ഹൃദയാഘാതം മൂലം നിര്യാതനായ യു.പി സ്വദേശിയുടെ മയ്യിത്ത് ഖബറടക്കി
text_fieldsമുഹമ്മദ് സുഹൈൽ
ത്വാഇഫ്: 15 വർഷത്തോളമായി ത്വാഇഫ് ബുഖാരിയ്യയിൽ ടെയ്ലറായിരുന്ന ഉത്തർപ്രദേശ് സുൽത്താൻപുർ സ്വദേശി മുഹമ്മദ് സുഹൈലിെൻറ (53) മയ്യിത്ത് ത്വാഇഫിൽ മറവ് ചെയ്തു. ഇന്ത്യൻ കോൺസുലേറ്റ് കമ്യൂണിറ്റി വെൽഫെയർ പ്രതിനിധിയും ത്വാഇഫ് കെ.എം.സി.സി സെൻട്രൽ കമ്മിറ്റി പ്രസിഡൻറുമായ നാലകത്ത് മുഹമ്മദ് സാലിഹിെൻറ നേതൃത്വത്തിൽ ഇബ്രാഹിം ജഫ്ഫാലി ഖബർസ്ഥാനിലാണ് മറവ് ചെയ്തത്.
മൂന്നുവർഷം മുമ്പാണ് സുഹൈൽ അവസാനമായി നാട്ടിൽ പോയി വന്നത്. ത്വാഇഫ് ബുഖാരിയ്യയിൽ ജോലിചെയ്യുന്ന ഇദ്ദേഹത്തിെൻറ രണ്ടു സഹോദരങ്ങളിലൊരാൾ ഇപ്പോൾ നാട്ടിലാണ്. സുഹൈലിന് ഭാര്യയും മൂന്ന് പെൺകുട്ടികളുൾപ്പെടെ നാലു മക്കളുണ്ട്. മയ്യിത്ത് സംസ്കരണ ചടങ്ങിൽ സഹോദരനും സുഹൃത്തുക്കളുമുൾപ്പെടെ വൻ ജനാവലി പങ്കെടുത്തു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.

