പെട്രോളിയം മേഖലയിലെ വിദേശകമ്പനികൾക്ക്​ 85 ശതമാനം വരെ നികുതി

റിയാദ്: സൗദി പെട്രോളിയം മേഖലയിലെ വിദേശകമ്പനികളുടെ വരുമാനത്തിന്​ 85 ശതമാനം വരെ നികുതി ചുമത്താന്‍ ശൂറ കൗണ്‍സില്‍ അംഗീകാരം നല്‍കി. കമ്പനികളുടെ മുതല്‍ മുടക്കി​​​െൻറ തോതനുസരിച്ചാണ് നികുതി കണക്കാക്കുക. 
കൂടുതല്‍ മുതല്‍മുടക്കുള്ള ഭീമന്‍ കമ്പനികള്‍ക്ക് 45 ശതമാനം നികുതി ചുമത്തുമ്പോള്‍ ചെറുകിട സംരംഭങ്ങള്‍ക്ക് 85 ശതമാനം നികുതിയാകും ബാധകമാവുക. അന്താരാഷ്​ട്ര മാനദണ്ഡമനുസരിച്ചാണ് ഈ അനുപാതം നടപ്പാക്കുന്നതെന്നും ശൂറ കൗണ്‍സില്‍ വിശദീകരിച്ചു. 
വിദേശ നിക്ഷേപ തോത് വര്‍ധിപ്പിക്കലും ഇതി​​​െൻറ ലക്ഷ്യമാണ്. എന്നാല്‍ എണ്ണയിതര മേഖലയിലെ നിക്ഷേപങ്ങളുടെ വരുമാനത്തിന് 20 ശതമാനം മാത്രമാണ് നികുതി. സൗദി വിഷന്‍ 2030​​​െൻറ ഭാഗമായി എണ്ണയിതര വരുമാനം വര്‍ധിപ്പിക്കുക, വിദേശ നിക്ഷേപം ആകര്‍ഷിക്കുക എന്നിവ ഇൗ മേഖലയിലെ നികുതി കുറക്കുന്നതി​​​െൻറ ലക്ഷ്യമാണ്.