യാംബുവിൽ അപ്രതീക്ഷിത പൊടിക്കാറ്റ്

യാംബു: യാംബു റോയൽ കമീഷൻ ഭാഗങ്ങളിൽ ബുധനാഴ്ച പകൽ അപ്രതീക്ഷിത പൊടിക്കാറ്റ് റോഡ് ഗതാഗതത്തെ ബാധിച്ചു. ഉച്ചതിരിഞ്ഞ് ആരംഭിച്ച പൊടിക്കാറ്റിൽ വാഹനങ്ങളും മറ്റും പൊടിയിൽ മുങ്ങി. യാംബു - ജിദ്ദ ഹൈവേയിൽ കണ്ണ് കാണാത്തവിധം അന്തരീക്ഷം ചുവന്ന് ഇരുട്ടിയതായി മാറി. ദൂരക്കാഴ്ച കുറഞ്ഞത് കാരണം റോഡിലൂടെ വാഹനഗതാഗതം മന്ദഗതിയിലായിരുന്നു. അപകടങ്ങൾ റിപ്പോർട്ട് ചെയ്തിട്ടില്ല. യാംബു ടൗണിൽ നേരിയ തോതിലാണ് പൊടിക്കാറ്റ് അനുഭവപ്പെട്ടതെങ്കിലും റോയൽ കമീഷൻ മേഖലയിൽ ശക്തി പ്രാപിക്കുകയായിരുന്നു.