അ​നു​മ​തി​യി​ല്ലാ​തെ സി.​സി.ടി.​വി കാ​മ​റ ദൃ​ശ്യ​ങ്ങ​ൾ കൈ​മാ​റു​ന്ന​തും പ്ര​സി​ദ്ധീ​ക​രി​ക്കു​ന്ന​തും നി​രോ​ധി​ച്ചു

റി​യാ​ദ്​: ബ​ന്ധ​പ്പെ​ട്ട വ​കു​പ്പു​ക​ളു​ടെ അ​നു​മ​തി​യി​ല്ലാ​തെ സു​ര​ക്ഷ നി​രീ​ക്ഷ​ണ (സി.​സി ടി​വി) കാ​മ​റ ദൃ​ശ്യ​ങ്ങ​ൾ കൈ​മാ​റു​ന്ന​തും പ്ര​സി​ദ്ധീ​ക​രി​ക്കു​ന്ന​തും നി​രോ​ധി​ച്ച​താ​യി സൗ​ദി ആ​ഭ്യ​ന്ത​ര മ​ന്ത്രാ​ല​യം അ​റി​യി​ച്ചു. നി​യ​മം ലം​ഘി​ക്കു​ന്ന​വ​ർ​ക്ക് 20,000 റി​യാ​ൽ പി​ഴ ചു​മ​ത്തും. സു​ര​ക്ഷ​നി​രീ​ക്ഷ​ണ കാ​മ​റ​ക​ൾ ഉ​പ​യോ​ഗം സം​ബ​ന്ധി​ച്ച നി​യ​മാ​വ​ലി​യി​ലെ വ്യ​വ​സ്ഥ​ക​ളു​ടെ അ​ടി​സ്ഥാ​ന​ത്തി​ലാ​ണ്​ നി​രോ​ധ​നം.

മ​ന്ത്രാ​ല​യ​ത്തി​​ന്റെ​യോ സ്റ്റേ​റ്റ് സെ​ക്യൂ​രി​റ്റി പ്ര​സി​ഡ​ൻ​സി​യു​ടെ​യോ അ​നു​വാ​ദ​ത്തോ​ടെ​യോ, ജു​ഡീ​ഷ്യ​ൽ ഉ​ത്ത​ര​വി​​ന്റെ അ​ടി​സ്ഥാ​ന​ത്തി​ലോ, ബ​ന്ധ​പ്പെ​ട്ട അ​ന്വേ​ഷ​ണ അ​തോ​റി​റ്റി​യു​ടെ അ​ഭ്യ​ർ​ഥ​ന പ്ര​കാ​ര​മോ അ​ല്ലാ​തെ കാ​മ​റ ദൃ​ശ്യ​ങ്ങ​ൾ കൈ​മാ​റാ​നോ പ്ര​സി​ദ്ധീ​ക​രി​ക്കാ​നോ പാ​ടി​ല്ല. സോ​ഷ്യ​ൽ മീ​ഡി​യ​യി​ൽ പ്ര​ച​രി​പ്പി​ക്കാ​നും പാ​ടി​ല്ല. നി​യ​മ​ത്തി​ലെ വ്യ​വ​സ്ഥ​ക​ൾ ലം​ഘി​ച്ച് ദൃ​ശ്യ​ങ്ങ​ൾ കൈ​മാ​റു​ക​യോ പ്ര​സി​ദ്ധീ​ക​രി​ക്കു​ക​യോ ചെ​യ്യു​ന്ന​വ​രും സു​ര​ക്ഷ നി​രീ​ക്ഷ​ണ സം​വി​ധാ​ന​ങ്ങ​ളും കാ​മ​റ​ക​ളും അ​നു​ബ​ന്ധ ഉ​പ​ക​ര​ണ​ങ്ങ​ളും അ​തി​ലെ റെ​ക്കോ​ഡി​ങ്ങു​ക​ളും ന​ശി​പ്പി​ക്കു​ന്ന​വ​രും ശി​ക്ഷി​ക്ക​പ്പെ​ടു​മെ​ന്നും മ​ന്ത്രാ​ല​യം വ്യ​ക്ത​മാ​ക്കി.