ഉംറ സീസൺ പ്രവർത്തന റിപ്പോർട്ട്​ മക്ക ഗവർണർക്ക്​ കൈമാറി

ജിദ്ദ: ഉംറ സീസൺ പ്രവർത്തന റിപ്പോർട്ട്​ മക്ക ഗവർണറും കേന്ദ്ര ഹജ്ജ്​ കമ്മിറ്റി അധ്യക്ഷനുമായ അമീർ ഖാലിദ്​ അൽഫൈസൽ ഏറ്റുവാങ്ങി. ഹജ്ജ്​ ഉംറ വകുപ്പുമായി സഹകരിച്ച്​ 21 ഒാളം ഗവൺമ​​െൻറ്​ വകുപ്പുകളുടെ വിശദമായ പ്രവർത്തന റിപ്പോർട്ട്​ ഹജ്ജ്​ ​പ്രവർത്തന എക്​സിക്യൂട്ടീവ്​ കമ്മിറ്റി മേധാവി ഡോ. ഹിശാം ബിൻ അബ്​ദുറഹ്​മാൻ അൽഫാലിഹ്​ ആണ്​ കൈമാറിയത്​. തീർഥാടകർക്ക്​ നൽകുന്ന സേവനങ്ങൾ മികച്ചതാണെന്ന്​ ഉറപ്പുവരുത്തുന്നതിനും പോരായ്​മകളും വീഴ്​ചകളുമില്ലാതാക്കുന്നതിനും മക്ക ഗവർണറേറ്റിനു കീഴിൽ ഹറമിനടുത്ത്​ പ്രവർത്തിക്കുന്ന പരിശോധന സമിതിയുടെ പ്രവർത്തന റിപ്പോർട്ടും ഇതിലുൾപ്പെടും. സമിതിക്ക്​ കീഴിൽ 595 ആളുകളെയാണ്​ നിയോഗിച്ചിരുന്നത്​.20 ബസുകളും 41 കാറുകളും 25 മോ​േട്ടാർ സൈക്കിളുകളും 75 വയർലസ്​ ഉപകരണങ്ങളും ആറ്​ കമ്പ്യൂട്ടറുകളും ഇവർക്ക്​ ഒരുക്കിയിരുന്നു.

5.11 ദശലക്ഷം ഭക്ഷണപ്പൊതികൾ റമദാനിൽ മസ്​ജിദുൽ ഹറാമിൽ വിതരണം ചെയ്​തിട്ടുണ്ട്​. മക്കയിലെ വിവിധ പള്ളികളിൽ 25.11 ദശലക്ഷവും മക്ക പ്രവേശന കവാടങ്ങളിൽ ഏക​ദേശം 180000വും ജിദ്ദ കിങ്​ അബ്​ദുൽ അസീസ്​ അന്താരാഷ്​ട്ര വിമാനത്താവളത്തിൽ 890000വും ഇഫ്​താർ ഭക്ഷണപൊതികൾ​ വിതരണം ചെയ്​തതായി റിപ്പോർട്ടിലുണ്ട്​​.

468 പേരെയാണ്​ ഭക്ഷണ വിതരണത്തിന്​ നിയോഗിച്ചത്​. രണ്ട്​ കാറുകൾ, രണ്ട്​ മോ​േട്ടാർ സൈക്കിളുകൾ, 27 ബ്രാവോ ഫോൺ, പത്ത്​ കമ്പ്യൂട്ടർ എന്നിവയും ഇവർക്ക്​ ഒരുക്കിയിരുന്നു. മൊത്തം 23,779,390 ഇഫ്​താർ ഭക്ഷണ പൊതികളും 1.4 ദശലക്ഷം അത്താഴവും വിതരണം  ചെയ്​തു.ഹറമിനടുത്ത്​ തിരക്കൊഴിവാക്കുന്നതി​നും യാത്ര സുഗമമാക്കുന്നതിനും 35 ദശലക്ഷം പേർക്ക്​ ബസ്​ സർവീസ്​ നൽകി. ഏകദേശം 20 ലക്ഷം സർവീസുകളിലായി 2000 ബസുകളിൽ ഹറമിലേക്കും തിരിച്ചും ബസിൽ കൊണ്ടുപോയി. മക്കയുടെ വിവിധ ഭാഗങ്ങളിൽ 5.2 ദശലക്ഷം വാഹനങ്ങൾക്ക്​ പാർക്കിങ്​ സൗകര്യമൊരുക്കി. 
​മക്കയിലും മദീനയിലും പ്രവേശന കവാടങ്ങളിലും തീർഥാടകർക്ക്​ മികച്ച സേവനങ്ങൾ നൽകുന്നതിനും ഉംറ സേവന സ്​ഥാപനങ്ങളെ നിരീക്ഷിക്കുന്നതിനും വീഴ്​ചകളും പോരായ്​മകളും പരിഹരിക്കുന്നതിനും ഹജ്ജ്​ മന്ത്രാലയം നടത്തിയ പ്രവർത്തനങ്ങളും റിപ്പോർട്ടിലുണ്ട്​​.

67228 ആളുകൾ സേവനത്തിനായി രംഗത്തുണ്ടായിരുന്നു. 81 വാഹനങ്ങളും 701 മോ​േട്ടാർ സൈക്കിളുകളും 70 ബ്രാവോ ഫോണുകളും 475 കമ്പ്യൂട്ടറുകളും ​െഎ​പാഡുകളും 118 വയർലസ്​ ഉപകരണങ്ങളും ഹജ്ജ്​ മ​​​ന്ത്രാലയം സേവനത്തിനൊരുക്കിയിരുന്നു.​​.  പൊതുസുരക്ഷ വകുപ്പിന്​ കീഴിലെ വിവിധ വകുപ്പുകളുടെ പ്രവർത്തനങ്ങളും റിപ്പോർട്ടിലുണ്ട്​.33000 സുരക്ഷ ഉദ്യോഗസ്​ഥരും ഇവർക്കാവശ്യമായ 3900 ഉപകരണങ്ങളും സുരക്ഷ രംഗത്ത്​ ഒരുക്കിയിരുന്നു. 34 പൊലീസ്​ സ്​റ്റേഷനും ഒമ്പത്​ ചെക്ക്​ പോസ്​റ്റുകളുമുണ്ട്​.  ടെലി​കമ്യൂണിക്കേഷൻ, ഇരുഹറം കാര്യാലയം, മക്ക മുനിസിപ്പാലിറ്റി, റെഡ്​ക്രസൻറ്​, ജല അതോറിറ്റി, ആരോഗ്യം, പാസ്​പോർട്ട്​, ടൂറിസം വകുപ്പ് തുടങ്ങിയവ വകുപ്പുകളുടെ പ്രവർത്തനങ്ങളും റിപ്പോർട്ടിലുണ്ട്​. ഇരുഹറം കാര്യാലയത്തിനു കീഴിൽ ഒരുക്കിയ ആളുക​ളുടെ എണ്ണം 6623 ആണ്​.70 കാറുകൾ, നാല്​ മേ​േട്ടാർ സൈക്കിളുകൾ, 279 ബ്രാവോ ഫോണുകൾ, 2730 കമ്പ്യൂട്ടർ, ​െഎപാഡ്​, 47,974 ഉപകരണങ്ങൾ, 171 വയർലസ്​ ഉപകരണങ്ങൾ എന്നിവയും. ഒരുക്കി. ഉംറ സീസൺ വിജയകരമായതിൽ മക്ക ഗവർണർ ഒരോ വകുപ്പുകളെയും അഭിനന്ദിച്ചു. കേന്ദ്ര ഹജ്ജ്​ കമ്മിറ്റി അംഗങ്ങൾ, എക്​സിക്യൂട്ടീവ്​ കമ്മിറ്റി അംഗങ്ങൾ, ഹജ്ജ്​ ഉംറ മന്ത്രാലയവുമായി സഹകരിച്ചു പ്രവർത്തിച്ച 21 ഒാളം വകുപ്പുകൾക്ക്​ മക്ക ഗവർണർ നന്ദി രേഖപ്പെടുത്തി.