പു​റ​ന്തോ​ട് ഭേ​ദി​ച്ച ക​ഥ​ക​ൾ

‘ക​ഥ ജീ​വി​ത​ത്തി​ന്‍റെ ചെ​റി​യ ലോ​ക​ച​രി​ത്ര​മാ​ണ് അ​ല്ലെ​ങ്കി​ൽ ചെ​റി​യ അ​നു​ഭ​വ​ലോ​ക​മാ​ണ്. ഒ​രോ കാ​ല​ത്തി​​ന്‍റെ​യും പ്ര​ത്യ​യ​ശാ​സ്ത്ര​ങ്ങ​ൾ, സൗ​ന്ദ​ര്യ​ബോ​ധം, സാം​സ്​​കാ​രി​ക നി​മി​ഷ​ങ്ങ​ൾ എ​ന്നി​വ അ​നു​ഭ​വ ച​രി​ത്ര​ങ്ങ​ളാ​യി ആ​ദ്യം രൂ​പ​പ്പെ​ടു​ന്ന​ത് ക​ഥ​യി​ലാ​ണ് -കെ.​പി. അ​പ്പ​ൻ.

ചെ​റു​ക​ഥാ സാ​ഹി​ത്യ​ത്തെ സം​ബ​ന്ധി​ച്ച് ഒ​ട്ട​ന​വ​ധി നി​രീ​ക്ഷ​ണ​ങ്ങ​ളു​ണ്ടെ​ങ്കി​ലും അ​തി​ൽ ഏ​റെ​ക്കു​റെ എ​ല്ലാ നി​രീ​ക്ഷ​ണ​ങ്ങ​ളു​ടേ​യും ര​ത്ന​ചു​രു​ക്കം ഇ​തു ത​ന്നെ​യാ​ണ്. ദ​മ്മാം ഇ​ന്‍റ​ർ​നാ​ഷ​ന​ൽ ഇ​ന്ത്യ​ൻ സ്കൂ​ൾ അ​ധ്യാ​പി​ക ല​തി​ക അ​ങ്ങേ​പ്പാ​ട്ടി​ന്‍റെ 13 ചെ​റു​ക​ഥ​ക​ൾ അ​ട​ങ്ങു​ന്ന സ​മാ​ഹാ​രം ‘പു​റ​ന്തോ​ട് ഭേ​ദി​ച്ച ആ​മ’ വാ​യി​ച്ചു​ക​ഴി​യു​​മ്പോ​ൾ കെ.​പി. അ​പ്പ​​ന്‍റെ ഈ ​നി​രീ​ക്ഷ​ണ​മാ​ണ്​ ഓ​ർ​മ​യി​ലെ​ത്തി​യ​ത്. 13 ക​ഥ​ക​ളു​ടേ​യും സ​വി​ശേ​ഷ​ത അ​തി​ലെ സ്ത്രീ​ക​ഥാ​പാ​ത്ര​ങ്ങ​ളു​ടെ ശ​ക്ത​മാ​യ സാ​ന്നി​ധ്യ​മാ​ണ്.

അ​ച്ഛ​ൻ പെ​യ്ത്ത്, ചെ​ന്ത​മി​ഴ്​ സെ​ൽ​വ​ൻ തു​ട​ങ്ങി​യ ഏ​താ​നും ര​ച​ന​ക​ളി​ൽ പു​രു​ഷ​ക​ഥാ​പാ​ത്ര കേ​ന്ദ്രീ​ക​ര​ണ​ത്തി​ലൂ​ടെ ക​ഥ പ​റ​യു​മ്പോ​ൾ ബ​ഹു​ഭ​രി​പ​ക്ഷ ക​ഥ​ക​ളും അ​വ​യു​ടെ വി​കാ​സ​പ​രി​ണാ​മ​ദ​ശ​ക​ളി​ൽ മു​ന്നേ​റു​ന്ന​ത് ശ​ക്ത​മാ​യ സ്ത്രീ​ക​ഥാ​പാ​ത്ര വ്യ​ന്യാ​സ​ങ്ങ​ളി​ലൂ​ടെ​യാ​ണ്. ക​ഥാ​കാ​രി​യു​ടെ ആ​ദ്യ​പു​സ്ത​ക​മാ​യ ‘അ​ഗ്​​നി​വ​ർ​ഷം’ പ്ര​കാ​ശി​ത​മാ​യി​ട്ട് ര​ണ്ട് വ​ർ​ഷ​ങ്ങ​ൾ​ക്ക് ശേ​ഷ​മാ​ണ് ര​ണ്ടാ​മ​ത്തെ പു​സ്ത​ക​മാ​യ ‘പു​റ​ന്തോ​ട് ഭേ​ദി​ച്ച ആ​മ’ വാ​യ​ന​ക്കാ​രി​ലേ​ക്ക് എ​ത്തു​ന്ന​ത്. ഈ ​എ​ഴു​ത്തു​കാ​ല​ത്തി​നി​ട​യി​ൽ മ​ല​യാ​ള ചെ​റു​ക​ഥ സാ​ഹി​ത്യ​ലോ​ക​ത്തേ​ക്ക് ത​​ന്‍റേ​താ​യ ഒ​രി​ടം ക​ണ്ടെ​ത്താ​നു​ള്ള നി​താ​ന്ത​മാ​യ ജാ​ഗ്ര​ത പു​ല​ർ​ത്തി​യി​രു​ന്ന​താ​യി ഈ ​ക​ഥ​ക​ളു​ടെ സൂ​ക്ഷ്മ​വാ​യ​ന​യി​ലൂ​ടെ മ​ന​സി​ലാ​ക്കാ​ൻ ക​ഴി​യും.

പു​രു​ഷ​കേ​ന്ദ്രി​കൃ​ത കു​ടും​ബ സാ​മൂ​ഹി​ക​ജീ​വി​ത​ക്ര​മ​ത്തി​നി​ട​യി​ൽ അ​ക​പ്പെ​ടു​ന്ന ഓ​രോ സ്ത്രീ​യും അ​വ​ർ അ​നു​ഭ​വി​ക്കു​ന്ന തി​ക്താ​നു​ഭ​വ​ങ്ങ​ൾ പ​ങ്കു​വെ​ക്കു​ന്ന സാ​ഹി​ത്യ​ര​ച​ന​ക​ളി​ലും ഇ​ത​ര ക​ലാ​സൃ​ഷ്​​ടി​ക​ളി​ലും അ​മി​ത​പു​രു​ഷ വി​മ​ർ​ശ​ന​വും പ്ര​കോ​പി​ത പാ​ഠ​ങ്ങ​ളും സൃ​ഷ്​​ടി​ക്കു​ന്ന​താ​യി​കാ​ണാം. എ​ന്നാ​ൽ ല​തി​ക​യു​ടെ ക​ഥ​ക​ളി​ൽ എ​വി​ടെ​യും വി​മ​ർ​ശ​ന​ത്തി​​ന്‍റെ കു​ന്ത​മു​ന​ക​ളി​ൽ വി​ഷം​പു​ര​ട്ടി​യ വാ​ക്കു​ക​ൾ കാ​ണാ​ൻ ക​ഴി​യി​ല്ല.

വാ​യ​ന​യു​ടെ ഓ​രോ നി​മി​ഷ​വും പു​രു​ഷ​കേ​ന്ദ്രീ​കൃ​ത സാ​മൂ​ഹി​ക​വ്യ​വ​സ്ഥ​യേ​യും അ​തി​​ന്‍റെ ഇ​ര​ക​ളാ​യ സ്ത്രീ ​ജീ​വി​ത​ങ്ങ​ളേ​യും വ​ര​ച്ചു​കാ​ട്ടു​ന്ന​തി​ൽ ക​ഥാ​കൃ​ത്ത് വി​ജ​യി​ച്ചി​രി​ക്കു​ന്നു. ഭാ​ഷ​യു​ടെ ക​ഠി​ന​മാ​യ പു​റ​ന്തോ​ട് ഭേ​ദി​ച്ച്, ഇ​രു​ത്തം വ​ന്ന ല​ളി​ത​ഭാ​ഷ​യാ​ൽ തീ​വ്ര​മാ​യ വി​കാ​ര​വാ​യ്പു​ക​ൾ വാ​യ​ന​ക്കാ​രു​ടെ മ​ന​സി​ൽ ക​ന​ലാ​യി കോ​രി​യി​ടു​ന്ന​തി​ൽ ഈ ​ക​ഥ​ക​ളി​ലെ ആ​ഖ്യാ​ന​ചാ​രു​ത വി​ജ​യി​ച്ചി​രി​ക്കു​ന്ന​യെ​ന്ന് നി​സം​ശ​യം പ​റ​യാം.

‘ഉ​ള്ളൊ​രു​ക്ക​ങ്ങ​ൾ’ എ​ന്ന ക​ഥ​യി​ൽ ഒ​രു പെ​ൺ​മ​ന​സി​​ന്‍റെ വീ​ർ​പ്പു​മു​ട്ട​ലി​നെ ഇ​ങ്ങ​നെ അ​ട​യാ​ള​പ്പെ​ടു​ത്തു​ന്നു, ‘മ​ന​സി​നെ അ​വി​ടെ കാ​വ​ൽ നി​ർ​ത്തി ശ​രീ​ര​ത്തി​നെ അ​ടു​ക്ക​ള​യി​ലേ​ക്ക് ന​യി​ച്ചു.’ സ്ത്രീ​ക്ക് മാ​ത്രം എ​ഴു​താ​ൻ ക​ഴി​യു​ന്ന ഒ​ട്ട​ന​വ​ധി അ​നു​ഭ​വ​തീ​വ്ര​മാ​യ വ​രി​ക​ൾ ഈ ​ക​ഥാ​സ​മാ​ഹാ​ര​ത്തി​ലു​ട​നീ​ളം വാ​യി​ക്കാ​ൻ ക​ഴി​യും. എ​ന്നാ​ൽ എ​ഴു​ത്തി​നെ പെ​ണ്ണെ​ഴു​ത്തെ​ന്നോ ആ​ണെ​ഴു​ത്തെ​ന്നോ പ്ര​വാ​സി​യെ​ഴു​ത്തെ​ന്നോ ഉ​ള്ള പ​ട്ടി​ക​യി​ൽ​പ്പെ​ടു​ത്താ​ൻ ചി​ല വി​മ​ർ​ശ​ന​കു​ബു​ദ്ധി​ക​ൾ ശ്ര​മി​ക്കു​മ്പോ​ൾ പ്ര​വാ​സ​ലോ​ക​ത്തി​രു​ന്ന് ത​​ന്‍റെ പു​റം​വാ​സ​ത്തേ​യും അ​കം​വാ​സ​ത്തേ​യും ആ​ലേ​ഖ​നം ചെ​യ്യാ​ൻ ല​തി​ക​യു​ടെ ര​ച​ന​ക​ൾ​ക്ക് നി​ഷ്പ്ര​യാ​സം ക​ഴി​യു​ന്നു.

‘പി​ന്നീ​ട് എ​പ്പോ​ഴൊ സം​ശ​യ​ത്തി​ന്‍റെ പ​ശ​തേ​ച്ച ര​ണ്ട് ക​ണ്ണു​ക​ൾ ര​ണ്ടു​പേ​രി​ലും ഒ​ട്ടി​ച്ചു​വെ​ക്കു​ക പ​തി​വാ​യി’ എ​ന്ന്​ ‘ഉ​ള്ളൊ​രു​ക്ക​ങ്ങ​ൾ’ എ​ന്ന ക​ഥ​യി​ൽ പ​റ​യു​ന്നു. ശു​ദ്ധ​മാ​യ മ​നു​ഷ്യ​മ​ന​സ്​ ഒ​രു ശു​ദ്ധ​ജ​ല​ത​ടാ​കം​പോ​ലെ സ്ഫ​ടി​ക സ​മാ​ന​മാ​യി​രി​ക്കും അ​തി​ലേ​ക്ക് സം​ശ​യ​ത്തി​​ന്‍റെ ഒ​രു ചെ​റു​ക​ല്ല് പ​തി​ച്ചാ​ൽ ചെ​റു​ഓ​ള​ങ്ങ​ൾ തി​ര​ക​ളാ​യി വ​ന്നു​കൊ​ണ്ടേ​യി​രി​ക്കും. മ​നു​ഷ​മ​ന​സി​​ന്‍റെ ഈ ​അ​തി​ര​ട​യാ​ള​ങ്ങ​ളെ സ​മ​ർ​ത്ഥ​മാ​യി ഈ ​വ​രി​ക​ളി​ൽ അ​ട​ക്കം ചെ​യ്തി​രി​ക്കു​ന്നു. ‘ആ​ത്മാ​യ​നം’ എ​ന്ന ക​ഥ​യി​ലെ അ​സാ​ധാ​ര​ണ​മാ​യ തു​ട​ക്കം ആ​ത്മ​ചൈ​ത​ന്യ​ത്തി​​ന്‍റെ പ്ര​തി​ധ്വ​നി​യാ​യി വാ​യ​ന​ക്കാ​ര​നെ ഹ​ഠാ​ദാ​ക​ർ​ഷി​ക്കും.

‘വ​സാം​സി ജീ​ർ​ണാ​നി​യ​ഥാ വി​ഹാ​യ

ന​വാ​നി ഗൃ​ഹ്ണാ​തി ന​രോ പ​രാ​ണി

ത​ഥാ ശ​രീ​രാ​ണി വി​ഹാ​യ​ജീ​ർ​ണ

അ​ന്യാ​നി സം​യാ​തി ന​വാ​നി ദേ​ഹി’

ഭ​ഗ​വ​ദ്ഗീ​ത​യി​ലെ ഈ ​വ​രി​ക​ളു​ടെ സാ​രാ​ശം​ത്തി​ൽ​നി​ന്ന് പി​റ​വി​യെ​ടു​ക്കു​ന്ന ഈ ​ക​ഥ മ​ര​ണ​മെ​ന്ന മാ​റ്റ​മി​ല്ലാ​ത്ത പ്ര​കൃ​തി സ​ത്യ​ത്തി​െൻറ പ​ര​മ​മാ​യ സ്വാ​ത​ന്ത്ര്യ​ത്തി​​ന്‍റെ നേ​ർ​വ​ര​ക​ൾ വ​രി​ച്ചി​ടു​ന്നു. ഒ​രാ​ളു​ടെ മ​ര​ണം കൊ​ണ്ട് ആ​രാ​ണ് ശ​രി​ക്കും സ്വ​ത​ന്ത്ര​രാ​കു​ന്ന​ത് എ​ന്ന ചോ​ദ്യം പി​ന്നെ​യും അ​വ​ശേ​ഷി​ക്കു​ന്നു. ശീ​ർ​ഷ​ക​ക​ഥ​യാ​യ ‘പു​റ​ന്തോ​ട് ഭേ​ദി​ച്ച ആ​മ’​യി​ൽ ക​ഥാ​പാ​ത്ര നാ​മ​ക​ര​ണ​ത്തി​ൽ​വ​രെ അ​സാ​ധാ​ര​ണ​മാ​യ സൂ​ക്ഷ​മ​ത​യും നി​രീ​ക്ഷ​ണ പാ​ട​വ​വും പ്ര​ക​ടി​പ്പി​ച്ചി​രി​ക്കു​ന്നു.

നീ​ല​ൻ എ​ന്ന ക​ഥാ​പാ​ത്രം അ​തി​നൊ​രു ഉ​ദാ​ഹ​ര​ണം മാ​ത്രം. സ്ത്രീ ​സ്വ​യം ഒ​രു പ്ര​തി​രോ​ധ​പ​ർ​വം തീ​ർ​ക്കേ​ണ്ട ആ​നു​കാ​ലി​ക സാ​മൂ​ഹി​ക​വ്യ​വ​സ്ഥ​ക​ളി​ൽ ഈ ​ക​ഥ വേ​റി​ട്ട വ​ര​മൊ​ഴി വ​ഴ​ക്ക​മാ​യി മ​ല​യാ​ള ക​ഥാ​ലോ​ക​ത്ത് എ​ന്നു​മു​ണ്ടാ​കും. ‘അ​ച്ഛ​ൻ പെ​യ്ത്തി’​ൽ ഒ​ര​ച്ഛ​നും മ​ക​നും ത​മ്മി​ലു​ള്ള ആ​ത്മീ​യ വൈ​കാ​രി​ക​ത​യു​ടെ ജൈ​വി​ക​ത പു​ഷ്പ്പി​ക്കു​ന്ന​താ​യി കാ​ണാം. ഒ​രു പ​ത്ര​വാ​ർ​ത്ത​യി​ൽ​നി​ന്ന് പി​റ​വി​ക്ക് ഹേ​തു​വാ​യ ഈ ​ക​ഥ മ​ല​യാ​ള​ത്തി​ലെ അ​ച്ഛ​ൻ മ​ക​ൻ ബ​ന്ധ​ങ്ങ​ൾ കേ​ന്ദ്ര​മാ​ക്കു​ന്ന മ​റ്റ് പ​ല ക​ഥ​ക​ളോ​ടും മാ​റ്റു​ര​ക്കാ​ൻ മ​തി​യാ​യ​ത് ത​ന്നെ. ക​ഥാ​സ്വാ​ദ​ന​ത്തി​​ന്‍റെ അ​ള​വു​കോ​ലി​ൽ ആ​ത്മീ​യ​മോ ഭൗ​തി​ക​മോ എ​ന്ന ചോ​ദ്യ​ത്തി​ന് പ്ര​സ​ക്തി​യി​ല്ല.

വാ​യ​ന​യു​ടെ ലാ​വ​ണ്യാ​നു​ഭ​വം ഓ​രോ ക​ഥ​യി​ലും തി​ക​ഞ്ഞ കൈ​യ്യ​ട​ക്ക​ത്തോ​ടെ സ​ന്നി​വേ​ശി​പ്പി​ക്കു​ന്ന​തി​ൽ ക​ഥാ​കാ​രി വി​ജ​യി​ച്ചി​രി​ക്കു​ന്നു. ആ​മ ഒ​രു പാ​വം ജീ​വി​യാ​ണ് എ​ന്നാ​ൽ ത​ന്‍റെ വ​ള​ർ​ച്ച​യു​ടെ ചെ​റി​യ ഘ​ട്ട​ത്തി​ൽ ത​ന്നെ ഭ​ക്ഷ​ണ​മാ​ക്കാ​ൻ വ​രു​ന്ന ക​റു​ത്ത ക​ഴു​ക​ന്മാ​രെ പ്ര​തി​രോ​ധി​ക്കാ​ൻ അ​വ ശ്ര​മി​ക്കാ​റു​ണ്ട്. ഇ​രു​ട്ടി​​ന്‍റെ ക​റു​ത്ത ശ​ക്തി​ക​ളെ പ്ര​തി​രോ​ധി​ക്കാ​ൻ പ്ര​ത്യ​യ​ശാ​സ്ത്ര പി​രി​മു​റു​ക്ക​ങ്ങ​ൾ ഒ​ന്നും ഇ​ല്ലാ​തെ ശ​ക്ത​മാ​യ പ്ര​തി​രോ​ധ​ത്തി​ന്‍റെ രാ​ഷ്​​ട്രീ​യം ഈ ​ക​ഥ​ക​ളി​ൽ ഉ​ള്ള​ട​ക്കം ചെ​യ്തി​രി​ക്കു​ന്നു.

പ്ര​ണ​യം, വി​ര​ഹം, വേ​ദ​ന, അ​ച്ഛ​ൻ മ​ക​ൻ ബ​ന്ധം, അ​മ്മ മ​ക​ൾ ബ​ന്ധം, സാ​മൂ​ഹി​ക​വി​മ​ർ​ശ​നം, പ്ര​വാ​സ​നൊ​മ്പ​ര​ങ്ങ​ൾ, പീ​ഢ​ന​ങ്ങ​ൾ അ​ങ്ങ​നെ മ​നു​ഷ്യ​സ​ഹ​ജ​മാ​യ സ​ക​ല​തും ‘പു​റ​ന്തോ​ട് ഭേ​ദി​ച്ച ആ​മ’ എ​ന്ന സ​മാ​ഹാ​ര​ത്തി​ലെ ക​ഥ​ക​ൾ​ക്ക് ഇ​തി​വൃ​ത്ത​മാ​യി വ​ന്നി​ട്ടു​ണ്ട്. ആ​നു​കാ​ലി​ക​ങ്ങ​ളി​ൽ പ്ര​സി​ദ്ധീ​ക​ര​ണ​യോ​ഗ്യ​മാ​യി​രു​ന്നു ഇ​തി​ലെ പ​ല​ക​ഥ​ക​ളും. അ​തി​ന് മു​തി​രാ​തി​രു​ന്ന​ത് ക​ഥാ​കാ​രി​യു​ടെ സ്വാ​ത​ന്ത്ര്യ​മാ​യി അം​ഗീ​ക​രി​ക്കു​മ്പോ​ഴും കൂ​ടു​ത​ൽ വാ​യ​ന​ക്കാ​രി​ലേ​ക്ക് ത​​ന്‍റെ ക​ഥ എ​ത്താ​തി​രി​ക്കാ​ൻ സ്വ​യം പ്ര​തി​രോ​ധം തീ​ർ​ത്ത​താ​യി വാ​യ​ന​ക്കാ​ർ​ക്ക് തോ​ന്നി​യാ​ൽ സു​ജ​ന​മ​ര്യാ​ദ​യു​ടെ പേ​രി​ൽ ക​ഥാ​കൃ​ത്തി​ന് സ​മ്മ​തി​ക്കേ​ണ്ടി​വ​ന്നേ​ക്കാം. കാ​ര​ണം വാ​യ​ന​ക്കാ​ര​ൻ ത​ന്നെ​യാ​ണ് ഏ​തൊ​രു കൃ​തി​യു​ടേ​യും അ​വ​സാ​ന​വാ​ക്ക്.

കെ.​എ​സ്. ര​തീ​ഷി​ന്‍റെ അ​വ​താ​രി​ക​യി​ൽ ക​ഥ​യു​ടെ സൂ​ക്ഷ്മ​ത​ല​ങ്ങ​ളി​ലൂ​ടെ​യു​ള്ള തി​ര​നോ​ട്ട​വും വി​ല​യി​രു​ത്ത​ലും ഈ ​പു​സ്ത​ക​ത്തി​ന്‍റെ മാ​റ്റ് കൂ​ട്ടു​ന്നു​ണ്ട്. ശി​ഹാ​ബ് കൊ​യി​ലാ​ണ്ടി​യു​ടെ ആ​മു​ഖ​കു​റി​പ്പും ക​ഥ​യേ​യും ക​ഥാ​കാ​രി​യേ​യും കൂ​ടു​ത​ൽ അ​ടു​ത്ത​റി​യാ​ൻ പ്രേ​രി​പ്പി​ക്കു​ന്ന​താ​ണ്. ഈ ​ക​ഥാ​സ​മാ​ഹ​രം പ്ര​സി​ദ്ധീ​ക​രി​ക്കാ​ൻ യ​ത്നി​ച്ച കൊ​യി​ലാ​ണ്ടി നാ​ട്ടു​കൂ​ട്ട​ത്തി​നും ‘അ​ക്ഷ​ര​മു​റ്റം’ എ​ന്ന കൂ​ട്ടാ​യ്​​മ​യി​ലെ അ​ക്ഷ​ര​സ്നേ​ഹി​ക​ൾ​ക്കും നി​രാ​ശ​യു​ടെ കു​പ്പാ​യം അ​ണി​യേ​ണ്ടി​വ​രി​ല്ലാ​യെ​ന്ന് ഈ ​കൃ​തി വി​ളി​ച്ചു​പ​റ​യു​ന്നു​ണ്ട്. വാ​യ​നാ​ലോ​കം ഏ​റ്റെ​ടു​ക്ക​ട്ടെ.