വിഖായ അനുമോദന ചടങ്ങും അനുസ്മരണവും

മക്ക: മക്ക വിഖായ പ്രവർത്തകർക്കുള്ള അനുമോദന ചടങ്ങും അടുത്തിടെ നിര്യാതരായ പണ്ഡിതരുടെ അനുസ്മരണ സദസും അസീസിയ ബുർജ് നമാ ഓഡിറ്റോറിയത്തിൽ സംഘടിപ്പിച്ചു.
മൃതദേഹ പരിപാലന രംഗത്ത് സ്തുത്യർഹ സേവനം ചെയ്ത കാസർകോട് ഐക്യവേദി സെക്രട്ടറി കബീർ കാസർകോടിനെ പൊന്നാടയണിയിച്ച് ആദരിച്ചു. ഈ വർഷം അഞ്ചു അംഗീകാരപത്രങ്ങളാണ് വിഖായയെ തേടിയെത്തിയത്. നിര്യാതരായ എസ്.എം.കെ തങ്ങൾ തൃശൂർ, സുലൈമാൻ ഫൈസി മാളിയേക്കൽ, പി കുഞ്ഞാണി മുസ്​ലിയാർ മേലാറ്റൂർ എന്നിവരുടെ അനുസ്മരണവും ദുആ മജ്​ലിസും നടത്തി.
യോഗത്തി​​​െൻറ ഉദ്​ഘാനവും അനുസ്മരണ പ്രഭാഷണവും സർട്ടിഫിക്കറ്റ് വിതരണവും എസ്.വൈ.എസ് സൗദി നാഷണൽ കമ്മിറ്റി ചെയർമാൻ ഉബൈദുല്ല തങ്ങൾ മേലാറ്റൂർ നിർവഹിച്ചു.
എസ്.കെ.ഐ.സി സൗദി നാഷണൽ കമ്മിറ്റി ചെയർമാൻ ഒമാനൂർ അബ്​ദുറഹ്​മാൻ മൗലവി അധ്യക്ഷനായിരുന്നു. വിഖായ കോഒാഡിനേറ്റർ മുനീർ ഫൈസി മാമ്പുഴ സമാപന പ്രസംഗം നടത്തി. ഉമർ ഫൈസി പട്ടിക്കാട് മജ് ലിസുനൂറിനു നേതൃത്വം നൽകി.
സലീം മണ്ണാർക്കാട്, സക്കീർ കോഴിച്ചെന, യൂസുഫ് ഒളവട്ടൂർ, മുഹമ്മദ് മണ്ണാർക്കാട്, അബ്​ദുറഹ്​മാൻ കാസർകോട് എന്നിവർ സംസാരിച്ചു. സെക്രട്ടറി ഫരീദ് ഐക്കരപ്പടി സ്വാഗതവും ശിഹാബ് ഫൈസി ചെറുവട്ടി നന്ദിയും പറഞ്ഞു.