മഖ്​വയിൽ വാൻ മറിഞ്ഞ്​ തീക്കത്തി: മലയാളി മരിച്ചു 

ത്വാഇഫ്​: അൽബാഹക്ക് സമീപം മഖ്​വയിലുണ്ടായ വാഹനാപകടത്തിൽ മലയാളി മരിച്ചു. മലപ്പുറം പെരിന്തൽമണ്ണ പട്ടിക്കാട് സ്വദേശി കുഞ്ഞിമുഹമ്മദാണ് (53) മരിച്ചത്. വ്യാഴാഴ്​ച ഉച്ചക്ക് ഇയാൾ ഓടിച്ച  വാൻ ഡിവൈഡറിൽ തട്ടി മറിഞ്ഞ് തീപിടിക്കുകയായിരുന്നു. മഖ്​വ ബത്താത്തിലാണ് സംഭവം.

മൃതദേഹം കത്തിക്കരിഞ്ഞ നിലയിലാണ്.  ബേക്കറിയിൽ സെയിൽസ്​മാനാണ് കുഞ്ഞിമുഹമ്മദ്​. റൊട്ടി വിതരണത്തിനായി പോകുമ്പോഴായിരുന്നു   അപകടം. 11 വർഷത്തോളമായി ഈ മേഖലയിൽ ജോലി ചെയ്യുന്നു.

അപകട വിവരമറിഞ്ഞ് ജിദ്ദയിൽ ജോലി ചെയ്യുന്ന മകൻ ഹാരിസ്​ മഖ്്വയിലെത്തി. മൃതദേഹം മഖവ ജനറൽ ആശുപത്രി മോർച്ചറിയിൽ. ഭാര്യ: മൈമൂന.