​ന്ന​വ​രി​ൽ മ​ല​യാ​ളി​ക​ള​ട​ക്കം മി​ക്ക ഇ​ന്ത്യ​ൻ സം​സ്​​ഥാ​ന​ക്കാ​രു​മു​ണ്ട്. കോ​വി​ഡ്​ പ്ര​തി​സ​ന്ധി​യു​ണ്ടാ​യ ശേ​ഷം നാ​ടു​ക​ട​ത്ത​ൽ (ത​ർ​ഹീ​ൽ) കേ​ന്ദ്ര​ങ്ങ​ൾ ദി​നം​പ്ര​തി പി​ടി​യി​ലാ​കു​ന്ന​വ​രെ​ക്കൊ​ണ്ട്​​ നി​റ​യു​ക​യാ​ണ്. ന​വം​ബ​ർ തു​ട​ക്കം മു​ത​ലാ​ണ്​ റെ​യ്​​ഡ്​ ശ​ക്ത​മാ​യ​ത്. കോ​വി​ഡ്​ പ​ശ്ചാ​ത്ത​ല​ത്തി​ൽ അ​ന്താ​രാ​ഷ്​​ട്ര വി​മാ​ന സ​ർ​വി​സ്​ നി​ർ​ത്തി​യ​തി​നെ തു​ട​ർ​ന്ന്​ പി​ടി​യി​ലാ​കു​ന്ന​വ​രു​ടെ നാ​ടു​ക​ട​ത്ത​ൽ ത​ട​സ്സ​പ്പെ​ട്ടി​രു​ന്നു. ക​ഴി​ഞ്ഞ നാ​ലു​മാ​സ​ത്തി​നി​ടെ ഇ​ത്​ പു​ന​രാ​രം​ഭി​ച്ച​തി​നാ​ൽ ത​ർ​ഹീ​ലു​ക​ൾ ഒ​ഴി​ഞ്ഞു​തു​ട​ങ്ങി​യി​രു​ന്നു. എ​ന്നാ​ൽ, റെ​യ്​​ഡ്​ വീ​ണ്ടും ശ​ക്ത​മാ​ക്കി​യ​തോ​ടെ സ്ഥി​തി​മാ​റി.

സെ​ല്ലു​ക​ൾ വീ​ണ്ടും നി​റ​യു​ക​യാ​ണ്. ​ഇ​വ​രി​ൽ ഇ​ന്ത്യ​ക്കാ​രു​ടെ എ​ണ്ണ​വും വ​ള​രെ കൂ​ടു​ത​ലാ​ണ്. ഇ​തി​ൽ 382 പേ​ർ​കൂ​ടി വെ​ള്ളി​യാ​ഴ്​​ച ഇ​ന്ത്യ​യി​ലേ​ക്ക്​ മ​ട​ങ്ങി. എ​ന്നി​ട്ടും റി​യാ​ദി​ലെ ത​ർ​ഹീ​ലി​ൽ മാ​ത്രം ഇ​നി​യും മു​ന്നൂ​റി​ലേ​റെ പേ​രു​ണ്ടെ​ന്ന്​ ഇ​ന്ത്യ​ൻ എം​ബ​സി വൃ​ത്ത​ങ്ങ​ൾ പ​റ​യു​ന്നു. എ​ല്ലാ​വ​രും അ​ടു​ത്ത ദി​വ​സ​ങ്ങ​ളി​ൽ പി​ടി​യി​ലാ​യ​താ​ണ്. വെ​ള്ളി​യാ​ഴ്​​ച രാ​വി​ലെ 10ന്​ ​റി​യാ​ദി​ൽ​നി​ന്ന്​ പു​റ​പ്പെ​ട്ട സൗ​ദി എ​യ​ർ​ലൈ​ൻ​സ്​ വി​മാ​ന​ത്തി​ൽ ഡ​ൽ​ഹി​യി​ലെ​ത്തി​യ​വ​രി​ൽ ഏ​താ​നും മ​ല​യാ​ളി​ക​ളു​മു​ണ്ട്​. ഡ​ൽ​ഹി, ഉ​ത്ത​ർ​പ്ര​ദേ​ശ്, ത​മി​ഴ്​​നാ​ട്, തെ​ല​ങ്കാ​ന സം​സ്​​ഥാ​ന​ങ്ങ​ളു​ടെ സ​ഹ​ക​ര​ണ​ത്തോ​ടെ കോ​വി​ഡ്​ മാ​ന​ദ​ണ്ഡ​പ്ര​കാ​രം യാ​ത്ര​സൗ​ക​ര്യ​മൊ​രു​ക്കി സ്വ​ദേ​ശ​ങ്ങ​ളി​ലേ​ക്ക്​ അ​യ​ച്ചു. റി​യാ​ദി​ൽ​നി​ന്ന്​ ഇ​വ​രെ ക​യ​റ്റി​യ​യ​ക്കാ​ൻ ഇ​ന്ത്യ​ൻ എം​ബ​സി ഉ​ദ്യോ​ഗ​സ്ഥ​രാ​യ രാ​ജേ​ഷ്​​കു​മാ​ർ, യൂ​സ​ഫ്​ കാ​ക്ക​ഞ്ചേ​രി, തു​ഷാ​ർ, അ​ബ്​​ദു​സ്സ​മ​ദ് എ​ന്നി​വ​രാ​ണ്​ റി​യാ​ദ്​ അ​ൽ​ഖ​ർ​ജ്​ റോ​ഡി​ൽ ഇ​സ്​​കാ​നി​ലു​ള്ള ത​ർ​ഹീ​ലി​ലെ​ത്തി ആ​വ​ശ്യ​മാ​യ യാ​ത്ര​രേ​ഖ​ക​ൾ ശ​രി​യാ​ക്കി​യ​ത്.

ക​ഴി​ഞ്ഞ​ത​വ​ണ ഇൗ ​ഉ​ദ്യോ​ഗ​സ്​​ഥ​ർ എ​യ​ർ​പോ​ർ​ട്ടി​ലെ​ത്തി എം​ബ​സി​യു​ടെ ടീ​ഷ​ർ​ട്ട​ട​ക്ക​മു​ള്ള​ത്​ ന​ൽ​കി​യി​രു​ന്നെ​ങ്കി​ലും ഇ​ത്ത​വ​ണ അ​തു​ണ്ടാ​യി​ല്ല. ദി​നേ​നെ ആ​ളു​ക​ൾ കൂ​ടി​വ​രു​ന്ന​തി​നാ​ൽ അ​ത്​ പ്രാ​യോ​ഗി​ക​മ​ല്ലെ​ന്ന​ തി​രി​ച്ച​റി​വി​ലാ​ണ്​ വേ​ണ്ടെ​ന്നു​ വെ​ച്ച​ത്. റി​യാ​ദി​ലെ ത​ർ​ഹീ​ലി​ൽ ബാ​ക്കി​യു​ള്ള​വ​രെ അ​ടു​ത്ത​യാ​ഴ്​​ച നാ​ട്ടി​ലേ​ക്ക്​ അ​യ​ക്കും. ഏ​റ്റ​വും ഒ​ടു​വി​ൽ പോ​യ​വ​ര​ട​ക്കം ആ​റു​മാ​സ​ത്തി​നി​ടെ റി​യാ​ദ്, ജി​ദ്ദ ത​ർ​ഹീ​ലു​ക​ളി​ൽ നി​ന്ന്​ നാ​ട്ടി​ലെ​ത്തി​യ ഇ​ന്ത്യ​ക്കാ​രു​ടെ ആ​കെ എ​ണ്ണം 2681 ആ​യി. ഇ​തു​വ​രെ ഒ​മ്പ​ത്​ സൗ​ദി എ​യ​ർ​ലൈ​ൻ​സ്​ വി​മാ​ന​ങ്ങ​ളി​ലാ​യാ​ണ്​ ഇ​ത്ര​യും പേ​ർ നാ​ട​ണ​ഞ്ഞ​ത്. ത​ർ​ഹീ​ലി​ൽ ക​ഴി​യു​ന്ന​വ​രെ കു​റി​ച്ചും അ​വ​രു​ടെ യാ​ത്ര​യെ കു​റി​ച്ചും അ​റി​യാ​ൻ cw.riyadh@mea.gov.in എ​ന്ന ഇ-​മെ​യി​ലി​ൽ ​ബ​ന്ധ​പ്പെ​ടാ​മെ​ന്ന്​ എം​ബ​സി അ​ധി​കൃ​ത​ർ അ​റി​യി​ച്ചു. റെ​യ്​​ഡ്​ ശ​ക്തി​പ്പെ​ട്ട​തോ​ടെ ബ​ത്​​ഹ അ​ട​ക്ക​മു​ള്ള പ്ര​ധാ​ന വാ​ണി​ജ്യ കേ​ന്ദ്ര​ങ്ങ​ളി​ലേ​ക്ക്​ വാ​രാ​ന്ത്യ അ​വ​ധി ദി​വ​സ​ങ്ങ​ളി​ലെ വി​ദേ​ശ തൊ​ഴി​ലാ​ളി​ക​ളു​ടെ ഒ​ഴു​ക്കി​ന്​ കു​റ​വ്​ വ​ന്നി​ട്ടു​ണ്ട്. വാ​ഹ​ന​യാ​ത്രി​ക​രെ​യും കാ​ൽ​ന​ട​ക്കാ​രെ​യും ത​ട​ഞ്ഞു​നി​ർ​ത്തി ഇ​ഖാ​മ​യു​ടെ സാ​ധു​താ​പ​രി​ശോ​ധ​ന​യാ​ണ്​ ഇ​പ്പോ​ൾ പ്ര​ധാ​ന​മാ​യും ന​ട​ക്കു​ന്ന​ത്.