ഉംറ തീർഥാടകൻ ജിദ്ദ എയർപ്പോർട്ടിൽ മരിച്ചു

ജിദ്ദ: മടക്കയാത്രക്കിടെ മലയാളി ഉംറതീർഥാടകൻ ജിദ്ദ എയർപോർട്ടിൽ മരിച്ചു. മലപ്പുറം മോങ്ങം സ്വദേശി പറമ്പൻ അബൂബക്ക ർ (ടി.പി കുഞ്ഞു-, 77) ആണ് മരിച്ചത്. ഭാര്യ സാബിറയോടൊപ്പം തീർഥാടനത്തിനെത്തിയ ഇദ്ദേഹം ബോഡിങ്‌ പാസ് എടുത്ത് സെക്യൂരിറ്റി പരിശോധനയും കഴിഞ്ഞ്​ അകത്ത്​ കയറിയ ഉടനെ
അസ്വസ്ഥത പ്രകടിപ്പിക്കുകയും ഉടനെതന്നെ മരണപ്പെടുകയുമായിരുന്നു. മക്കൾ: ഷാഹിന, സമീറ (തബൂക്), മുഹ്സിന, ഷാഹിദ്, മുൻഷിദ. മരുമക്കൾ: ഷുകൂർ പൂക്കോയ (തബൂക്), മുസ്താഖ്, അബ്​ദുല്ല, ജബ്​ന. മതൃദേഹം ജിദ്ദ റുവൈസ് മഖ്​ബറയിൽ ഖബറടക്കി.